Isaiah 6:9 - Tedim Bible

⁹ Tua ciangin amah in, “Pai inla, hih mite tungah, ‘Zaza napi tel lo; mumu napi thei lo,’ va ci in.

Tedim Bible Revision 2017

⁹ Tua ciangin amah in, “Pai inla, hih mite tungah, ‘Zaza napi tel lo; mumu napi thei lo,’ va ci in.

Isaiah 6:9 Referans Kwoze

Luka 8:10

Jesuh in, “Pasian’ Ukna thu tawh kisai thusim, note tungah hong kigen hi. Ahi zongin midangte in, en en napi-un a muh loh nading za za napi-un a tel loh nadingun amaute tungah thugentehna tawh thu kigen hi,” a ci hi.

Marka 4:12

Bang hang hiam cih leh, ‘En en napi-un a muh nai loh nading, za za napi-un a tel nai loh nading; amaute in mu-in tel le-uh Pasian’ lamah kihei ding uh a, Pasian in amaute’ mawhna maisak ding hi,’” ci-in a dawng hi.

Johan 12:40

“Amaute’ natna ka damsak loh nadingin a mit un mu loin, a lungsim un a theihtheih loh nadingun amaute’ mit ka tawsak a, a lungsim uh ka mawlsak hi, Pasian in ci hi,” ci-in zong na gen lai hi.

ROM (Romans) 11:8

Tua ahih manin Lai Siangtho sungah, “Pasian in thu a ngaihsun thei lo, khua a phawk thei loin amaute bawl a, amaute in tuni dongin khua mu thei lo, khua za thei loin a om uh hi,” ci-in a kigelh hi.

Isaiah 29:13

Tua ciangin Topa in, “Amaute’ lungsim kei tawh kigamla napi-in hih mite in a kam uh tawh kei kiangah hong pai uh a, a muk uh tawh kei hong pahtawi-in, amaute in kei hong kihtakna pen mihingte’ thupiak a zuihna uh ahi lel hi.

Isaiah 43:8

Mit nei napi-in a mit a tawte, bil nei napi-in a bil a ngongte, hong paikhiatpih un.

Hosea 1:9

Tua ciangin Topa in, “Na tapa’ min dingin ka mi hi lo a cihnopna Loammi phuak in; bang hang hiam cih leh no Israel mite, ka mi na hi nawn kei uh a, kei zong note’ Pasian ka hi kei hi,” a ci hi.

Thu-hilhkikna 29:4

Ahih hangin tuni dongin Topa in note’ tungah a thu na tel nading uh lungsim hitaleh, na muh nading uh mit hitaleh, na zak nading uh bil hitaleh hong pia nai lo hi.

Paunak 28:5

Mi siahuaite in thutang cihmel thei lo uh a, Topa a biate in ahihleh a kicingin a thei uh hi.

Isaiah 29:10

Bang hang hiam cih leh Topa in note’ sungah ihmut nopna lungsim hong guan a, amau’ mit ahi kamsangte mitsi sakin amau’ lutang ahi thu mutheite khuhcip hi.

Isaiah 29:14

Tua ahih ciangin en un, hih mite tungah a tumdang le a lamdang ahi a lamdang nate ka bawlkik ding hi. Amau’ mipilte’ pilna kisia ding a, amau’ thu mutheite’ thu muhtel theihna kiseel ding hi,” a ci hi.

Jeremiah 5:21

“Ngai un, ngaihsutna a nei lo mihaite aw, mit nei napi-in a mu lote, bil nei napi-in a za lo mite aw,

Ezekiel 12:2

“Mihing ahi Ezekiel aw, a lehdo thei mite lakah a teng na hi hi. Amaute in mit nei napi-in khua mu lo uh hi. Amaute pen a lehdo thei mite ahihna hang uh ahi hi.

Isaiah 28:13

Tua ahih ciangin Topa in note tungah, mal khat khit mal khat, gual khat khit gual khat, thu khat khit thu khat, cih bangin hong hilh ding ahi hi. Tua ciangin na kalsuanna khempeuh uhah na puk ding uh a, note liamin, thangah awkin, salin hong kipaipih ding hi.

Isaiah 42:20

Israel in na tampi mu a, ahih hangin tuate encian lo hi. Ama bilte vang a, ahih hangin amah in khua za lo hi,” a ci hi.