Isaiah 6:1 - Tedim Bible

¹ Kumpi Uzziah a sih kumin, a sang mahmah, a lian kumpi tokhom tungah Topa a tu ka mu hi. Ama kumpi puanpi pen biakinn sungteng a dim hi.

Tedim Bible Revision 2017

¹ Kumpi Uzziah a sih kumin, a sang mahmah, a lian kumpi tokhom tungah Topa a tu ka mu hi. Ama kumpi puanpi pen biakinn sungteng a dim hi.

Isaiah 6:1 Referans Kwoze

Johan 12:41

Isaiah in Jesuh’ neih Pasian’ pianzia mu ahih manin hih bangin thu a gen ahi hi.

Mangmuhna 15:8

Tua biakinn sungah Pasian’ minthanna le a vangliatna khu kidim ahih manin, vantungmi sagihte in hong paipih gimna sagih a ven’ matengin biakinn sungah kuamah lut thei lo uh hi.

Daniel 7:9

Ka et laitakin kumpi tokhomte a hong kikoih hi. A nungta tawntung mipa tua tokhomte khat tungah a tu hi. A puante vuk bangin ngo a, a samte tuumul hoih tawh a kibang hi. A tokhom pen meikuang leengpei tungah kinga-in mei kuang zuazua a,

Late 113:5

A sangna munah a tu, vantung le leitung a hong ensuk Topa, eite’ Pasian pen kua tawh kibang ahi hiam?

Mattiu 25:31

“Mihing Tapa a vantung mite tawh Kumpi-in hong paikhawm uh ciangin a kumpi tokhom tungah hong tu ding hi.

Johan 1:18

Kuamah in Pasian mu ngei lo hi. Pasian tawh a kinai pen, Pasian mah ahi Tapa khat bek in Pasian hong kilangsak hi.

Isaiah 66:1

Topa in hih bangin ci hi: Vantung pen keima tokhom hi a, leitung pen keima khengakna ahi hi. Kei a dingin koi lai-ah inn lam ding a, keima tawlngakna ding mun koi lai ahi hiam?

Late 108:5

Pasian aw, vantungte’ tungah sangto lai in. Leitung khempeuhah na minthanna omsak in.

Mangmuhna 4:2

Thakhat thu-in Kha Siangtho tawh ka kidim a, tua vantung a tokhom tungah mi khat a tu ka mu hi.

Mangmuhna 3:21

Keimah zong gualzo-in ka Pa’ tokhomah ka tutkhawm uh mah bangin a gualzote khempeuh zong kei tawh ka tokhom tungah hong tutkhawm theih nadingun thu ka pia ding hi.

Late 46:10

“Om hithiat unla, Pasian ka hihna thei un. Minamte lakah keimah hong kisangsak a, leitung khempeuhah ka min hong kithangsak hi,” a ci hi.

Mangmuhna 5:1

Tua ciangin, tokhom tungah a tupa in a taklam khutah a tawi laizial tawn khat ka mu hi. Tua a laidal tung a langnih tuakah lai kigelhin a kizialcip khit ciangin a kiphel theih loh nadingin mun sagih-ah kiciamteh hi.

1 TIMOTI MASA 6:16

Tua i Pasian bek mah a si thei lo hi a, khuavak pha mahmah sungah om ahih manin kuamah in a kiang neh thei lo hi. Kuamah in amah mu ngei lo a, zong mu thei lo hi. A tawntungin amah kipahtawi hen la, vanglian tawntung tahen. Amen.

1 KUMPI MASATE 22:19

Tua ciangin Mikaiah in, “Tua ahih ciangin Topa’ thu ngai in: Topa a kumpi tokhom tungah tu-in, ama taklam le a veilamah vantung mihonpi a ding ka mu hi.

Isaiah 57:15

Bang hang hiam cih leh a sang, a lian, a nungta tawntung Pa, ama min Siangtho ahipa in hih bangin ci hi: “Kei pen a sangna mun le a siangtho munah ka om a, a kiniamkhiat mite’ lungsim le a kisik mite’ lungsim a thakhauhsakkik dingin kisikna le kiniamkhiatna lungsim a neite tawh zong kei ka omkhawm hi.

Isaiah 1:1

Judah gam kumpi ahi Uzziah, Jotham, Ahaz, le Hezekiah-te’ hun lai-in Amoz’ tapa Isaiah in Judah gam le Jerusalem khua tawh kisai a maangmuhnate:

Gamlak-vakna 12:8

Amah tawh kam le kam kiho-in, a kitel lo kampaute tawh hi loin, a kitel takin thu ka gen uh a, amah in Topa’ mel a mu hi. Tua bang ahih ciangin bang hangin ka nasem Moses gensiat ding lau lo na hi uh hiam?” a ci hi.

Mangmuhna 4:10

nungta tawntungin tokhom tungah a tupa mai-ah tua upa sawmnih le lite zong bokin amah bia uh a, tua tokhom mai-ah a lukhute uh lawnin la sa uh a,

Ezekiel 10:1

Tua ciangin kherub-te’ lu tung sanah a om a kuum ka et leh sapfaia suangmanpha tawh a kibawl kumpi tokhom bang pian khat, tua a kuum tungah a om hi.

Ezekiel 1:1

Kum sawmthum ka phak kum, a kha lina, a ni nga ni-in Babylon gam a om Khebar Gun gei-ah sala om Jew midangte tawh ka om laitakin maang ka mu hi. Tua ka maangmuhna ah van hong kihong a, Pasian ka mu hi.

Isaiah 12:4

Ni khat ni ciangin mite in, “Topa’ tungah lungdam ko unla, ama hong huh ding ngen un. Minam khempeuh lakah ama septe kitheisak unla, ama min kiliansak hi, ci-in gen un.

Mangmuhna 6:16

mualte le suangtum lianpite kiangah, “Kote tungah hong kiasuk unla, tokhom tungah a tupa’ maitang le Tuuno’ hehna panin kote hong liah un.

2 KUMPI NIHNATE 15:7

Tua ciangin Uzziah si a, amaute in David khuapi sungah a pate tawh amah vui uh a, tua ciangin ama tangin a tapa Jotham in a uk hi.

Mangmuhna 5:7

Tua Tuuno va pai a, tokhom tungah a tupa in a taklamah a tawi laizial a va la hi.

Mangmuhna 4:3

Tua tokhom tungah a tupa pen Jasper le Karnelian suangmanpha bangin taang ziazua a, a tokhom kimkot pen Emerald suangmanpha bangin suum pempam hi.

Mangmuhna 4:9

Tua ganhingte in a nungta tawntung, tokhom tungah a tupa tungah a lungdamna uh ko-in pahtawi-in a phat simun

Mangmuhna 20:11

Tua ciangin tokhom kang a lian khat le a tungah a tupa ka mu hi. Ama omna panin lei le van lengkhiamang a, a tunna mel uh kithei lo hi.

2 KHANG TANGTHU NIHNATE 18:18

Tua ciangin Mikaiah in, “Topa’ thugen za in: Topa a kumpi tokhom tungah tu a, a taklam le a veilamah vantung mihon khempeuh a ding ka mu hi.

Ezekiel 10:4

Kherub-te’ tung panin Topa’ minthanna vang hong paikhia-in biakinn kongah va om hi. Tua ciangin biakinn sungah meiipi hong kai a, biakinn tualah Topa’ minthanna vang taang zeizai hi.

Daniel 10:17

A topa’ mai-ah a ding sila khat tawh ka kibang hi. Bangci bangin thu hong gen thei ding ka hi hiam? Husan’ zawhna ding thatang nangawn ka nei kei hi,” ka ci hi.

Paikhiatna 24:9

Tua ciangin Moses le Aaron, Nadab, Abihu le Israel upate sung pan sawmsagih paito uh a,

JOB (Job) 42:5

Nidangin mi’ gensawn bekin nang ka hong thei a, tu-in keima mit mahmah tawh nang ka hong mu ta hi.