Isaiah 57:3 - Tedim Bible

³ No, aisan numeite’ tapate, numei tawh a mawh mite le numei pangtatte’ tuletate aw, hih lai-ah hong pai un.

Tedim Bible Revision 2017

³ No, ai san numeiteʼ tapate, numei tawh a mawh mite le numei pangtatteʼ tuletate aw, hih lai ah hong pai un.

Isaiah 57:3 Referans Kwoze

Mattiu 16:4

Tulai hun mite giloin, Pasian tawh kipawl lo uh hi. Lim a nget uh hangin Jonah lim simloh a dang kilaklo ding hi,” ci-in a dawng hi. Tua ahih manin amaute nusia-in a paisan hi.

1 JOHAN MASA 3:10

Hih pen Pasian tate le Dawimangpa’ tate a kilamdanna ahi hi. A manin gamta loin, a Khristian mipihte a it lo mi peuhmah, Pasian’ tate hi lo uh hi.

Jeim 4:4

A citak lo mite aw, leitung tawh kipawlna pen Pasian tawh kigalneihna ahih lamtak thei lo na hi uh hiam? Leitung tawh a kipawl mite pen Pasian tawh a kigalneih dingin a kibawlbawl ahi uh hi.

Luka 3:7

Ama tuiphum ding utin a hong pai mi tampite kiangah Johan in, “Gul bangin ngian a zang note aw, hong tung ding Pasian’ hehna panin na suahtak theih nading uh kua in hong gen ahi hiam?

Mattiu 23:33

Gul a bang mite’ suanlekhak mite aw, hell khuk tun nading thukhenna panin a suakta dingin bangci-in kilamen thei na hi uh hiam?

Mattiu 12:34

Gul bangin ngian a zang note aw, migilo na hih uh ciangin bangci-in thuhoih genthei mah ding na hi uh hiam? Bang hang hiam cih leh lungsim sunga thu om pen kam in a genkhia hi bek hi.

Mattiu 3:7

Ahi zongin Farisi mite le Saddusi mite tampi tak tui a kiphum dingin a hong pai a muh ciangin Johan in amaute kiangah, “Gul bangin ngian a zang note aw, a hong tung ding Pasian’ hehna panin na suahtak theih nading uh kua in hong hilhkhol ahi hiam?

Hosea 1:2

Topa in Hosea tungtawnin Israel-te tungah thu a na gen cil lai-in, amah in Hosea kiangah, “Hih gammite kei tungah citak loin pasian dangte bia uh ahih manin, nang zong hong tulpih lo ding numei paktat khat tenpih inla, tua nu tawh ta nei in,” a ci hi.

Isaiah 45:20

“Minamte sung panin a suaktalai note aw, nomau kikaikhawmin hong pai unla, hong nai un! Sing milim a pua kawikawi mite in theihna nei lo uh a, a honkhia thei lo pasian tungah thu ngenngen uh hi.

Isaiah 1:21

A thutak, thutang tawh a kidim ngeisa khuapi, bangci-a a paktat numei tawh kibang ta ahi hiam? Ama sungah thumanna om ngei napi-in tu-in mi thatte bek a om ta hi.

Piancilna 3:15

Nang le numei kikal na suanlekhakte le ama suanlekhakte kikalah kilangneihna ka omsak ding hi. Amah in na lutang hong sunim ding a, nang in ama khetul na sunim ding hi,” a ci hi.

Isaiah 1:4

Ah, a khial minam, mawhna in a nencip mite, siatna a bawlte’ suanlekhakte, a gamtatsia tapate! Amaute in Topa nusia khin uh a, amaute in Israel-te’ Siangtho Pasian simmawh khin uh hi. Amaute in lam khial khin taktak uh hi.

Isaiah 48:16

Kei kiangah hong nai unla, hih thu hong za un. A kipat cil a kipanin a simthamin thu ka gen ngei kei a, tua thu a pian a kipanin kei ka om hi. (Tu-in Topa Pasian in kei tungah a vangliatna hong pia a, kei hong sawl hi.)

Isaiah 57:7

A lian a sang mual tungah nulepa mawhna na bawl uh a, tua munah biakna pia dingin na paito uh hi.

Isaiah 58:2

Amaute pen, thumanin a gamta, amau’ Pasian’ biakna ngeina kipte a nusia lo minam bang keekin nisimin amaute in kei hong zong uh a, keima lampi a thei nuam uh hi. Amaute in keima kiang panin thukhenna man hong ngen uh a, Pasian’ kiang hong nai nuam uh hi.

Malakhi 3:5

Vanglian Topa in hih bangin ci hi: “Note tungah thukhen dingin ka hong pai ding hi; ai tawite, numei tawh a mawhte, a man lopi a teci pangte, numeite’ thaman piakna-ah khemna a zangte; meigong, tagah, le gamdang mite a zawhthawh bawlte, le kei hong zahtak lo mi khempeuhte’ langkhatah thakhatin teci pangin thu ka khen ding hi.

Jeremiah 3:6

Kumpi Josiah in a uk laitakin Topa in kei hong hopih a, “A zulhzau Israel, mualsang tung khempeuhah pai-in singliim nuai khempeuhah numei paktat bangin a om kawikawina na mu khinzo hiam?

Jeremiah 3:9

Tua bang hih ding amah in baih ngaihsut lel ahih manin suangtum le singtawng peuh bia-in khial a, gam a ninsak hi.

Hosea 2:4

Ama tate, paktatna panin a piang tate ahih manin, tua a tate zong ka hehpih kei ding hi.

Hosea 2:6

Tua ahih ciangin amah a paikhiat zawh loh nadingin ling ka kaihnelh ding a, a kimkotah kulh ka ciang ding hi.