Isaiah 8:13 - Tedim Bible

¹³ Ahih hangin Vanglian Topa pen a siangtho-in na ngaihsun ding uh hi. Amah pen note’ zahtak pa le note’ kihtak pa na hisak ding uh hi.

Tedim Bible Revision 2017

¹³ Ahih hangin Vanglian Topa pen a siangtho-in na ngaihsun ding uh hi. Amah pen noteʼ zahtak pa le noteʼ kihtak pa na hisak ding uh hi.

Isaiah 8:13 Referans Kwoze

Luka 12:5

Kuate kihta ding na hi uh hiam cih leh, mite in a thah khitsa mipa pen hell khuk sungah a khiathuah theilai Pasian na kihta un.

Mangmuhna 15:4

Topa aw, nang, kua in hong kihta lo ding a, na liatna hong phat lo ding ahi hiam? Nang bek na siangtho hi. Thumanin na sepnate mi khempeuh in mu uh ahih manin minam khempeuh nang kiangah hong pai-in, na mai-ah hong bia ding uh hi,” a ci uh hi.

Mattiu 10:28

Pumpi a thah khit ciangin kha a that thei lote na kihta kei un. Hell khuk sungah pumpi le kha a nihin a susia thei pa na kihtazaw un.

Late 76:7

Ahih hangin nang na kihtakhuai mahmah hi. Na heh khit phot ciangin nangma mai-ah kua ding ngam nawn ding ahi hiam?

Malakhi 2:5

“Amaute a nuntakna ding le a nopsakna ding thu ka ciam a, amaute in kei hong zahtak theih nadingun hih ka thuciamte khempeuh ka pia hi. Amaute in kei hong zahtakin hong kihta takpi uh hi.

Isaiah 29:23

Bang hang hiam cih leh keima khut tawh ka bawlsa amau’ tate a muh uh ciangin amaute in keima min hong phat ding uh hi. Amaute in Jakob’ Siangtho Pa, a siangtho ahihna phawk ding uh a, Israel Pasian zahtakin kihta ding uh hi.

Piancilna 31:53

Abraham’ Pasian le Nahor’ Pasian, amau’ pate’ Pasian in eite’ kikalah thu khen ta hen,” a ci hi. Tua ahih ciangin Jakob in ama pa Isaac’ Zahtak pa tawh a kiciam hi.

ROM (Romans) 4:20

Amah in Pasian’ thuciamna muanlah dingin ngaihsun lo a, a upna khahsuah het lo hi. A upna hangin thakhauh semsemin Pasian a phat hi.

Gamlak-vakna 27:14

mihonpite a kitot lai-un tui phualah keimah sianthosak ding hunin Zin gamlakah keima thu nong lehpan’ hi,” a ci hi. (Hihte pen Zin gamlak, Kadesh gam Meribah tui a thupiangte a cihna ahi hi.)

Siampi Laibu 10:3

Tua ciangin Moses in Aaron’ kiangah, “Topa in, ‘Ka kiang nai-a a omte kiangah keimah a siangtho-in ka kilak ding a, mi khempeuh’ mai-ah keimah hong kiminthangsak ding hi,’ ci hi,” ci-in a gen hi. Aaron pau loin a om hi.

Paikhiatna 20:20

Moses in mite kiangah, “Lau kei un; bang hang hiam cih leh note khialkha loin amah na kihtak theih nadingun note’ tungah a laktel dingin Pasian hong pai ahi hi,” a ci hi.

Thu-hilhkikna 14:23

Topa na Pasian uh na zahtak tawntung nading uh na theih nadingun, ama min a ten nadingin a teelna mun Topa note’ Pasian’ mai-ah na an uh, na leenggahzu uh, na sathau uh sawm-ah-khat, le na bawnghon uh le na tuuhon tacilte uh na ne ding uh hi.

Isaiah 5:16

Ahih hangin thutang sepna tawh Vanglian Topa in a liatna hong kilangsak a, a Siangtho Pasian in a mite a thukhenna tawh ama sianthona hong kilangsak hi.

Ezekiel 38:16

khuapi huih in gam sung a nawkgawp bangin keima mi Israel-te na sim ding hi. A hun a tun ciangin, nangmah zangin na ka sepna tawh minamte lakah ka sianthona ka lahtheih nadingin keima gam a sim dingin kong sawl ding hi.

Siampi Laibu 22:32

Note in keima min siangtho na daisak kei ding uh a, Israel mite lakah kei hong kisiangthosak ding hi. Kei pen note a hong siangthosak Topa,

1 SAMUEL MASA 11:7

Amah in bawng leengkai kap khat la a, tuate go-in semnen a, kamtaite sawlin Israel gam khempeuhah khak a, “Saul le Samuel nung zui-in a kuankhia lo peuhmah a bawngtalte’ tungah hih bangin kihih ding hi,” ci-in a gen hi. Tua ciangin mite tungah Topa kihtakna hong tung a, mihing khat bangin amaute hong kuankhia uh hi.