Isaiah 51:4 - Tedim Bible

⁴ “Ka mite aw, ka thugen hong ngai un. Minamte tungah thu ka hilh a, keima thukham in amaute tungah khuavak tun ding hi.

Tedim Bible Revision 2017

⁴ “Ka mite aw, ka thugen hong ngai un. Minamte tungah thu ka hilh a, keima thukham in amaute tungah khuavak tun ding hi.

Isaiah 51:4 Referans Kwoze

1 PETER MASA 2:9

Ahi zongin note pen Pasian in a hong teelkhiat minam, Kumpi siampi pawl, a siangtho minam, Pasian’ mite na hi uh a, khuamial sung panin a lamdang mahmah ama khuavak sungah a hong samkhia pa’ nasepna a lamdangte a genkhia dingin Pasian in a hong teel mite na hi uh hi.

1 KORIN MASA 9:21

Tua mah bangin Jew mite’ Thukham in a huam loh Gentail mite lakah na ka sep ciangin amaute ka ngahzawh nadingin Gentail mite bangmahin ka gamta hi. Hih bangin ka gen ciangin Pasian’ thukham a zui lo, cihna hi loin Khrih’ thukham zui-in a gamta ka hi hi.

Isaiah 2:3

mi tampite hong pai-in, “Hong pai un, amah in ama zialetongte hong hilh theih nading le ama lampite i zuih theih nadingin Jakob’ Pasian’ inn, Topa’ mualah paito ni,” a ci ding uh hi. Bang hang hiam cih leh Topa in Zion panin thu hong gen ding a, Jerusalem khua panin Topa’ thuhilhna hong paikhia ding hi.

Isaiah 49:6

Amah in, “Jakob minamte a laamto ding le a suaktalai Israel mite a ngei uh a bangsakkik dingin keima nasem na hihna pen a baih lua mahmah nasep ahi hi. Keima hotkhiatna in leimong dong a phak theih nadingin minam dangte tungah khuavak ahi dingin nang kong pia ding hi,” hong ci hi.

Isaiah 42:6

“Kei pen Topa ka hi a, thumanna tawh nangmah hong samin, ka khut tawh hong lenin nang ka hong kem hi. Mittawte a vaksak ding, leinuai thong sung panin thongkiate a lakhia ding, thong sung a mialna munah a tu mite a lakhia ding, mite tungah thuciamna ahi ding, minam dangte tungah khuavak ahi dingin nang ka hong koih khin hi.

Micah 4:2

Minam tampite hong pai-in, “Israel mite’ Pasian’ biakinn, Topa’ mualah va paito ni. Tua lai-ah ama deihna hong hilh ding a, ama deihna bangin i gamta ding hi,” ci ding uh hi. Bang hang hiam cih leh Zion panin thuhilhna hong gingkhia a, Jerusalem panin Topa’ thu hong paikhia hi.

Late 78:1

Ka mite aw, keima hilhna ngai unla, ka kam tawh ka thugente na bil uh hong ngat un.

Luka 2:32

Gentail mite in khuavak a muh nading le nangma mi Israel-te a minthan nadingin na vaihawm hi,” a ci hi.

Isaiah 26:2

Upna-ah a kip thuman minamte a lut theih nadingin kulhkongpite hong ta un.

Paunak 6:23

Bang hang hiam cih leh thukham le a hilhnate pen a taang mahmah khuavak bang hi a, khalna le hilhnate pen nuntakna ding lampi hi a,

Late 147:20

Amah in tua bangin minam dang khat peuhpeuh tungah bawl ngei lo hi. Amaute in amah biakna ngeina kipte thei lo uh hi. Topa phat un.

Late 50:7

“Ka mite aw, ngai un; thu ka hong gen ding hi. Israel-te aw, note’ langkhatah teci ka pang ding hi. Kei pen Pasian ka hi a, nomau’ Pasian ka hi hi.

Late 33:12

Topa, Pasian-a a nei minam, ama luah dingin teelna a ngah minamte thupha ngah ahi hi.

Paikhiatna 33:13

Tua ahih ciangin tu-in nang tungah kong thum hi; na muhna-ah maipha ka ngah leh keimah in nang hong thei-in, na muhna-ah maipha ka ngah theih nadingin tu-in nangma geelnate kei hong lak in. Hih minam pen nangma mite ahihna zong ngaihsun in,” a ci hi.

Paikhiatna 19:6

note pen keima siampi nasep a sem minam, le minam siangtho na hi ding uh hi. Israel mite tungah hih thute na gen ding ahi hi,” a ci hi.

Thu-hilhkikna 18:18

Amau sanggamte lak panin nang tawh a kibang kamsang khat amaute a dingin ka khangsak ding hi. Ama gen dingte ka hilh ding a, amah ka thupiak khempeuh amaute tungah a gen ding hi.

Isaiah 1:27

Topa thutang ahih manin Jerusalem khuapi honkhia ding a, a sungah a teng a kisik mi khempeuh zong a honkhia ding hi.

Isaiah 26:8

Topa aw, nangma deihna kong zui uh a, nang kong ngak uh hi. Nang pen kote’ deih kicinna na hi hi.

Isaiah 33:22

Bang hang hiam cih leh Topa pen eite’ thukhen, Topa pen eite hong ukpa, Topa pen eite’ kumpi ahi hi. Amah in eite hong honkhia ding hi.

Isaiah 42:21

Topa pen a honkhia nuam mahmah Pasian hi a, ama thuhilhnate limtakin a kizuih ding a deih hi.

Isaiah 55:3

Ka mite aw, ka thu ngai unla, kei kiangah hong pai un. Na nuntak theih nadingun a thu hong za un. David ka it mah bangin keima itna kip, tawntung thuciamna note tawh ka bawl ding hi.

Isaiah 63:8

Bang hang hiam cih leh Topa in, “Amaute pen keima mi taktak hi a, amaute in kei hong khem lo ding hi,” a ci hi. Tua ahih manin a lungkhamna panun amaute a honkhia hi.