Isaiah 6:7 - Tedim Bible

⁷ Amah in ka muk hong bi a, “En in, hih in na muk sukha zo hi; na mawhna beita a, na khialhna kimaisak zo hi,” hong ci hi.

Tedim Bible Revision 2017

⁷ Amah in ka muk hong bi a, “En in, hih in na muk su kha zo hi; na mawhna bei ta a, na khialhna kimaisak zo hi,” hong ci hi.

Isaiah 6:7 Referans Kwoze

Jeremiah 1:9

Tua ciangin Topa in a khut tawh hong zam phei-in ka muk hong lawnsakin hong hopih hi. “En in, ka thute na kam sungah kong koih khinzo hi.

1 JOHAN MASA 1:7

Ahi zongin amah, khuavak ahih mah bangin eite in zong khuavak gamtatnate i gamtat takpi leh eite pawlkhat ihi a, ama Tapa Jesuh’ sisan in i mawhna khempeuh panin eite hong siangsak hi.

Isaiah 43:25

Na thupalsatnate hong paihkhiatsak pa pen keimah ka hi a, kei ka hih manin na khialhnate ka ciamteh kei ding hi.

Daniel 10:16

Tua ciangin pasal mel tawh a kibang mi khat thakhatin ka mai-ah hong om a, ka muk a hong lawnsak hi. Tua ciangin thugen dingin ka kisa hi. Ka mai-a a ding pa kiangah, “Topa aw, ka maangmuhna in ka tha hong zawsak lua ahih manin ka ci-lin a pha thei kei hi.

Mattiu 9:2

Mi pawlkhat in khutlekhezaw mi khat, a lupna pheek tawh hong pua-in Jesuh kiang a hong tunpih uh hi. Jesuh in amaute’ upna a muh ciangin a cina mipa kiangah, “Ka ta aw, na lungsim kinuamsak in; na mawhna hong kimaisak khinta hi,” a ci hi.

Isaiah 53:10

Ahih hangin amah a kisatnim ding pen Topa’ deihna ahi hi. Amah in natna thuaksak hi. Mawhna hangin ama pumpi a kipiak ciangin amah in a suanlekhakte mu ding a, ama khan a sau ding hi. Topa’ deihna ama khut sungah pung ding hi.

Isaiah 53:5

Ahih hangin eite’ khialhna hangin amah kiliamsak a, eite’ mawhna hangin amah kisatnim hi. Ama gim thuakna hangin nopna i ngah a, ama liamna hangin damna i ngah hi.

Gamlak-vakna 16:46

Moses in Aaron kiangah, “Na paknamtui beel la-in, biakna tau pana mei a sungah koih inla, a tungah paknamtui koihin, mihonte’ lakah paipih mengmeng inla, amaute a dingin kilemna bawlsak in. Bang hang hiam cih leh Topa’ kiang panin hehna hong paikhia khin a, gimna kipan khin hi,” a ci hi.

Isaiah 40:2

Dam takin Jerusalem mite hopih un. Amau’ gimna hun beita a, amau’ mawhna kimaisakin, amau’ khialhnate hangin Topa in a kicingin gim pia khinzo ta hi, ci-in amau tungah gen un.

Isaiah 53:6

Eite khempeuh in tuu bangin lam i khial khin a, eite khempeuh eimau san ciatah i pai khin hi. Topa in eite khempeuh’ mawhnate ama tungah a suan hi.

Isaiah 57:19

Nopsakna, nopsakna, a gamla le a nai mi khempeuh tungah om tahen. Keimah in amaute ka damsak ding hi, Topa in ci hi.

Zefaniah 3:9

“Tua ciangin minamte’ lungsim ka hei ding a, amaute in keima tung bekah thu hong ngenin, lungsim kikhatin ka na hong sem ding uh hi.

Zekhariah 3:4

Vantung mi in ama sawltak van midangte kiangah, “Hih mipa’ silh a puan ninte suahkhiatsak un,” ci-in thu a pia hi. Tua ciangin vantungmi in Joshua kiangah, “Na mawhna teng kong paihkhiatsak khin a, tu-in na silh dingin puan thak ka hong pia ding hi,” a ci hi.