Isaiah 7:13 - Tedim Bible

¹³ Tua ciangin Isaiah in, “David’ innkuan aw, ngai un! Mite na lunggim sakna uh kicing sa lo a, ka Pasian zong lunggimsak lai na hi uh hiam?

Tedim Bible Revision 2017

¹³ Tua ciangin Isaiah in, “Davidʼ innkuan aw, ngai un! Mite na lunggim sakna uh kicing sa lo a, ka Pasian zong lunggimsak lai na hi uh hiam?

Isaiah 7:13 Referans Kwoze

Isaiah 43:24

Kei a dingin paknamtui nong leisak nai kei a, nangmah in biakna sa a thaute tawh nong taiisak nai kei hi. Ahih hangin nang in na khialhna tawh kei tungah vangik na hong suan khin a, na mawhna tawh kei nong gimsak khin hi.

Malakhi 2:17

Thu na gengenna uh tawh Topa na gimsak uh hi. Note in, “Bangci gimsak ka hi uh hiam?” na ci uh hi. “Topa in a sia-in a gamtate a hoihin ngaihsun a, zong itin amaute tungah lungkim takpi hi,” na cihna khawng uhleh, “Thutang a gen Pasian koi lai-ah om ahi hiam?” ci-in na dotnate uh tawh na gimsak uh hi.

Ezekiel 34:18

Note pawlkhat, lopa limci na nek bek uh tawh na lungkim kei uh a, na nek lohte nangawn uh na tuancilgawp uh hi. Tui a siang na dawn uh a, na dawn lohteng uh na siknin uh hi.

Ezekiel 16:47

Amaute’ khekhap zui-in a muhdahhuai amaute’ gamtatnate bek tawh na lungkimzo nai kei lai a, tawmvei sungin na gamtatnate khempeuhah amaute sangin na siazaw hi.

Isaiah 63:10

Ahih hangin amaute in lehdo uh a, ama kha siangtho a dahsak uh hi. Tua ahih ciangin amah pen amaute’ gal suak a, amahmah in amaute a do hi.

Isaiah 7:2

“Syria-te pen Efraim mite tawh kikop,” ci-in David’ innkuante tungah a kigen ciangin, huih in gamlak a singte a mut bangin amah le a mihingte’ lungsim kiling hi.

Hebru 3:10

Tua ahih manin amaute tungah ka heh a, ‘Amaute citak lo niloh uh a, ka thukhamte zui nuam lo uh hi,’ ka ci hi.

Amos 3:13

Tu-in ngai un: Jakob’ suanlekhakte hilhkhol un, Vanglian Pasian ahi, Topa Pasian in ci hi.

Ezekiel 16:20

“Tua ciangin kei tawh na neih na tanute le tapate la-in milim biakna-in haltum dingin na pia hi. Kei tungah na cihtak lohna thuneu lua sa a,

Jeremiah 6:11

Tua ahih ciangin Topa aw, kei zong ka heh mahmah a, ka thuakzo nawn kei hi,” ka ci hi. Tua ciangin Topa in kei hong hopih a, “Kei’ tang dinga na hehna kongzing lak a naupangte tungah buakhia inla, tangvalte’ kikhopna-ah zong buakhia in. Papite le nupite zong kilakhia ding a, piteek puteekte zong kipaikhiatpih ding hi.

Isaiah 25:1

Topa aw, nang pen keima Pasian na hi hi. Nangmah kong liansak ding a, nangma min ka phat ding hi. Bang hang hiam cih leh a lamdang nate na sem khin a, tanglai peka na geelnate a kip a kho takpi ahi hi.

Isaiah 1:24

Tua ahih ciangin, Topa, Vanglian Topa, Israel-te’ Vanglian Pasian in hih bangin ci hi: “Ah, ka lang ahi note’ tungah ka hehna kong khahkhia ding a, ka gal ahi note tungah keimah in kong thuk ding hi.

2 KHANG TANGTHU NIHNATE 21:7

Ahi zongin, David tawh a bawlsa a thuciamna, ama tung le a suante tungah ukna za a piak suakna ding a ciam khitna hangin Topa in David’ suante susia lo hi.

Gamlak-vakna 16:13

Kote’ tungah nangmah ulianin kibawl tawmin, gamlakah kote hong that dingin bawngnawi le khuaizu tui bangin a luanna gam panin nong paikhiatpihna thu hawmthawh lai na hi hiam?

Gamlak-vakna 16:9

Israel mite’ Pasian in ama kiangah hong paipih ding, Topa’ biakbuk sungah nasep sem ding, mihonte’ na a sem dingin amau’ mai-ah a ding dingin Israel mihonte’ kiang panin hong khenkhiatna,

Piancilna 30:15

Ahih hangin Leah in, “Ka pasal nong suh thuneu sa na hi hiam? Ka tapa’ zawl-ai kungte zong hong sut lai ding na hi hiam?” a ci hi. Rachel in, “Tua ahihleh na tapa’ zawl-ai man dingin tuzanin amah, nang tawh hong lumkhawm thei ding hi,” a ci hi.

Sawltak 7:51

“Na lungsim uh khauh mahmah a, lawki lungsim paii-in, Pasian’ thu-ah bilngong na bang uh hi. I pu i pate mah bangin Kha Siangtho thu na mang nuam kei uh hi.

Luka 1:69

A nasempa David’ suante sung panin eite a dingin Vanglian Honpa hong pia hi.

Late 45:5

Kumpipa’ galte’ lungtangah na thaltang hiamte lut a, mite na nuai-ah puk uh hi.

Isaiah 1:14

Note’ Khadet nite le na pawite uh ka mudah hi. Tuate pen kei a dingin vangikpi khat suakkhin a, tuate khempeuh ka puakna-in ka gim hi.

Isaiah 7:12

Ahih hangin Ahaz in, “Ka ngen kei ding hi; Topa ka ze-et kei ding hi,” ci hi.

Isaiah 22:22

David’ suanlekhakte’ khutnuai-ah aana neihna tawhtang, ama tungah ka pia ding hi. Amah in hongin, kuamah in khak zo lo ding hi. Amah in khakin, kuamah in hong zo lo ding hi.

Jeremiah 44:22

Topa in na hoih lohnate uh le na bawl uh kihhuainate hangin note hong thuakzo nawn lo hi. Tua ahih manin tuni mahmahin zong na gam uh gamlak suakkhin a, mite’ kihamsiatna suakin kuamah teng nawn lo hi.

Ezekiel 6:9

salin a om ding uh hi. Tua bangin salin a omna uh mun panin, amau’ lungsim cihtak lohna uh hangin kei hong nusiatna uh le keimah sangin milim a deihzawkna uh hangin a maizum nadingun gim a pia ding ka hih lamtak thei-in kei hong phawk ding uh hi. Amau’ gitlohna le a haitatnasate uh hangin amau mahmah kimudahtawm ding uh hi.