Isaiah 7:6 - Tedim Bible

⁶ “Judah gam a sim dingin pai-in va sugawp ni; eima a dingin va zo ni; tua gamah kumpi dingin Tabeel’ tapa va koih ni,” ci uh hi.

Tedim Bible Revision 2017

⁶ “Judah gam a sim dingin pai-in va su gawp ni; eima adingin va zo ni; tua gamah kumpi dingin Tabeelʼ tapa va koih ni,” ci uh hi.

Isaiah 7:6 Referans Kwoze

Isaiah 7:1

Uzziah’ tapa Jotham, Jotham’ tapa Ahaz ahi Judah kumpipa’ hun laitakin, Syria kumpipa Rezin le Remaliah’ tapa Pekah ahi Israel kumpipa, Jerusalem khuapi a sim dingin kuanto uh a, ahih hangin amaute in zo zo lo uh hi.

Isaiah 7:5

Bang hang hiam cih leh Syria kumpi a kipan Remaliah’ tapa le Efraim mite in nang hong sawm uh a,

Isaiah 7:7

Ahi zongin Topa Pasian in hih bangin ci hi: ‘Tua thu pen kip lo ding a, hong tung lo ding hi.

1 KUMPI MASATE 12:16

Kumpipa in amau’ thu a ngaih lohna Israel-te khempeuh in a muh uh ciangin mite in kumpipa dawng uh a, “David sungah kote in bang ngah nei ka hi uh hiam? Jessi tapa sungah gamhluah ka nei kei uh hi. Israel-te aw, na inn ciat uhah ciah un. Rehoboam in ama a’ ding vaihawmtawm ta hen,” a ci uh hi. Tua ahih ciangin Israel-te a inn ciat uhah kihem uh hi.

2 KUMPI NIHNATE 11:2

Ahih hangin Ahaziah’ sanggamnu, Kumpi Joram’ tanu Jehosheba in Ahaziah’ tapa Joash la-in, thah dingin a kikoih kumpipa’ tapate lak panin amah gukhia a, biakinn sung lupna inndei sungah amah le a cingnu a koih hi. Tua bangin tua nu in Athaliah kiang panin amah seel a, tua ahih manin amah kithat kha lo hi.

2 KHANG TANGTHU NIHNATE 13:8

Note mi tampi na hihna uh le note’ pasian dingin Jeroboam in hong bawlsak kham bawngnote note tawh a om manin, David’ suante’ khut sungah a om Topa’ kumpi gam do ding tu-in na ngaihsun uh hi.

2 KHANG TANGTHU NIHNATE 21:7

Ahi zongin, David tawh a bawlsa a thuciamna, ama tung le a suante tungah ukna za a piak suakna ding a ciam khitna hangin Topa in David’ suante susia lo hi.

2 KHANG TANGTHU NIHNATE 28:5

Tua ahih ciangin Topa in Syria kumpipa khut sungah amah pia a, amah in zo-in mi tampi salin Damaskas-ah a ciahpih hi. Israel kumpipa’ khut sungah zong amah kipia a, amah zo-in a mite tampi tak a that hi.

Late 21:11

Nangma langah siatna ding vaihawmin, gitlohna a bawl uh hangin tangtung lo ding uh hi.

Late 83:3

Amaute in khem siamna tawh na mite thangsiah uh a, amaute in na it mite langpangin thu kikum uh hi.

Paunak 19:21

Mihing’ ngaihsutna-ah thu tampi om a, ahi zongin Topa’ deihna tawh a kituakte bek kimang ding hi.

Isaiah 8:6

“Hih mite in damtakin a luang didi Shiloah tuite nial uh a, Rezin le Remaliah’ tapa’ mai-ah launa tawh lingliang uh hi.