Isaiah 57:4 - Tedim Bible

^4-5 Note in kua mawlpih gawpgawp na hi uh hiam? Kua’ tungah na kam uh ka beba-in na leii uh phen na hi uh hiam? Tawsaw kung lak singkung hing khempeuh nuai-ah pasian biakna-in nulepa mawhna a bawl, kuamsung, suanghawm sungah na tate uh a that note pen khialhna tate, zuauna’ tuletate hi lo na hi uh hiam?

Tedim Bible Revision 2017

^4-5 Note in kua mawlpih gawpgawp na hi uh hiam? Kuaʼ tungah na kam uh ka beba-in na leii uh phen na hi uh hiam? Tawsaw kung lak singkung hing khempeuh nuai ah pasian biakna-in nulepa mawhna a bawl, kuam sung, suanghawm sungah na tate uh a that note pen khialhna tate, zuaunaʼ tuletate hi lo na hi uh hiam?

Isaiah 57:4 Referans Kwoze

2 PETER NIHNA 2:13

mite a gimsak mah bangun amaute tungah gimna kipia ding hi. A ut bangbangun suntangpi-in gamtat ding nuam a sa uh hi. Tua bang mite in note tawh ankuang hong umkhawmin, a zuau gamtatnate uhah nuamsa-in a om uh pen amaute a dingin a zumhuai mahmah ahi hi.

Isaiah 1:4

Ah, a khial minam, mawhna in a nencip mite, siatna a bawlte’ suanlekhakte, a gamtatsia tapate! Amaute in Topa nusia khin uh a, amaute in Israel-te’ Siangtho Pasian simmawh khin uh hi. Amaute in lam khial khin taktak uh hi.

Late 35:21

Amaute in kei hong kamkat beba uh a, amaute in, “Ha, Ha! Mu khin hang ei!” ci uh hi.

Paikhiatna 9:17

Ka mite tungah nang kiliansak lai-in amaute na paisak kei hi.

Kolose 3:6

Ama thu a mang lo mite tungah hih bang gamtatna hangin Pasian’ hehna hong tung ding hi.

Efesa 5:6

Hih bang mawhnate i bawl hangin phamawh kei, ci-in a mawk gen mite’ khemsa-in ta kei un. Pasian thu mang loin hih bangin a gamta mite in Pasian’ hehna a thuak ding uh ahi hi.

Sawltak 9:4

Saul, leilakah puksuk a, tua laitakin awging khat in ama kiangah, “Saul, Saul aw, bang hangin kei hong bawlsia na hi hiam?” a ci hi.

Luka 10:16

Tua ciangin Jesuh in a nungzuite kiangah, “Note’ thu a hong zuite khempeuh, kei’ thu a hong zui hi a, note’ thu a hong zui lote khempeuh, kei’ thu a hong zui lo ahi uh hi. Kei’ thu a hong zui lote khempeuh pen kei a hong sawl pa’ thu a zui lo ahi uh hi,” a ci hi.

Mattiu 27:29

Kumpi lukhu lim dingin ling vialin a lu-ah khusak uh a, a khut taklamah pumpeeng khat a tawisak uh hi. Tua ciangin ama mai-ah khukdin uh a, “Jew mite’ Kumpipa aw,” ci-in zahpihna tawh a hopih uh hi.

Mattiu 13:38

Lolai pen leitung hi a, taangci hoih i cih pen Pasian’ ukna sungah a om mite ahi uh hi. Tahumte pen Gilopa tawh a kipawl mite hi a,

Hosea 10:9

Gibeah khua-ah a khialh uh a kipanin kei tungah hong khialhna uh Israel mite tawp nai lo hi. Tua ahih manin Gibeah khua-ah gal in amaute pha ding hi.

Ezekiel 2:4

Amaute a lungsim uh khauhin paupeeng uh hi. Keimah Topa Pasian in amaute tungah ka gen ding thute a va gen dingin a hong sawl ka hi hi.

Isaiah 37:29

Keima tungah nang hehin, na kiphatsakna thu keima tungah a thu hong tung ahih manin, na nakah sikkawi bulhin, na kamah kamkaih hong bulhin, nong kuanna lampi lam mahah nang kong ciahkiksak ding hi,’ ci hi.

Isaiah 37:23

Nang in kua zahko-in kua a simmawh na hi hiam? Nang in kua’ tungah na aw sangsakin kiphasak na hi hiam? Israel-te’ Siangtho Pa, kei’ tungah a hong tuaci na hi hi.

Isaiah 30:9

Bang hang hiam cih leh amaute pen a lehdo mite, a zuauthei tapate, Topa’ thuhilhna a ngai nuam lo mite ahi uh hi.

Isaiah 30:1

Topa in, “Kei’ ngimna hilopi-in thu vaihawmna a semkhia, kei’ lungsim lopi-in kipawlna dang a bawl manun khialhna a bawl thuahthuah; keimah thu hong dong lopi-in Faro’ hutna sung a bel ding le Egypt’ liahna a zong dingin Egypt gamah paisuk dingin a kuankhia, a lehdo mite in gimna ngah tahen.

Isaiah 10:15

Amah a likto pa pen molhtumin a zang ding bangkeek, sing ahi lo mipa pen ciangkhut bangin a likto ding bang keekin, phuk nadingin amah a zang pa tungah, hei, kihisak thei ding ahi hiam? Singat tem zong amah a zang pa tungah kiliansak thei ding ahi hiam?

Late 69:12

Kongzing lakah mite’ gengen ka hi a, zukhamte in keima thu la-in hong sa uh hi.

Late 22:17

Ka guh khempeuh kimu thei hi. Amaute in hong sal gega uh hi.

Late 22:13

Humpinelkai hawk, a sabawh nuam bangin amaute in kei hong kamkat beba uh hi.

Late 22:7

Hong mu mi khempeuh in kei hong zahko-in, hong mukpiksan uh a, a lu uh hong peisan hi.

Joshua 10:21

Makkedah giahphual Joshua kiangah mi khempeuh cidamin a ciahkik uh hi. Israel mite khatpeuh a paupih ngam kuamah om lo hi.

Gamlak-vakna 16:11

Tua ahih ciangin nang le na pawlte khempeuh hih lai-ah na kikaihkhopna uh pen Topa langpanna ahi hi. Note in na phunsan uh Aaron pen bang mi hi mawk ahi hiam?” a ci hi.

Isaiah 48:8

Note pen muantheih ding na hihlohna uh, na suah tung uh a kipan mi lehdo thei na hihna uh ka hong thei hi. Tua ahih manin hih thute na za ngei kei uh a, zong na thei ngei kei uh hi.

2 KHANG TANGTHU NIHNATE 36:16

Ahih hangin a mite tungah Topa a heh ciang dong, a hehna a kidamsak zawh nawn loh ciang dongin amaute in Pasian’ kamtaite zahpihin, a thute simmawhin, a kamsangte thusim lo niloh uh hi.

Jeremiah 20:8

Bang hang hiam cih leh thu ka gen simin, “Ngongtatna le kisiatna!” ci-in ka kiko den hi. Bang hang hiam cih leh Topa’ kammal ka gen khiatna hangin nisimin simmawhna le zahpihna ka thuaklawh hi.