Jeim 1:3 - Tedim Bible

³ Tua bangin na upna uh hong kize-etna na thuakzawh uh ciangin na kipna uh hong kilangsak ahihna thu na thei uh hi.

Tedim Bible Revision 2017

³ Tua bangin na upna uh hong kize-etna na thuak zawh uh ciangin na kipna uh hong kilangsak ahihna thu na thei uh hi.

Jeim 1:3 Referans Kwoze

Hebru 10:36

Pasian’ deihna bangin gamta-in, ama thuciam na ngahtheih nadingun lungduai-in thuakzawhna na kisam uh hi.

Kolose 1:11

Note in lungduai maitai takin thuakzo-in, khuavak gam sungah a om Pasian’ mite tawh nopsakna a ngahkhawm thei dingin a hong bawl i Pa tungah lungdamna na koh theih nadingun a minthang ama vangliatna in note tungah thahatna hong guan tahen.

1 PETER MASA 1:7

Hih bang thuaknate in a um takpi mah na hihna uh hong kilangsak hi. A siathei khamte nangawn, a hoih taktak mah ahi hiam, ci-in mite in mei tawh sin uh ahih manin, kham sangin a manphazaw note’ upna zong a kiptak mah ahi hiam, ci-in Pasian in hong sin ding mah ahi hi. Tua bangin na thuakzawh uhleh Khrih hong kilat Ni ciangin phatna, minthanna, le pahtawina na ngah ding uh hi.

ROM (Romans) 8:28

Ama deihna bang a sem dingin Pasian in a hong sap, amah a it eite a dingin na khempeuh a hoihlamin piangsak hi, ci-in i thei hi.

2 KORIN NIHNA 4:17

Tuhun laitakin tomno sung lungkhamna ka thuakte uh in ka thuakna uh sangin nakpitakin a lianzaw tawntung minthanna sung hong tunpih ding hi.

ROM (Romans) 15:4

Lai Siangtho sungah a om thu khempeuh pen eite hilh nading, eite in lametna nei-in i thuakzawh nading, le i thahat theih nadingin a kigelh ahi hi.

2 PETER NIHNA 1:6

na thutheihna uh pumpi ki-ukzawhna tawh na behlap unla, na pumpi ki-ukzawhna uh thuakzawhna tawh na behlap un; na thuakzawhna uh Pasian’ deih bangin gamtatna tawh na behlap unla,

ROM (Romans) 8:25

I muh lohte i lamet ciangin lungduaitakin i ngak thei hi.

Hebru 12:1

Tua hi a, eite in i kiim i pamah hih zahin a tam teci nei ihih ciangin eite a hong dongtangsak thei nate khempeuh le eite a hong gakcip mawhna le khialhnate khempeuh paikhia-in, i mai-ah a om tai nading lampi a mong dongin lungsim kiptakin tai ni.

2 THESALONIKA NIHNA 3:5

Pasian bangin itna nei-in Khrih thuak bangin na thuakzawh nadingun Topa in note lungsim hong bawlsak tahen.

2 THESALONIKA NIHNA 1:4

Bawlsiatna le gimna na thuakna khempeuh uhah na upna uh khahsuah loin thuakzo paisuak na hih manun midangte kiangah Pasian’ pawlpi ka na kisialhpih uh hi.

ROM (Romans) 2:7

Pahtakna, minthanna, le hin tawntungna deihin a gamtat hoih tawntung mite tungah Pasian in nuntak tawntungna pia ding a,

Luka 21:19

Hih bangin thuakzo le-uhcin nuntakna taktak ngah ding na hih manun kiptakin om un.

Hebru 6:12

Note thadah loin upna le lungduaina a nei mite bangin, Pasian’ hong ciamsa thu na ngah nadingun ka hong deihsak uh hi.