Isaiah 57:2 - Tedim Bible

² Thutangin a gamta mite in a sihna uhah nopna ngahin tawlnga uh hi.

Tedim Bible Revision 2017

² Thutangin a gamta mite in a sihna uh ah nopna ngahin tawlnga uh hi.

Isaiah 57:2 Referans Kwoze

Mangmuhna 14:13

Tua ciangin vantung panin awging khat ka za a, “Tu a kipanin Topa thu-ah a si mite mi hampha mahmah ahi hi, cihna gelh in,” a ci hi. Tua ciangin Kha Siangtho in, “Hi takpi hi. Amaute’ nasepna thaman in amaute zui ding ahih manin a nasep gimna panun tawlnga-in nuamsa-in om ding uh hi,” ci-in a dawng hi.

2 KORIN NIHNA 5:1

Bang hang hiam cih leh hih ka tenna ka leitung pumpi uh a sih ciangin mihingte bawl ahi lo, Pasian in a kip tawntung dingin kote a dingin a hong bawlsak inn, vantungah a nei ding ka hihna uh ka thei uh hi.

Luka 2:29

“Topa aw, na thuciamna tu-in nong tungsak a, na nasempa keima lungsim nong nuamsak hi.

JOB (Job) 3:17

Tua lai-ah migilote in hong sukha nawn lo ding a, a gim mite tawlnga hithiat ding hi.

2 KORIN NIHNA 5:8

Lungmuang takin a ki-om hithiat hi a, hih leitung pumpi nusia-in Topa tawh omkhawm ding a ki-utzaw ahi hi.

Luka 7:50

Tua ciangin Jesuh in numei kiangah, “Na upna in nang hong damsak khinta hi; lungnuam takin va ciah in,” a ci hi.

Mattiu 25:21

a topa in, ‘Hoih mahmah hi; a hoih a citak nasempa aw, a tawmno na zekna-ah siam na hih manin a tampi tak ka hong zeksak ding hi. Hong pai in; kei tawh nuamsa khawm ni,’ a ci hi.

Thuhilh-sia 12:7

I pumpi, lei suakkik ding a, i nuntakna a hong pia Pasian’ kiangah i kha ciahkik ta ding hi.

2 KHANG TANGTHU NIHNATE 16:14

David khuapi sungah amahmah in a khuak han sungah amaute in a vui uh hi. Paknamtui bawl siamte in a bawl a namtui a nam tuamtuamte tawh a kidim hankuang sungah amah a sial uh hi. Tua ciangin amah zahtakna-in amaute in meiphual lian mahmah khat a cih uh hi.

Luka 16:22

Tua ciangin mizawng pa hong si a, vantung a Abraham kiangah a om dingin vantung mite in a paipih uh hi. Mihau pa zong hong si leuleu-in a kivui hi.

Ezekiel 32:25

Galsung a a site lak mahah Elam lum a, ama kimkotah a galkapte’ han om hi. Amaute, Pasian a thei loin, gal sungah si uh hi. A hin lai-un mite a lausak ngeite hi uh a, ahi zongin tu-in amaute si-in mindai-in om uh a, galsung a site mah tawh a kibangin gimna a thuak uh hi.

Filippi 1:23

Hih thu nih khentat hak ka sa mahmah hi. Kei a dingin hoihzaw thampek ahih manin leitung pumpi si-in Khrih tawh omkhawm ding ka ut hi.

Luka 1:6

A nih tuakun Pasian’ muhna-ah a manin gamta uh a, Topa’ thukhamte le a ngeina khempeuh a zui uh hi.

Isaiah 26:7

Midik pa’ lampi tamkim a, nangmah in midik pa’ lampi na neelsak hi.

Isaiah 14:18

“Minam dangte’ kumpite khempeuh amau hankhuk sung ciat uhah a minthangin lum uh hi.

Piancilna 17:1

Abram kum sawmkua le kua a phak ciangin ama tungah Topa kilang a, “Kei, Vanglian Pasian ka hi hi. Hoihtakin gamta inla, paubaang kei in.

Late 37:37

Paubaang lo mi ciamteh inla, thutang mi en in; bang hang hiam cih leh gal a phuang lo mi a dingin nopna a om hi.

Daniel 12:13

Nang Daniel na hih leh a tawp dong muanhuai takin om in. Tua ciangin na si ding a, ahi zongin hun a bei ciangin thaman a sang dingin na hingkik ding hi,” a hong ci hi.

Jeremiah 6:16

Topa in mite tungah, “Lam kabomah ding unla khuadak un. Lam hoih ahi lampi luite dong unla tawn un. Tua hileh na tawldam ding uh hi,” a ci hi. Ahih hangin amaute in, “Ka tawn kei ding uh hi,” a ci uh hi.