Isaiah 53:3 - Tedim Bible

³ Amah pen mite in simmawhin nusia a, gimna le natna a thuak ahi hi. Mite in en nuam loin a mai uh a humsan uh mipa bangin amah kisimmawh a, eite in amah i thusim kei hi.

Tedim Bible Revision 2017

³ Amah pen mite in simmawhin nusia a, gimna le natna a thuak ahi hi. Mite in en nuam loin a mai uh a hum san uh mipa bangin amah kisimmawh a, eite in amah i thusim kei hi.

Isaiah 53:3 Referans Kwoze

Mattiu 26:67

Tua ciangin amaute in a maitang cilphih uh a,

Isaiah 53:10

Ahih hangin amah a kisatnim ding pen Topa’ deihna ahi hi. Amah in natna thuaksak hi. Mawhna hangin ama pumpi a kipiak ciangin amah in a suanlekhakte mu ding a, ama khan a sau ding hi. Topa’ deihna ama khut sungah pung ding hi.

Isaiah 49:7

Israel a honpa le ama Siangtho Pa ahi Topa in nakpitakin simmawhna a thuak, minamte in a muhdah, gam ukte’ nasempa tungah: “Nangmah a hong teel Israel-te’ Siangtho Pa, a thuman Topa’ hangin mite na hotkhiatna thu kumpite in a muh uh ciangin zahtakna tawh na mai-ah hong ding ding uh a, na mai-ah uliante hong kun ding uh hi,” hong ci hi.

Marka 14:34

Amah in, “Ka lungsim dahna lianlua mahmah ahih manin ka si dektak hi. Hih lai-ah om unla na ngak un,” a ci hi.

Isaiah 53:4

“Amah in eite’ natna teng thuakin, eite’ gimna teng pua khin taktak hi. Ahi zongin eite in amah pen ama mawhna hangin Pasian in a gimsak, gimna a thuak bangin i ngaihsun hi.

Hebru 5:7

Leitungah mihingin Jesuh a omlai-in sihna panin amah a honkhia thei ding Pasian tungah thu ngenin khitui naptui tawh thumin na kiko hi.

Isaiah 50:6

Hong satte, ka nung ka dawh a, ka khamul-in a hong kai mite, ka paang ka dawh hi. Maizumna le cilphihna panin ka maitang ka hei kei hi.

Hebru 4:15

Eite’ neih Siampi Lianpen pa in i ginat lohna-ah eite a hong hehpih thei lo ding hi lo hi; eite mah bangin ze-etna khempeuh a thuak hi a, ahi zongin mawhna a bawl lo ahi hi.

Luka 9:22

Tua ciangin Jesuh in a nungzuite kiangah, “Mihing Tapa in tampi tak thuak ding a, upate, siampi liante, le Thukham hilh siate in amah nial ding uh hi. Amah kithat ding a, a ni thum ni-in kihing kiksak ding hi,” a ci hi.

Luka 16:14

Sum a deih phadiak Farisi mite in hih thute a zak uh ciangin Jesuh a nuihsan uh hi.

Luka 8:53

Amah a sihkhitna thei uh ahih manin Jesuh a nuihsan lel uh hi.

Marka 15:19

Tua ciangin pumpeeng tawh a lu satin cilphih uh a, a zahtakbawl kineihin a mai-ah a kun uh hi.

Marka 9:12

Jesuh in, “Na khempeuh a bawlkhol dingin Elijah hong pai masa takpi hi. Mihing Tapa in gimna tampi thuakin simmawhna ngah ding hi, ci-in Lai Siangtho in gen hi lo ahi hiam?

Johan 11:35

Tua ciangin Jesuh zong a kap hi.

Johan 8:48

Tua ciangin Jew mihonte in, “Nang Samaria mi hi-in, dawivei hi teh, ka hong cih uh a man mah hi lo ahi hiam?” a cih uh ciangin

Mattiu 27:63

“Topa aw, hih mi khem pa in a nuntak lai-in, ‘Ni thum khit ciangin ka hingkik ding hi,’ ci-in a thugenna ka thei uh hi.

Micah 5:1

Jerusalem khuamite aw, na kulh sung uhah lut un. Eite hong ki-umcih a, Israel makai pa a hong sim uh ahi hi.

Zekhariah 11:8

Kha khat sungin tuucing adang thumte ka notkhia hi. Bang hang hiam cih leh amaute tungah ka lungduaizo nawn kei a, amaute in kei hong mudah uh hi.

Thu-hilhkikna 32:15

“Israel mite thau mahmah uh a, a lehdo thei mi suak uh hi. Note thau-in lianpi pha-in, na zol uh hi. Tua ciangin amaute a bawl Pasian amaute in nusia-in, amau a Honkhia pa thusim lo uh hi.

Luka 19:41

Jerusalem khua hong nai semsem a, a khuapi a muh ciangin Jesuh in tamlawh a,

Late 69:29

Ahih hangin keimah in gimna thuakin na ka sa hi. Pasian aw, kei hong kaito-in hong honkhia ta in.

Marka 10:33

“Na ngai un. Tu-in Jerusalem khua-ah a paito ding ihi hi; tua lai mun panin siampi liante le Thukham hilh siate’ khut sungah Mihing Tapa kipia ding hi. Amaute in a sih nadingin thu a khen khit uh ciangin Gentail mite’ khut sungah a ap ding uh hi.

Marka 10:34

Tua mite in amah simmawh bawlin, cilphihin, satin a that ding uh hi. Ni thum khit ciangin amah thokik ding hi,” a ci hi.

Isaiah 52:14

Mi tampite in amah lamdang sa uh hi. Mihing a bang nawn lo zah dongin nakpitakin a mai sia a, mihing a sun nawn lo zah dongin a mel a sia hi.

Late 88:4

Kei pen a sidek mi tawh ka kibang ta a, ka thahatna khempeuh beimang khinta hi.