Isaiah 6:12 - Tedim Bible

¹² Topa in gamlapi-ah mite khinkhia-in, leitungah a kinusia mun tampi a om dong, hi ding hi.

Tedim Bible Revision 2017

¹² Topa in gamlapi ah mite khiin khia-in, leitungah a kinusia mun tampi a om dong, hi ding hi.

Isaiah 6:12 Referans Kwoze

Jeremiah 4:29

Sakol tunga tuangte le thal tawite’ aw a kizak ciangin mi khempeuh galtai mang uh a, gamlakah tai-in suang lakah a kahto uh hi. Khuapi khempeuh kinusia khin a, kuamah teng nawn lo hi.

Thu-hilhkikna 28:64

“Topa in leimong khat panin mong khat, mi khempeuhte lakah note hong thehthang ding hi. Tua lai-ah note le na pu na pate un a theih nai loh singlesuang tawh a kibawl pasian dangte’ na na sem ding uh hi.

Kah la 5:20

Bang hangin sauveipi hong pampaih na hi hiam? Kote hong phawkkik nawn lo takpi ding na hi hiam?

Jeremiah 15:4

Judah kumpi Hezekiah’ tapa Manasseh in Jerusalem khua-ah hih bangin a bawl thu leitung gam khempeuhte in mu-in a lau ding uh hi.

Jeremiah 12:7

Tua ciangin Topa in, “Ka inn ka nusia khin a, ka luahsa mite ka paimangta hi. Ka it mahmah ka mite, a galte uh’ khut sungah ka piata hi.

Isaiah 26:15

Ahih hangin nangmah in ko minam nong khangsak hi. Topa aw, nangmah in ko minam nong khangsak a, gamgi khempeuh na hong keeksak khin hi. Hih thu hangin nangma min a thang hi.

2 KUMPI NIHNATE 25:21

Tua ciangin Babylon kumpipa in amaute vat a, Hamath gam sung Riblah-ah amaute a that hi. Tua ahih ciangin amau’ gam panin salin Judah mite kilakhia hi.

2 KUMPI NIHNATE 25:11

Tua ciangin a cingte a ukpa Nebuzaradan in khuapi sungah a kinusia a omlai mite le Babylon kumpipa a taisan mite, mihonpi a omlai teng khempeuh salin paipih khawm hi.

ROM (Romans) 11:15

Amaute a kinialna hangin Pasian tawh leitung mi khempeuh kipawl theihna piang ahihleh amaute a kisan’ hun ciangin a sisate nangawn a hinkikna hong hita ding hi.

Isaiah 5:9

Vanglian Topa in ka zakna-ah hih bangin kiciam a, “A mantakin inn tampi tak hawmsuak ding a, a lian a hoih innte-ah a teng om lo ding hi.

Isaiah 13:12

Mihingte pen kham hoihte sangin a hoihzaw, minam pen Ofir gam khamte sangin a hoihzaw-in ka bawl ding hi.

Jeremiah 52:27

Babylon kumpipa in zong Hamath gam Riblah khua-ah amaute satin a thatlum hi. Tu-a bangin Judah mite a gam panun sal dingin a kilakhia hi.

Zefaniah 1:3

Mihing le ganhing, vana leeng vasa le tui sunga ngasa, a vekpi-in ka susia ding hi. Migilote ka susia ding a, leitung a om mihing khempeuh ka susia ding hi. Topa ahi keimah in hih thu ka gen khin hi.