Isaiah 9:1 - Tedim Bible

¹ Zebulun minamte le Naftali minamte’ tenna gamte in mindaina thuak ngei uh a, ahi zongin mai lamah pahtawina ngahkik ding uh hi. Mediterranean tuipi a kipanin nisuahna lam Jordan gun gal, minam dangte’ tenna Galilee gam sung minthang kik ding hi.

Tedim Bible Revision 2017

¹ Zebulun minamte le Naftali minamteʼ teenna gamte in mindaina thuak ngei uh a, ahi zongin mai lamah pahtawina ngahkik ding uh hi. Mediterranean tuipi a kipanin nisuahna lam Jordan gun gal, minam dangteʼ teenna Galilee gam sung minthangkik ding hi.

Isaiah 9:1 Referans Kwoze

2 KUMPI NIHNATE 15:29

Israel kumpi Pekah’ hun laitakin Assiria kumpi Tiglathpileser hong pai-in Ijon, Abelbethmaakah, Janoah, Kedesh, Hazor, Gilead, le Galilee, le Naftali gam khempeuh la a, amah in galmatin mite Assiria-ah a ciahpih hi.

Isaiah 8:22

Amaute in leilak a etsuk hangun, lungkhamna le khuamialna, lungzinga gimna bek om hi. Khuamial ngeungau sungah amaute kihawlkhia ding hi.

2 KHANG TANGTHU NIHNATE 16:4

Tua ciangin Benhadad in Kumpi Asa’ thu ngai-in Israel khuapite a sim dingin a galkap ukte sawl a, amaute in Ijon, Dan, Abelmaim, le Naftali vankoihna khuapite a zo uh hi.

1 KHANG TANGTHU MASATE 5:26

Tua ahih ciangin Israel Pasian in Assiria kumpipa Pul (Tiglathpileser zong a kici) Assiria kumpipa hansuah a, amah in Reuben mite, Gad mite, le Manasseh minam alangte puakhia-in, Halah, Habor, Hara khuate, le Gozan gun dungah paipihin tuni dongin tua gamte-ah om uh hi.

Siampi Laibu 26:28

note ka hong heh ngawh bawl ding a, note’ khialhna hangin a zah sagih vei-in kong thuhilh ding hi.

Siampi Laibu 26:24

kei zong note hong gawtin, kei mahmah in na khialhnate uh hangin a zah sagih vei-in kong sat ding hi.

Luka 24:27

Tua ciangin Jesuh in Lai Siangtho sungah ama thu a kigennate khempeuh, Moses laibu a kipanin kamsangte’ laibu khempeuh a khiatna a gen hi.