Jeim 1:21 - Tedim Bible

²¹ Tua ahih manin ngeina hoih lote le gamtat siate khempeuh nusia unla, Pasian’ thu mangin note’ lungsim sungah a hong koih thu zui un. Tua thu in note hong honkhia thei hi.

Tedim Bible Revision 2017

²¹ Tua ahih manin ngeina hoih lote le gamtat siate khempeuh nusia unla, Pasianʼ thu mangin noteʼ lungsim sungah a hong koih thu zui un. Tua thu in note hong hon khia thei hi.

Jeim 1:21 Referans Kwoze

Efesa 4:22

Zuauna lungsim in a suksiat khitsa, nidangin na nuntakna ngei uh ahi na pianlui uh paikhia unla,

Efesa 1:13

Note in zong hotkhiatna a hong ngahsakthei Lungdamna Thu a man za-in Khrih na up uh ciangin, Pasian in a hong ciamsa bangin ama mi na hihna uh a kilat nadingin note tungah Kha Siangtho hong piakna tawh a hong ciamteh hi.

1 PETER MASA 2:11

Ka itte aw, hih leitungah gamdang mi, a peempak bangin kingaihsun unla, na kha nuntakna uh tawh a kilehngat pumpi’ deihnate na kikham un.

Johan 6:63

Nuntakna a piathei pen Pasian’ Kha hi a, mihingte’ hihtheih bangmah om lo hi. Keima hong gen thute pen nuntakna a hong piathei tua Kha thu ahi hi.

Late 25:9

Amah in lungsim kiniamkhiatte a manah paipihin a zia a tong a hilh hi.

1 PETER MASA 2:1

Tua ahih manin gitlohna, zuauna, kineihkhemna, huaihamna, le kigensiatnate na omsak nawn kei un.

Hebru 12:1

Tua hi a, eite in i kiim i pamah hih zahin a tam teci nei ihih ciangin eite a hong dongtangsak thei nate khempeuh le eite a hong gakcip mawhna le khialhnate khempeuh paikhia-in, i mai-ah a om tai nading lampi a mong dongin lungsim kiptakin tai ni.

Jeim 4:8

Pasian kiang nai un. Amah in zong hong nai ding hi. Mawhneite in na khut uh silsiang unla, a kineihkhemte in na lungsim uh siangsak un.

Titu 2:11

Bang hang hiam cih leh mi khempeuh in hotkhiatna a ngahtheih nadingun Pasian in ama hehpihna hong lak khinzo hi.

ROM (Romans) 1:16

Lungdamna Thu ka muang mahmah hi. Tua thu pen a masa-in Jew mi, tua zomin minam dangte, thu um mi khempeuh a honkhiazo Pasian’ vangliatna ahi hi.

Hebru 4:2

Bang hang hiam cih leh amaute in Lungdamna Thu a zak uh mah bangin eite in zong i za hi. Amaute in Lungdamna Thu a zak uh ciangin upna tawh na sang lo uh ahih manin a thuzak uh amaute a dingin a phattuamna om lo hi.

Hebru 2:3

Tua ahih manin a thupi mahmah hih hotkhiatna thudon loin i om leh suahtakna om thei ngei lo ding hi. A masa-in Topa mahmah in hotkhiatna thu hong pulak a, tua thu a za mite in thuman ahihna thu eite tungah hong gen leuleu uh hi.

1 KORIN MASA 15:2

Kei’ hong hilh thu pen lungdamna thu ahi hi. Note in kiptakin tua lungdamna thu na let nak-uhleh hotkhiatna a ngah na hi uh hi. Tua hikeileh na upna uh a mawkna ahi hi.

ROM (Romans) 6:17

Nidangin silate bangin mawhna’ thu a mang hinapi-in, tu-in note tungah a hong kipia thuhilhna kipte, na lungsim khempeuh uh tawh zui na hih manun Pasian tungah i lungdam mahmah hi.

Isaiah 29:19

Mi’ nopnehte in Topa’ sungah lungdamna thak ngah ding uh a, Israel-te’ Siangtho Pa’ sungah mizawngte lungdam ding uh hi.

Johan 6:68

Simon Peter in, “Topa aw, ciah le ung kua kiang zuan mawk ding ka hi uh hiam? Nangmah in nuntak tawntung nading thu na nei hi.

1 THESALONIKA MASA 2:13

Note kiangah Pasian’ thu ka hong gen uh ciangin no thu um mite sungah ama thu tawh kisai-in Pasian in na hong sem ahih manin kote’ thugente pen Pasian’ thu taktak ahih mah bangin kote’ thugenna na zak uh ciangin mihing’ thu bangin ngaihsun loin Pasian’ thu taktak mahin hong sang na hih manun, hih thu hangin zong Pasian’ tungah ka lungdamna uh ka ko uh hi.

2 KORIN NIHNA 7:1

Tua ahih manin ka hong it lawmte aw, pumpi le lungsim a ninsak theite khempeuh panin kisiansuahin, Pasian zahtakna tawh nungta-in siangtho sinsenin om ni.

Isaiah 30:22

Tua ciangin note in ngun tawh a kizut na milimte uh le kham a kiluan, a kisung na milimte uh na ninsak ding uh hi. Nin bangin tuate na thehthang ding uh a, tuate tungah, “Beimang ta un!” na ci ding uh hi.

Isaiah 2:20

Amah pen leitung a lingsakgawp dingin a hong kipat hun ciangin Topa kihtakna le a lian ama minthanna vang panin suanghawmpite sung le keenhawmte sungah a buk theih nadingun amau’ bawltawm ngun le kham milimte, buite le bakte a paih ding uh hi.

Sawltak 13:26

“Abraham’ suan ka behte le Pasian a bia Gentail mi khempeuh aw, hih hotkhiatna thu pen eite a dingin Pasian in a hong puak ahi hi.

Isaiah 61:1

Gimna a thuak mite tungah thuhoih a puak dingin Topa in kei hong teelin hong sawl ahih manin keima sungah Topa Pasian’ kha hong om hi. Lungsim kitamzante a damsak ding, salin a kimante tungah suahtakna thu a gen ding, a kikhum mite a dingin thong kong a hong ding,

1 PETER MASA 1:9

Tua bangin na upna uh hangin kha thu-ah hotkhiatna a ngah na hi uh hi.

ROM (Romans) 11:17

A kiciing oliv kung a hiangte kisatkhia-in gamlak oliv hiangte tawh kipeh hi. No Gentail-te pen tua gamlak oliv hiangte tawh a kibang na hi uh a, Jew mite’ hamphatna teng a ngahkhawm na hi uh hi.

Sawltak 10:33

Tua ahih manin nang kong samsakpah a, midik na hih manin hih lai ciang a hong tung na hi hi. Topa in na gen dingin a hong sawl thu khempeuh na hong gen ding ngakin Pasian’ omna hih lai munah a om ka hi uh hi,” ci-in a dawng hi.

Mattiu 5:5

A lungnem mite in Pasian’ ciamsa leitang ngah ding uh ahih manin thupha ngah mi ahi uh hi.

Zefaniah 2:3

Kiniamkhiatin, Topa’ thupiakna a mang Judah gammi khempeuh aw, Topa’ kiang zuan un. A manin gamta unla, kiniamkhiat un. Tua hileh Topa’ hehna hong kilat ciangin, tua hehna hangin gimna panin na peng khathei ding uh hi.

Ezekiel 36:25

Note tungah tui siangtho kong theh ding a, na milim biakna uh le note hong ninsak na dang khempeuh panin kong siangsak ding hi.

Ezekiel 18:31

Na gamtatnasa uh mawhna khempeuh nusia unla, na lungsim uh le na ngaihsutna uh thaksuaksak un. Bang hangin no Israel mite si nuam na hi uh hiam?

1 THESALONIKA MASA 1:5

Bang hang hiam cih leh note kiangah Lungdamna Thu ka hong hilh lai-un kam bek tawh a hong gen hi loin, Kha Siangtho’ vangliatna le Lungdamna Thu a man taktak hi, ci-in theihna tawh a hong pai ka hi uh hi. Note kiangah ka om laitakun note’ phattuam nadingin ka sep ka bawlna khempeuh uh na thei uh hi.

Efesa 5:4

A kilawm lo-a kampauna, le ciamnuih hoih lo cihte zong na zang kei unla, Pasian tungah lungdamkohna kam na pauzaw un.

Efesa 4:25

Tua ahih manin zuau gen nawn kei unla, Khrih pumpi nate ihihna hangin pawlkhat ihih manin khatlekhat tungah thuman kigen ni.

Jeim 5:20

tua bangin a khial mite lam manah a tunpihkik mipa in a khial mite a sih nading panin honkhia-in, mawhna tampi a mai nadingin na a sempa ahihna thu na phawk un.

1 PETER MASA 1:22

Tu-in lungdamna thuman na zuihna hangun note kisiansuah khinin, na thu uppih mite uh lungsim tak tawh itthei khinta na hih manun na lungsim khempeuh uh tawh limtakin na ki-it un.