Biblia Todo Logo
Bib sou entènèt

- Piblisite -




Isaiah 6:2 - Tedim Bible

2 Ama kiimah serafim van mite a ding uh hi. Tuate in kha guk ciat nei uh hi; nih tawh a mai liahin, nih tawh a khe tuamin, nih tawh a leeng uh hi.

Gade chapit la Kopi

Tedim Bible Revision 2017

2 Ama kiimah serafim van mite a ding uh hi. Tuate in kha guk ciat nei uh hi; nih tawh a mai liahin, nih tawh a khe tuamin, nih tawh a leeng uh hi.

Gade chapit la Kopi




Isaiah 6:2
34 Referans Kwoze  

Tua ganhing lite in kha guk ciat nei-in, tua a khate’ sunglam le a pualamah mittang a dimtakin om a, a sun a zan tawlnga loin la sa uh a, “A beisa, tuhun, le a tawntungin a om Vanglian Topa Pasian, siangtho hi, siangtho hi, siangtho hi,” a ci uh hi.


Tua ganhingte in a kha nih ciat uh zalin a zom a omte’ kha mong dawn tawh kimatsak uh a, a omlai a kha nih tegel ciat uh khupin a pumpi uh a tuam uh hi.


Na kamtai dingin huihte na bawl a, mei le meikuangte na nasemte na hisak hi.


Ama thugen a ngai, ama thu bangin a sem no a thahat, no ama vantung mite aw, Topa phat un.


Tua ciangin serafim van mite khat, biakna tau panin taiteh tawh a teh mei-am khat a khutah tawi-in keima kiangah hong leeng hi.


Kherub khat tungah amah tuangin hong leeng a, huih khate tungah manlang takin hong leeng hi.


Kherub kha langkhat, pi sagih le alang sau-in, kherub kha lang dang khat, pi sagih le alang mah sau a, a kha langkhat mong panin a mong langkhat dong pi sawm le nga ahi hi.


Tua ciangin leitungah a teng mi namkim, pau namkim a zang mite tungah a tawntungin Lungdam nading Thu gen ding a nei vantungmi khat vankim lai-ah a leeng ka mu hi.


Tua ciangin ka khuadak leh vankim lai-ah muvanlai khat a leenkawmin nakpi-in ham a, “Vantung mi adang thumte in a hong tum lai ding peengkulte hangin leitungah a teng mi tungah gimna, gimna, gimna lianpi hong tung ding hi,” a cihna ka za hi.


Tokhom, upate, le ganhing lite kimkotah vantungmi khempeuh dingin tokhom mai ngatin kunin Pasian bia uh a,


tua sung panin meikuang a hong leengkhia niloh hi. Ama nasem ding mihing tul za tampi om a, a mai-ah mihing tul za sawm tampi a ding uh hi. Thukhenna ding hun kipan a, laibute a kiphen hi.


Amaute in maitang li, kha li, le a kha nuai ciat uhah mihing khut tawh a kibang khut nei ciat uh hi.


Tua ciangin amaute’ leenna a khaging uh ka za hi. Tua a khaging pen tuipi ging, galkap honpi huging, le Vanglian Pasian’ awgingte tawh kibang hi. A leen nawn loh uh ciangin a kha uh khup a,


Tua ganhing lite in a kha nih ciat uh zalin, a mong le a mong kimatsak uh a, ki-umcihin sikli nei-in kimu hi. Amaute a gamtat uh ciangin a li-in tatkhatin tang uh ahih manin a pumpi uh kituam hei lo hi.


maitang li le kha li ciat a nei uh hi.


Pasian in a siangtho vantung mite nangawn muang lo ahihleh, ei mawhnei mite bang hangin hong muang mah ding ahi hiam?


Ni khat ni-in Topa’ omna-ah vantung mite hong pai uh a, tuate lakah Satan zong hong kihel hi.


Tua ciangin Mikaiah in, “Tua ahih ciangin Topa’ thu ngai in: Topa a kumpi tokhom tungah tu-in, ama taklam le a veilamah vantung mihonpi a ding ka mu hi.


Kherub-te in Thuciamna Singkuang omna mun tungah a kha uh zak ahih manin Thuciamna Singkuang le a zawlte tungah kherub-te in khuhna piangsak uh hi.


Amah in biakinn sung tawngnung penah kherub-te a koih hi. Kherub-te’ khate kizal a, khat’ kha in kawm banin, adang kherub’ kha in a kawm langkhat ban hi. Amau’ kha langkhat tegel inn laizangah kituah hi.


Kherub-te in a khate uh tua tokhom tungah zalin, amau’ khate tawh hehpihna tokhom liimsun uh a, amaute khatlekhat kimaingat uh hi. Hehpihna tokhom lamah kherub-te’ mai a nga hi.


Kherub-te in a khate uh a tungah zal ding uh a, amau’ khate tawh hehpihna tokhom liimsunin amaute khatlekhat kimaingat ding uh hi. Hehpihna tokhom lamah kherub-te’ mai nga ding uh hi.


Pasian in ama nasemte mahmah muangzo loin, ama sawltakte’ mawhna mu ahihleh,


Elijah in a zak ciangin a puan tawh a mai tuamin paikhia a, leihawm lutna-ah ding hi. Ama kiangah aw khat hong ging a, “Elijah, hih lai-ah bang hih na hi hiam?” a ci hi.


Tua ciangin amah in, “Kei pen na pa’ Pasian, Abraham’ Pasian, Isaac’ Pasian, le Jakob’ Pasian ka hi hi,” a ci hi. Tua ciangin Moses in Pasian a muh ding lau ahih manin a maitang a hum hi.


Tua ciangin Abram mai kunsuk hi. Pasian in ama kiangah,


Ahi zongin vantung mite’ thu a gen ciangin, “Pasian in a vantung mite huih bangin bawl a, a nasemte meikuang bangin bawl hi,” na ci hi.


amah in paknamtui halin a om laitakin mihonpi dangte a pualamah thungenin na om uh hi.


Vantung mi in ama sawltak van midangte kiangah, “Hih mipa’ silh a puan ninte suahkhiatsak un,” ci-in thu a pia hi. Tua ciangin vantungmi in Joshua kiangah, “Na mawhna teng kong paihkhiatsak khin a, tu-in na silh dingin puan thak ka hong pia ding hi,” a ci hi.


Thu ka nget laitakin ka maangmuh masak sunga ka muh mipa Gabriel, ka omna munah a hong leengsuk hi. Tua hun pen nitak lam biakpiak hun laitak ahi hi.


amau a kin uh ciangin a leengpeite in zong a zui uh hi. A leeng dingin a kha a zal uh ciangin zong leengpeite in zui lai uh hi.


Ka khuadak leh leilu lam panin huihpi a hong nung ka mu hi. Tua huihpi tawh a hong ton meiipi lak panin khua hong phia a, ka kimkotteng taang pempam hi. Tua khuaphiatna mun pen sumngo tawh kibangin a taang hi.


Nang bek Topa na hi hi. Nangmah in a sang pen vantung le vana om khempeuh, leitung le a tunga om khempeuh, le tuipi le a sunga om khempeuh na bawl hi. Nangmah in tuate khempeuh na omsak a, vantung mihonpi in nang hong bia uh hi.


Swiv nou:

Piblisite


Piblisite