Isaiah 6:3 - Tedim Bible

³ Amaute khatlekhat kisamin: “Vanglian Topa, siangtho, siangtho, siangtho; leitung khempeuh ama minthanna tawh kidim,” ci-in awng uh hi.

Tedim Bible Revision 2017

³ Amaute khatlekhat kisamin: “Vanglian Topa, siangtho, siangtho, siangtho; leitung khempeuh ama minthanna tawh kidim,” ci-in awng uh hi.

Isaiah 6:3 Referans Kwoze

Late 72:19

A minthang ama min in thupha ngah tawntung hen la, ama minthanna tawh leitung khempeuh kidim tahen. Amen! Amen!

Ezra 3:11

Tua ciangin amaute in Topa phatna le lungdamkohna a kidawngin sa uh a, “Topa hoih hi; bang hang hiam cih leh Israel-te hong itna kip tawntung hi,” a ci uh hi. Topa’ biakinn bulpi kiphut khin ahih manin mi khempeuh in nakpitakin Topa phat uh hi.

Gamlak-vakna 14:21

Ahih hangin a taktakin, ka nuntak laiteng, Topa’ minthanna tawh leitung kidim ding ahih mah bangin,

Paikhiatna 15:11

“Topa aw, pasian-te’ lakah kua, nang tawh kibang ahi hiam? Kua, nang tawh kibangin, sianthona-ah lianin, minthang nasepna-ah kihtakhuai-in, nalamdang sem ahi hiam?

Zekhariah 14:9

Tua ciangin Topa pen leitung khempeuh’ kumpi suak ding a, mi khempeuh in amah bek thei-in bia ding uh hi.

Isaiah 40:5

Topa’ kam in gen khin ahih manin, Topa’ minthanna vang hong kilang ding a, mi khempeuh in mukhawm ding uh hi,” a ci hi.

Isaiah 24:16

Leimong a gamla pek pan nangawnin a thuman Israel minamte a kiphatna la i za ding hi. Ahih hangin keimah in, “Ka lungkham hi; ka lungkham hi. Gimna ngah hi ta ing! Bang hang hiam cih leh mi khemte in khemkhem lai-in sia semsem uh a, khemzawh thu mah ciamciam lai uh hi,” ka ci hi.

Late 57:11

Pasian aw, vantungah na liatna kilangsak in. Leitung khempeuhah na minthanna omsak in.

Efesa 1:18

Note bang dingin hong sam a, a mite tungah a hong ciam thupha lamdangte bangzah takin lian a, thu um ahi eite sungah na a hong sem vangliatna bangzah takin lian ahi hiam, cih na muhtheih nadingun note’ lungsim mit hong vaksak nadingin thu ka na ngen hi. Eite sungah na a hong sem vangliatna pen sihna panin Khrih hingsakin, vantung gamah zong, ama taklamah a tutsak nadingin a zat vangliatna mah ahi hi.

Habakkuk 2:14

Tuipi, tui tawh a kidim mah bangin Topa’ minthanna theihna tawh leitung kidim ding hi.

Late 90:16

Na nasemte tungah na nasepna, a tate uh tungah na minthanna, na vang hong kilangsak in.

Late 97:6

Vantungte in ama thumanna genkhia uh a, mi khempeuh in ama minthanna mu uh hi.

Late 99:3

A lian a kihtakhuai ama min mi khempeuh in phat ta uh hen. Amah siangtho hi.

Isaiah 54:5

Bang hang hiam cih leh nangmah hong Bawlpa pen nang a dingin na pasal bang hi ding a, ama min pen Vanglian Topa ahi hi. Israel-te’ Siangtho Pa pen nang hong honkhia pa hi a, amah pen leitung buppi’ Pasian a kici hi.

Ezekiel 43:2

nisuahna lam panin Israel-te’ Pasian’ minthanna vang hong pai ka mu hi. Pasian’ awging pen tuipi ging tawh kibang a, ama minthanna vang in leitung taangsak lela hi.

Ezekiel 44:4

Tua ciangin a mipa in leilu lam kongpi tawnin biakinn mai-ah hong paipih a, ka khuadak leh, Topa’ biakinnsung khempeuh ama minthanna vang tawh na kidim hi. Kei zong leilak kidenna-in ka boksuk hi.

Late 8:2

naungekte le naupangte’ kam tawh nangmah phatna la kisa hi. Gal na neih manin galte le langpangte na daihsakna dingin panmunkip na bawl khin hi.

Late 66:2

Ama minthanna sa unla, ama tungah minthanna pia un.

Late 99:9

I Topa Pasian phat unla, ama mual siangtho-ah bia un; bang hang hiam cih leh i Topa Pasian a siangtho hi.