Jeim 2:2 - Tedim Bible

² Gentehna-in, kham zungbuh bulhin puan manpha a silh mihau khat le puan siasa a silh mizawng khat, note’ kikhopna-ah hong paikhawm leh,

Tedim Bible Revision 2017

² Gentehna-in, kham zungbuh bulhin puan manpha a silh mihau khat le puan sia sa a silh mizawng khat, noteʼ kikhopna ah hong pai khawm leh,

Jeim 2:2 Referans Kwoze

Luka 15:22

Ahi zongin a pa in a nasemte sam a, ‘Hong manlang un. Puan hoihpen hong la unla silhsak un. A khutme-ah zungbuh butsak unla, a khe-ah khedap zong bulhsak un.

Esther 8:2

Tua ciangin kumpipa in Haman’ tung panin a lakkiksa minthuhna zungbuh pen suahkhia-in Mordekai a pia hi. Tua hi a, Haman’ neihsa khempeuh a uk dingin Esther in Mordekai a koih hi.

Esther 3:10

Tua ahih ciangin kumpipa in ama khutsung panin a minthuhna zungbuh suahin Jew mite’ gal, Agag-te beh Hammedatha’ tapa Haman’ tungah a pia hi.

Piancilna 27:15

Tua ciangin Rebekah in inn-a a kep, ama ta upa zaw Esau’ puan hoihpente la-in a ta nauzaw Jakob a silhsak hi.

Isaiah 64:6

Kote khempeuh mawhnei mi ka hi khin uh a, ka gamtat hoih khempeuh uh zong puannin tawh kibanglai veve hi. Kote khempeuh singteh bangin ka vul uh a, ka mawhna hangun huih letkhiat nahthel keu ka bang uh hi.

Luka 23:11

Tua ciangin Herod le galkapte in Jesuh zahko-in simmawh bawl uh a, kumpi puantualpi a silhsak khit uh ciangin Pilat kiangah a puakkik uh hi.

Jeim 2:3

limtakin a kizem mipa zahtakbawl zaw-in, “Hih lai-ah tutna nuamah hong tu in,” ci le-uhcin a, ahi zongin mizawng pa kiangah, “Tua lai-ah na ding phot in,” cihna ahi a, “Sual tung hih ka khe kiang khawngah hong tu in,” cihna ahi zongin kam na zat uhleh,