Isaiah 9:5 - Tedim Bible

⁵ Galkap hangte’ khedap khempeuh le si a baang puan khempeuh mei-in kicih ding hi.

Tedim Bible Revision 2017

⁵ Galkap hangteʼ khedap khempeuh le si a baang puan khempeuh mei-in kicih ding hi.

Isaiah 9:5 Referans Kwoze

2 THESALONIKA NIHNA 1:8

Pasian a thei lo mite, le i Topa Jesuh tawh kisai Lungdamna Thu a um lo mite tungah gimna a tungsak ding hi.

Mattiu 3:11

Na kisikkik khitna uh a kilat nadingin tui sungah note ka hong phum a, ahi zongin kei nungah a hong pai pa in Kha Siangtho le mei sungah note hong phum ding hi. Tua a hong pai ding pa pen kei sangin nakpitakin lianzaw a, ama khedap a tawisak ding nangawnin ka kilawmzo nai kei hi.

Nahum 3:2

Ngai un! Sakol kisatna a ging, leengpei kigawi, sakol koplenna kheging, sakol leeng a tuan lauhlauh gingte!

Joel 2:5

Mualtung tengah a tuan zuazua laitakun sakol leeng ging zuazuate le gamlak a lopa omte kangin a puak ziazua tawh kibang uh a, galsim dingin a kithawi, galkap honpi tawh kibang uh hi.

Isaiah 30:33

Assiria kumpipa a kihalna ding mei phualpi mun, sawtpekin kibawl khinzo hi. Kumpipa a dingin a baihsa-in kikoih a, a mi halna pen lianin kisangsak a, sing a sangpi-in vum venvan hi. Topa in kaat kuang hu sangkhia ding a, tua mei phualpi tawhkuang ding hi.

Late 46:9

Amah in leimong dongah gal beisak hi. Amah in thalpi kuaitanin teipi susia a, leengte mei tawh a haltum hi.

Sawltak 2:19

Tua ciangin vantung le leitungah hilhkholhna lim le nalamdang ka bawl ding hi. Sisan kiluansakna, meikatna le meikhu sahpi hong om ding hi.

1 SAMUEL MASA 14:19

Saul in siampipa a hopih laitakin Filistia-te’ giahphual a buaina hong lian semsem hi. Tua ciangin Saul in siampipa kiangah, “Tua Thuciamna Singkuang lenin Topa thu dot ding hun om nawn lo hi,” a ci hi.

Siampi Laibu 3:16

Tua ciangin siampipa in a gim namtui dingin mei tawh kihal an tawh biakna-in biakna tau tungah hal ding hi. A thau khempeuh Topa-a’ ahi hi.

Siampi Laibu 3:11

Tua ciangin siampipa in Topa’ tungah mei tawh kihal an tawh biakna-in biakna tau tungah hal ding hi.

Sawltak 2:3

Tua ciangin leii tawh a kibang meikuang bang pian amaute lakah hong kithehthang a, tuate in mi khempeuh sukha kim hi.

Jeremiah 47:3

Sakol khegingte za-in, sakol leeng gingte le a pei kigawite a zak uh ciangin, a khut uh zaw luata ahih manin pate in a tate uh a donzo nawn kei ding uh hi.

Isaiah 37:36

Tua ciangin Topa’ vantungmi kuankhia-in Assiria mite’ giahphual ah mihing tul za le tul sawmgiat le tulnga a that hi. Zingsangin mite a thawh ciangin hihte khempeuh misi luang bekbek na hi hi.

Isaiah 13:4

Ngai un, mihonpi lungdam bangin mualtungte ah gamlumna! Ngai un, minamte’ kumpi gamte kikhawmin a gamlumna! Vanglian Topa in galdo dingin mihon khat kaikhawm hi.

Late 72:3

Mual liante le mual neute in thumanna tawh na mite a dingin nopna tampi piangsak tahen.

Isaiah 2:4

Amah in minamte khatlekhat kikalah thu khenin, mi tampite’ thu khensak ding hi. Amaute in a namsaute uh lokhawhna tu, a teipite uh singhiang heuhna temkawi-in a seek ding uh hi. Minam khat le minam khat kido nawn lo ding uh a, galdo dingin kithawi nawn lo ding uh hi.

Isaiah 9:4

Bang hang hiam cih leh Midian-te a kizawh ni-a bangin nangmah in amau’ vangik puakna hakkol le amaute a kisatna ciangkhut na kuaihtansak a, nangma mi a bawlsia minamte na zogawp hi.

Isaiah 9:6

Bang hang hiam cih leh eite a dingin naungek khat hong suak a, eite’ tungah tapa khat hong kipia hi. Amah pen eite hong ukpa hi ding a, ama min pen “Lamdang Thulak pa, Vanglian Pasian, Tawntung Pa, Nopsakna Kumpi,” kici ding hi.

Piancilna 32:30

Tua ahih ciangin Jakob in tua mun pen Peniel, ci-in min a phuak hi. “Bang hang hiam cih leh maitang kituahin Pasian ka mu khin a, ahi zongin kei hong kihing khawi lai hi,” a ci hi.

Paikhiatna 23:21

Amah thudonin ama aw ngai unla, amah lehdo kei un. Bang hang hiam cih leh amah in note’ thu palsatna hong maisak lo ding hi. Bang hang hiam cih leh keima min tawh nasem ahi hi.

Thukhente 13:18

Topa’ vantungmi in ama kiangah, “Hih thu a lamdang hi, ci-in thei napi-in bang hangin ka min hong dong na hi hiam?” a ci hi.

Jeremiah 23:5

“En un, Topa in kong cihin-ah, keimah in David’ suan lak panin kumpi dingin a diktat mi khat ka khankhiatsak ni hong tung ding hi. Amah gam uk siam mahmah ding a, gam sungah thuman thutang tawh thu hong khen ding hi.

Micah 5:1

Jerusalem khuamite aw, na kulh sung uhah lut un. Eite hong ki-umcih a, Israel makai pa a hong sim uh ahi hi.

Zekhariah 6:13

Amah pen Topa’ biakinn a lam ding pa hi a, kumpite’ ngah theih minliatna ngahin, ama mite uk ding hi. Ama kumpi tokhom gei-ah siampi khat om ding a, kithutuakin, kilemin na semkhawm ding uh hi,” ci hi,’ va ci in.