Isaiah 9:3 - Tedim Bible

³ Nangmah in amaute na pungsak a, a lungdamna uh na khangsak hi. Anlak hun ciangin lungdamna le mite in vankisutte a hawm ciangun a lungdam bangun nangma mai-ah amaute lungdam uh hi.

Tedim Bible Revision 2017

³ Nangmah in amaute na pungsak a, a lungdamna uh na khangsak hi. Anlak hun ciangin lungdamna le mite in vankisutte a hawm ciangun a lungdam bangun nangma mai ah amaute lungdam uh hi.

Isaiah 9:3 Referans Kwoze

Late 119:162

Vankinusia tampi tak a ngah pa bangin na thuciamna-ah ka lung a dam mahmah hi.

1 PETER MASA 1:8

Amah mu ngei lo napi-in na it uh a, amah mu ngei lo napi-in a thu umin kama genzawh loh zah dongin nakpitakin na lungdam uh hi.

Isaiah 26:15

Ahih hangin nangmah in ko minam nong khangsak hi. Topa aw, nangmah in ko minam nong khangsak a, gamgi khempeuh na hong keeksak khin hi. Hih thu hangin nangma min a thang hi.

Isaiah 66:10

Naungek in a nu’ nawi teepin nuam a sak mah bangin, Jerusalem in nuam a sakna ah nuam na sakkhawm theih nadingun amah a it khempeuhte aw, Jerusalem tawh lungdam unla, ama hangin kipak un. Ama hangin kapin a thum khempeuhte aw, ama lungdamna ah amah tawh lungdam khawm un, a ci hi.

Isaiah 65:18

Keima piansaksa sungah lungdamin kipakin om tawntung un. Bang hang hiam cih leh Jerusalem khuapi lungdamna khua-in bawlin, a mite a lungnuam dingin ka bawl hi.

Isaiah 35:10

Topa’ hotkhiatsa mite hong ciahkikin, lungdam tawntungna mai pua-in la sa kawmin Jerusalem-ah hong tung ding uh hi. Amaute in lungdamna le kipakna ngah ding uh a, dahna le khuisatna om nawn lo ding hi.

1 SAMUEL MASA 30:16

Tua ciangin amah in David paipih suk hi. Filistia-te’ gam le Judah gam panin a lak uh na tampite hangin amaute gam sung khempeuhah kithehthangin an ne, tuidawn, laamin na om uh hi.

Luka 11:22

Ahi zongin amah sangin a hatzaw mi khat in amah simin a zawhgawp khit ciangin, ama muan a hiam khempeuh laksakin a pawlte tawh a hawm hi.

Late 4:7

Amaute, an le leengtui a hauh cianga a nuam uh sangin nuamna lianzaw ka lung sungah nong guan hi.

Filippi 4:4

Topa sungah lungdam tawntung un, ka hong cihsa bangin tu-in zong lungdam un, ka hong ci kik hi.

Zekhariah 10:8

Amaute samin ka kaikhawm ding a, amaute honkhia-in a nidang zahin mi tampi ka phasak ding hi.

Zekhariah 8:23

Tua hun ciangin minam tuamtuamte sung panin mi sawm, Jew mi khat kiangah hong pai-in, ‘Pasian in nang hong ompihna thu za ka hih manun na nung hong zuisak in,’ ci-in thum ding uh hi,” a ci hi.

Zekhariah 2:11

Tua hun ciangin Topa kiangah minam tampi hong pai ding uh a, ama mite a suak ding uh hi. Topa in note hong ompih ding a, tua ciangin note kiangah kei a hong sawl ahihna thu na thei ding uh hi.

Hosea 4:7

Siampi tam semsem leh kei tungah a khialhna uh tam semsem hi. Amau’ minthanna pen mindaina ka suaksak ding hi.

Jeremiah 31:7

Bang hang hiam cih leh Topa in kong cihin-ah, “Jakob a dingin lungdamna tawh ngaih takin la sa unla, gam khempeuh lakah gam lian pen a dingin kiko-in awng un. ‘Topa in Israel mi a omlaite, ama mite hong honkhia khinzo hi,’ ci-in taangko unla phat un.

Isaiah 61:10

Topa’ hangin nakpitakin ka lungdam ding a, ka Pasian’ hangin kipakin ka diang ding hi. Bang hang hiam cih leh zipi pa puanhoih tawh kizemin, mothak nu a suangmanphate tawh a kizep mah bangin amah in hotkhiatna puan kei hong silhsakin, thumanna puanpi tawh kei hong tuam khin hi.

Isaiah 61:7

Note’ maizumna tangin nopsakna a zah nihin na ngah ding uh a, note’ mindaina tangin no’ ngahna sungah na lungdam ding uh hi. Tua ahih ciangin na gam sung uhah a zah nih na luah ding uh hi. Note-a’ pen tawntung lungdamna hi ding hi.

Isaiah 55:12

Bang hang hiam cih leh Babylon panin lungdamna tawh na paikhia ding uh a, nopsakna tawh hong kipaikhiatpih ding hi. Note mai-a mual liante le mual neute inla sa-in awng ding uh a, gam sunga sing khempeuh in a khut uh beeng ding uh hi.

Isaiah 54:1

Ta a nei lo, a ciing mi aw, lungdamin la sa in. Nausuak natna a thuak ngei lo mi aw, la sa khia inla, a gingin kiko in! Bang hang hiam cih leh a kinusia numei’ tate pen a kitenpih numeite’ tate sangin tamzaw ding hi, Topa in ci hi.

Isaiah 35:2

tampi takin palhkhia ding a, lungnopna le lasakna tawh lungdam ding hi. Lebanon mual a minthanna, Karmel mual le Sharon mual a minliatna tua leitang in ngah ding hi. Mi khempeuh in Topa’ minthanna, i Pasian’ liatna mu ding uh hi.

Isaiah 25:9

Tua ni ciangin, “En un, amah pen eima Pasian ahi hi. Eite a hong hon dingin amah i ngak hi. Amah pen eima Topa ahi hi. Amah i ngak hi. Amah in eite hong honkhia ahih manin lungdamin kipak ni,” kici ding hi.

Isaiah 12:1

Ni khat ni ciangin mite in, “Topa aw, kei tungah na heh hangin na hehna damta a, kei hong hehnem na hih manin nang tungah lungdamna kong ko ding hi.

Late 107:38

Ama thupha piakna hangin ante nakpitakin pung a, amau’ bawngte zong kiamsak lo hi.

Nehemiah 9:23

Nangmah in amau’ suanlekhakte vana aksi zahin simzawh lohin na tamsak a, a pu a pate un a luah dingin na piak dingin na ciamsa gamah amaute na paipih hi.

Thukhente 5:3

Ngai un, kumpite aw, na bil uh ngat un, uliante aw. Topa tungah la ka sa ding a, Israel-te’ Pasian, Topa’ tungah la ngaih ka sa ding hi.

Sawltak 8:8

Tua ahih manin tua khuapi sunga om mite lungdam mahmah uh hi.

JOB (Job) 12:23

Amah in minamte thahatsakin liansak a, ahi zongin amah in tuate zogawpin susia hi.

Isaiah 65:14

Ka nasemte in lungdamin la sa ding uh a, note in lungsim na sa-in kiko-in, lungsim gimna hangin na tau ding uh hi.

Siampi Laibu 26:13

Note pen amau’ sila na hihloh nadingun Egypt gam panin note a hong paikhiatpih Topa na Pasian uh ka hi hi. Keimah in note’ gimna hakkolte kuaitanin note a dingtangin kong paisak hi.

Thukhente 7:22

Amaute in peengkul za thumte a tum uh ciangin, Topa in a galte khempeuh a namsau uh tawh amau le amau kisatgawp sak hi. Tua ciangin a galte uh Zererah gei Bethshittah ciang, le Tabbath kiang Abelmeholah gamgi dong tai uh hi.

Thukhente 8:12

Tua ciangin Zebah le Zalmunna tai uh hi. Amah in amaute delhin Midian kumpi nihte Zebah le Zalmunna manin amau’ galkap khempeuh kithehthang sak hi.

Isaiah 10:26

Vanglian Topa in Oreb suangpi-ah Midian mite a sukgawp bangin, amah in amaute tungah gimpiakna zang ding a, Egypt mite a thuaksak bangin Assiria mite thuaksak ding hi.

Isaiah 14:5

Tawlnga loin mihingte satna-in a kizang, hehna tawh minamte ukin nakpitakin a bawlsia, migilote’ ciangkhut le gam ukte’ kumpi ciangkhut, Topa in kuaitan khinta hi.