Isaiah 8:21 - Tedim Bible

²¹ Mite pen gam sungah vak kawikawi-in, nakpitakin lungkhamin gilkial ding uh hi. A gil uh a kial ciangin amaute lungham gawp ding uh a, a kumpipa uh le a Pasian uh hamsiatin vandak ding uh hi.

Tedim Bible Revision 2017

²¹ Mite pen gam sungah vak kawikawi-in, nakpi takin lungkhamin gilkial ding uh hi. A gil uh a kial ciangin amaute lungham gawp ding uh a, a kumpipa uh le a Pasian uh hamsiatin van dak ding uh hi.

Isaiah 8:21 Referans Kwoze

Isaiah 9:20

Amaute in a taklama omte ne uh a, ahih hangin a gil uh kiallai veve hi. A veilama omte ne uh a, ahih hangin kham nai lo uh hi. Mite in amau’ vengte’ sa ne ciat uh hi.

Paunak 19:3

Mi pawlkhat in amau’ haitatna hangin gimna a ngah hinapi-in Topa ngawhin mawk heh uh hi.

Jeremiah 52:6

Tua kum a kha lina, a ni kua ni ciangin khuapi sungah kial nasia lua ahih manin, mite in annek ding a nei nawn kei uh hi.

Jeremiah 14:18

Lolai-ah paikhia leng, namsau tawh a kithat mi bekbek ka mu a, khuapi sungah lut leng, kialin a puksite bekbek ka mu hi. Kamsangte le siampite in koi-ah pai ding cih thei lopi-in gam sungah an ngenin a vak kawikawi uh hi,’ ci-in va gen in,” hong ci hi.

JOB (Job) 2:9

Tua ciangin a zi in, “Na upna khiam tuan lo ding na hi hiam? Pasian samsia inla sisuk mai in,” a ci hi.

JOB (Job) 2:5

Tu-in na khut zan inla, ama sa le a guh suksak lecin nangma maitang mahah pel loin nang hong samsia ding hi,” a ci hi.

JOB (Job) 1:11

Ahi zongin na khut zanin ama neihsa khempeuh suksak lecin na maitang mahmahah nang hong samsia pah ding hi,” a ci hi.

2 KUMPI NIHNATE 25:3

A kha lina a ni kua ni-in tua khuapi sungah kialpi nasia mahmah ahih manin tua gam mite a’ ding an om lo hi.

Paikhiatna 22:28

“Thukhente na simmawh kei ding uh a, na mite uh a ukpa zong na samsia kei ding uh hi.

2 KUMPI NIHNATE 6:33

Amaute tawh amah a kiho laitakin ama kiangah kumpipa hong paisukin, “Hih lungkhamna Topa’ piansak hi lo ahi hiam! Bang hangin Topa in bang khat peuhpeuh a sep ding ngaklai ding ka hi hiam?” a ci hi.

Siampi Laibu 24:11

Israel numei’ tapa in Min Siangtho gensia-in samsia hi. Amaute in Moses kiangah amah paipih uh hi. Ama nu’ min pen Shelomith hi a, Dan minam, Dibri’ tanu ahi hi.

1 SAMUEL MASA 8:18

Tua ni ciangin note a dingin na teelsa uh na kumpipa uh hangin note na kiko ding uh a, ahih hangin tua ni ciangin Topa in note hong dawng lo ding hi,” a ci hi.

JOB (Job) 18:12

A hauh ngei hangin tu-in gilkial ta a, siatna in a su dingin amah ngak gige hi.

Isaiah 9:21

Manasseh in Efraim, Efraim in Manasseh ne-in, tua tegel in Judah langpang khawm uh hi. Hih thute khempeuh hangin ama hehna damzo nai lo a, ama khut kizanlai hi.

Isaiah 14:30

Mizawngte in keima gankhahna sungah an ne ding uh a, a cimawhte lungnuam takin lum hithiat ding uh hi. Ahih hangin no Filistia mite, kialpi tawh kong that ding a, a suaktakha a omlaite keimah in ka that ding hi.

Isaiah 51:19

Nang tungah siatna le maimanna, kialpi le namsau, hih thu nih hong tungzo hi. Kua in nang hong dahpih ding ahi hiam? Kua in nang hong hehnem ding ahi hiam?

Isaiah 59:9

Tua ahih ciangin ei a hong gimsakte kiang panin Pasian in a hong hotkhiat lohna a hang i thei hi. Eite in a nuam ding i lamen a, ahi zongin lungzinna bekbek i tuak hi.

Isaiah 65:13

Tua ahih manin Topa Pasian in hih bangin ci hi: En un, ka nasemte in ne ding uh a, ahih hangin note na gilkial ding uh hi. Ka nasemte in dawn ding uh a, ahih hangin note na dangtak ding uh hi. Ka nasemte lungdam ding uh a, ahih hangin note na maizum ding uh hi.