Isaiah 6:8 - Tedim Bible

⁸ Tua ciangin, “Kua sawl ding a, eite a dingin kua va pai ding ahi hiam?” Topa’ cihna aw ka za hi. Tua ciangin ke’n, “Hih lai-ah kei om ing! Kei hong sawl in,” ka ci hi.

Tedim Bible Revision 2017

⁸ Tua ciangin, “Kua sawl dinga, eite adingin kua va pai ding ahi hiam?” Topaʼ cihna aw ka za hi. Tua ciangin keʼn, “Hih lai ah kei om ing! Kei hong sawl in,” ka ci hi.

Isaiah 6:8 Referans Kwoze

Efesa 3:8

Pasian’ mi khempeuh lakah kei a neupen hinapi-in, Khrih hangin a kigen zo lo thu manpha ahi Lungdamna Thu, Gentail mite lakah a gen ding,

Sawltak 22:21

Tua ciangin Topa in kei kiangah, ‘Gentail mite omna gamlapi-ah hong sawl ding ka hih manin pai peuh in,’ hong ci hi,” a ci hi.

Isaiah 65:1

Keima mite’ thungetna a pia dingin a baihsa-in kei om napi-in, amaute in hong ngen lo uh hi. Amaute’ muh dingin kei om napi-in, amaute in hong zong beek lo uh hi. Minamte tungah, “Hih lai-ah om ing, hih lai-ah om ing,” ci-in a dawng pah dingin kiging napi-in, amaute in kei tungah thu hong ngen lo uh hi.

Sawltak 20:24

Ahi zongin Topa Jesuh in kei sep dingin a hong piak, Pasian hehpihna hangin Lungdamna Thu, mite kiangah gen ding nasep ka tangtut zawh nakleh kei nuntakna-ah bangbang hong piang taleh a thupi-in ka ngaihsun kei hi.

Piancilna 1:26

Tua ciangin Pasian in, “Eima lim, eimah hong sunin mihing bawl ni. Tuipi ngasate tung, huihlak vasate tung, ganhingte tung, le leitung a a bokvakte khempeuh tungah ukna neisak ni,” a ci hi.

Piancilna 11:7

Hong pai un, amaute khatlekhat’ thugen a kitheih loh nadingun eite paisukin amau’ kampau va kitukalhsak ni,” a ci hi.

Ezekiel 1:24

Tua ciangin amaute’ leenna a khaging uh ka za hi. Tua a khaging pen tuipi ging, galkap honpi huging, le Vanglian Pasian’ awgingte tawh kibang hi. A leen nawn loh uh ciangin a kha uh khup a,

1 KUMPI MASATE 22:20

Tua ciangin Topa in, ‘Amah kuanto-in Ramothgilead-ah a va sih nadingin kua in Ahab va zol ding hiam?’ ci hi. Khat in thu khat genin adang khat in thudang khat gen hi.

Ezekiel 10:5

Kherub-te’ khazap ging pen biakinn tual puanung ciang dongah kiza a, Vanglian Pasian a pau ciangin a awging tawh kibang hi.

Piancilna 3:22

Tua ciangin Topa Pasian in, “En un, mipa pen eite khat tawh kibang a, a pha le a sia thei hi. Amah in nuntakna singgah ne-in a hin tawntung khak loh nadingin i vaihawm ding hi,” ci hi.

Sawltak 9:4

Saul, leilakah puksuk a, tua laitakin awging khat in ama kiangah, “Saul, Saul aw, bang hangin kei hong bawlsia na hi hiam?” a ci hi.

Sawltak 26:19

“Tua bang hi a, kumpi Agrippa aw, ka maangmuhna sunga vantung pana hong pai pa’ thugen ka mang hi.

1 SAMUEL MASA 3:4

Tua ciangin Topa in, “Samuel! Samuel!” ci-in sam ahih manin amah in, “Hih lai-ah om ing!” ci-in

Ezekiel 9:1

Tua ciangin Pasian hong kiko a, “Hih khuapi a susia ding no mihingte hong pai unla, na hiam zat ciat ding uh zong hong keng un,” ci-in a sam hi.

Piancilna 22:1

Hih thute khit ciangin Pasian in Abraham ze-et a, ama kiangah, “Abraham,” a ci hi. Amah in, “Hiah om ing,” a ci hi.

Piancilna 22:11

Ahih hangin Topa’ vantungmi in vantung panin, “Abraham, Abraham!” ci-in a sam hi. Amah in, “Hiah om ing,” a ci hi.

2 SAMUEL NIHNA 1:7

Saul in a nunglam hong et ciangin kei hong mu-in hong sam hi. Keimah in ka dawng a, ‘Hih lai-ah om ing,’ ka ci hi.