Isaiah 6:10 - Tedim Bible

¹⁰ Amaute in a mit uh tawh a muh loh nading, a bil uh tawh a zak loh nading, a lungsim uh tawh thu a theihtel loh nading, amaute kihei-in damna a ngah loh nadingun hih mite’ lungsim mawlsak inla, amau’ bil uh ngongsak inla, a mit uh va sisak in,” hong ci hi.

Tedim Bible Revision 2017

¹⁰ Amaute in a mit uh tawh a muh loh nading, a bil uh tawh a zak loh nading, a lungsim uh tawh thu a theih tel loh nading, amaute kihei-in damna a ngah loh nadingun hih miteʼ lungsim mawlsak inla, amauʼ bil uh ngongsak inla, a mit uh va sisak in,” hong ci hi.

Isaiah 6:10 Referans Kwoze

Mattiu 13:15

Hih mite’ lungsim mawl mahmah hi; a bil uh bingsak uh a, a mit uh a si uh hi. Tua bang hi kei le-uh, a mit uh tawh mu-in, a bil uh tawh za-in, a lungsim un tel ding a, kei lamah amaute hong kihei-in, amaute ka damsak ding hi, ci-in Pasian in gen hi,’ ci-in kigelh hi.

Jeremiah 5:21

“Ngai un, ngaihsutna a nei lo mihaite aw, mit nei napi-in a mu lote, bil nei napi-in a za lo mite aw,

Jeremiah 6:10

Keimah in ka dawng kik a, “Amaute in a zak theih dingun kua kiangah va gen ding ka hi hiam? En in, a bil uh bing a, khua za thei lo uh hi. Topa’ thu simmawh uh a, lungdamna-in la lo uh hi.

Zekhariah 7:11

Ahi zongin amaute in mang nuam het lo uh a, hih thute ngaihsutin zong nei nuam lo uh hi.

Isaiah 63:17

Topa aw, kote in nang kong kihtak loh theih nadingun bang hangin na lampi panin kote hong pialsakin ka lungsim uh khauhsak na hi hiam? Nangma nasemte, nangma luah minamte na ngaihsutna-in hong kihei kik in.

Isaiah 29:10

Bang hang hiam cih leh Topa in note’ sungah ihmut nopna lungsim hong guan a, amau’ mit ahi kamsangte mitsi sakin amau’ lutang ahi thu mutheite khuhcip hi.

Thu-hilhkikna 2:30

“Ahih hangin Heshbon kumpipa Sihon in eite hong paisak lo hi; bang hang hiam cih leh tuhuna mah bangin na khutsung uhah amah hong piak theih nadingin Topa na Pasian un a lungsim khauhsakin, amah paupeengsak hi.

Late 17:10

Amaute in hehpihna lungsim bangmah nei lo uh a, a kam uh tawh amaute kiphatsak pau uh hi.

Thu-hilhkikna 32:15

“Israel mite thau mahmah uh a, a lehdo thei mi suak uh hi. Note thau-in lianpi pha-in, na zol uh hi. Tua ciangin amaute a bawl Pasian amaute in nusia-in, amau a Honkhia pa thusim lo uh hi.

Late 119:70

Amaute’ lungsim in thu theithei loin khikcip a, ahih hangin keimah in nangma thu sung nuam ka sa hi.

Paikhiatna 14:17

Amau’ nungah Egypt mite hong pai-in, keimah in Faro le a mihonpite khempeuh, a leengte, le a sakol tung tuangte ka zawhna hangin minthanna ka ngah nadingin keimah in Egypt mite’ lungsim ka khauhsak ding hi.

Paikhiatna 11:10

Moses le Aaron in hih na lamdangte khempeuh Faro’ mai-ah a bawl uh hi. Topa in Faro’ lungsim khauhsak a, amah in Israel mite a leitang panin paikhiasak lo hi.

Paikhiatna 10:27

Ahih hangin Topa in Faro’ lungsim khauhsak a, amah in amaute paisak lo hi.

2 KORIN NIHNA 2:16

Tua a nam pen, thu um lo mite a dingin mi a sisakthei a nam khauh mahmah hi a, hotkhiatna a ngah mite a dingin mi a hingsakthei a namtui mahmah ahi hi. Hih nasep a sem dingin kua kilawm ahi hiam?

Sawltak 3:19

Tua ahih ciangin na mawhnate uh hong sawpsiangsak theih nading, Topa kiang panin a hong pai lungsim nopna hun na ngah theih nading uh le note a dingin a sehsa Jesuh Khrih a hong sawltheih nadingin na mawhna uh kisik unla, Pasian kiang zuan un.

Isaiah 19:22

Topa in Egypt mite sat ding a, ahi zongin damsakkik ding hi. Topa’ lamah amaute kihei kik ding uh a, amah in amaute’ thumna donin amaute a damsak ding hi.

Paikhiatna 7:3

Ahih hangin keimah in Faro’ lungsim ka khauhsak ding a, Egypt gamah ka limte le ka na lamdangte tampi ka bawl khit hangin

Johan 12:40

“Amaute’ natna ka damsak loh nadingin a mit un mu loin, a lungsim un a theihtheih loh nadingun amaute’ mit ka tawsak a, a lungsim uh ka mawlsak hi, Pasian in ci hi,” ci-in zong na gen lai hi.

Thu-hilhkikna 29:4

Ahih hangin tuni dongin Topa in note’ tungah a thu na tel nading uh lungsim hitaleh, na muh nading uh mit hitaleh, na zak nading uh bil hitaleh hong pia nai lo hi.

Thu-hilhkikna 31:20

Bang hang hiam cih leh a pu a pate uh tungah piak dinga ka kiciamna, bawngnawi le khuaizu tui bangin a luanna gamah amaute tunpih khinin, amaute in ne-in khamin a thau khit uh ciangin, pasian dangte a bia dingin kihei-in kei hong simmawhin ka thuciamna siasak ding uh hi.

Late 69:23

Khua a muh theih loh nadingun amau’ mit mialsak inla, a kawngte uh zawcipsak in.

Isaiah 29:14

Tua ahih ciangin en un, hih mite tungah a tumdang le a lamdang ahi a lamdang nate ka bawlkik ding hi. Amau’ mipilte’ pilna kisia ding a, amau’ thu mutheite’ thu muhtel theihna kiseel ding hi,” a ci hi.

Isaiah 44:18

Amaute in bangmah thei lo a, amaute in bangmah khentel thei lo uh hi. Bang hang hiam cih leh amaute in bangmah a muh theih loh nadingun amah in a mit uh humsakin, bangmah a theih loh nadingun a lungsim uh khaksak hi.

Jeremiah 17:9

“Na khempeuh lakah lungsim a khem hatpen hi a, a kisia pha mahmah ahi hi. Kua in lungsim theizo ding ahi hiam?

Kah la 3:65

Amaute phuisam inla, a cimawh dingin hawlkhia in.

Zekhariah 11:15

Tua ciangin Topa in kei kiangah, “Khatvei tuucing nasep semkik inla, tutungin kimanna a nei lo tuucing nasep sem in.

Thu-hilhkikna 29:3

note’ mit in a muhsa ze-etna lianpite, limte, tua nalamdang liante khempeuh na thei khin uh hi.

Paunak 16:30

A mit hong sitsante thusia a ngaihsun hi a, a neh hong piksante thusia geel ahi hi.

Thuhilh-sia 3:3

Gawh hun om a, khoi hun om hi. Phel hun om a, lam hun om hi.

Isaiah 28:13

Tua ahih ciangin Topa in note tungah, mal khat khit mal khat, gual khat khit gual khat, thu khat khit thu khat, cih bangin hong hilh ding ahi hi. Tua ciangin na kalsuanna khempeuh uhah na puk ding uh a, note liamin, thangah awkin, salin hong kipaipih ding hi.

Isaiah 29:9

Lamdang kisasak unla lamdang a sa hi un! Kimittawsak unla a mittaw hi un! Leenggahzu a dawn lopi-in a zukham hi unla, khamtheihzu a ne lopi-in hoi un!