Isaiah 59:2 - Tedim Bible

² Ahih hangin note’ mawhnate in note le na Pasian uh kikhenna hong piangsak a, amah in note’ aw hong zak theih loh nadingin na khialhnate un ama maitang liah hi.

Tedim Bible Revision 2017

² Ahih hangin noteʼ mawhnate in note le na Pasian uh kikhenna hong piangsak a, amah in noteʼ aw hong zak theih loh nadingin na khialhnate un ama maitang liah hi.

Isaiah 59:2 Referans Kwoze

Jeremiah 5:25

Na khialhnate un hih na hoihte khaktan a, na mawhnate uh hangin tuate na taanlawh uh hi.

Paunak 15:29

Topa in midikte’ thungetna ngai a, migilote’ thungetna thudon lo hi.

Micah 3:4

Topa’ tungah huhna ngenin na kiko hun uh hong tung ding a, ahi zongin amah in note hong dawng lo ding hi. Note gamtatsia na hih manun, na ngetna uh hong ngai lo ding hi.

Isaiah 1:15

“Thungenin na khutte uh nong zaak uh ciangin note kong en kei ding a, thu tampi na nget uh hangin ke’n ka ngai tuan kei ding hi. Bang hang hiam cih leh sisan tawh note’ khut kidim hi.

Ezekiel 39:29

Israel mite tungah ka kha ka sung ding a, amaute ka nungngat nawn kei ding hi. Topa Pasian in hih thu ka gen khin hi,” hong ci hi.

Isaiah 57:17

Amau’ huaiham-mawhna hangin ka heh mahmah a, ka hehna lungsim tawh amaute gim pia-in ka nusia hi. Ahih hangin amaute a lungsim uh khauhin, a gamtat ngei bangun gamta lai veve uh hi.

Joshua 7:11

Israel mite khial a, amaute in ka thupiak thuciamna palsat khin uh hi. Amaute in a ki-ap nate pawlkhat la uh a, amaute in gu-in zuauthu gen uh a, amau’ van lakah tua nate koih uh hi.

Isaiah 58:4

Note in a kitawng ding, a kilai ding, gitloh gamtatin, khuttum tawh a kitum ding bekin an na tang uh hi. Hih bang lelin antanna tawh na thungetna uh hong kingai ding ahi hiam?

Isaiah 50:1

Topa in, “Amah ka ciahsakna, na nu a kimakna lai koi-ah om ahi hiam? Tua ahih kei leh nang kong zuakna ka leibatnate koi pan ahi hiam? Nomau mawhna hangin note hong kizuak a, nomau khialhna hangin na nu uh kipaikhiasak hi.

Kah la 1:8

A minthanna teng a beita hi. A guaktangin om ahih manin a maizum hi. Thumin tau a, a zum manin a mai a hum hi. Jerusalem in mawhna lian bawl ahih manin a kihhuai mahmah hi.

1 SAMUEL MASA 4:3

Mihonte giahphual ah hong ciah ciangin Israel upate in, “Bang hangin Topa in tuni-in Filistia mite’ mai-ah eite hong taisak ahi hiam? Eite’ lakah amah hong pai-in a thahat i galte’ khutsung panin amah in eite hong hotkhiat theih nadingin Shiloh panin Topa’ Thuciamna Singkuang paipih ni,” a ci uh hi.