Isaiah 5:5 - Tedim Bible

⁵ Tu-in, ka leenggui lo tungah ka hih ding thu note tungah kong gen ding hi. A daai ka lakhia ding a, kinemang ding hi. A gawl ka susia ding a, kituancil ding hi.

Tedim Bible Revision 2017

⁵ Tu-in, ka leenggui lo tungah ka hih ding thu note tungah kong gen ding hi. A daai ka la khia dinga, kine mang ding hi. A gawl ka susia dinga, kituancil ding hi.

Isaiah 5:5 Referans Kwoze

Luka 21:24

Mi pawlkhat, namsau tawh kithat ding a, pawlkhat, galmatin gam dangah kiciahpih ding hi. Tua ciangin Gentail mite’ uk hun a bei matengin Jerusalem khuapi a siacipin om ding hi.

Kah la 1:15

Topa in ka galkap a thahat pente nuihsan lel a, amah in kei a hong sim ding, ka tangvalte a susia dingin galkap honpi a hong kuansak hi. Amah in ka nungakte leenggah gawizan bangin a hong gawizansak hi.

Isaiah 28:18

Tua ciangin sihna tawh na thuciamna uh kiphiat ding a, Leinuai tawh na thukimna uh kip lo ding hi. A tuumcip ding tuiciin in a hong nawk ciangin note hong sugawp ding hi.

Mangmuhna 11:2

Ahi zongin biakinn pualam tualte teh kei in. Minam dangte’ khut sungah kipia khin a, amaute in kha sawmli le nih sung Khuapi Siangtho tuancilgawp ding uh ahih manin tua a tualte teh loin nusia lel in.

Isaiah 28:3

Israel zukham makaite in a kiphatsakpih kumpi lukhu pen khenuai-ah kituancil ding hi.

Isaiah 10:6

Keima thu a ngaihsun lo minam le kei a hong hehsak mite’ neihsa sutin laksakin, amaute pen konglak buannawng bangin a tuancil dingin amaute sawlin thu ka pia hi.

Piancilna 11:7

Hong pai un, amaute khatlekhat’ thugen a kitheih loh nadingun eite paisukin amau’ kampau va kitukalhsak ni,” a ci hi.

Piancilna 11:4

Tua ciangin amaute in, “Hong pai un, leitung buppi-ah eite i kithehthang gawp loh nadingin ei a dingin khuapi khat bawlin, a dawn in vantung a ban ding tausang khat lamin, eite’ minthan nading khat bawl ni,” ci uh hi.

Daniel 8:13

Vantung mi khat in adang vantungmi khat kiangah thu a dot ka za a, “Hih maangmuhna bang tanvei sawt ding a, a muhdahhuai mawhna in nisim biakpiakna bang tanvei khaktan ding ahi hiam? Vantung galkapte le biakinnpi bang tanvei kituancil ding ahi hiam?” a ci hi.

Kah la 4:12

Namdangte’ gam ukte le mi khempeuh Jerusalem a simzo ding kuamah om lo ding hi, ci-in a up laitakun hih thu hong piang hi.

Isaiah 25:10

Bang hang hiam cih leh Topa in hih Zion Mual hu ding a, ahi zongin Moab mite ahihleh ninkholna dum sungah buhkungte a kisikcip bangin kisikcip gawp ding hi.

Nehemiah 2:3

kumpipa ka dawng a, “Kumpipa nungta tawntung in. Ka pute ka pate a kivuina khuapi siagawp a, a kongpite kangtum ahih ciangin maikhing loin bangci om theih ding ka hi hiam?” ka ci hi.

Late 89:40

Ama kulhte khempeuh na sukham khin a, ama galpanmun kipte a sia na suah khin hi.

Paunak 24:31

Limtakin ka et ciangin a lo ciing bupah kiak dim a, a leitang khempeuh lopa in khuhcip a, a umna a phungcian suangte kicim khin hi.

Isaiah 32:10

Nomau’ tumtakin a lungkim numeite aw, kum khat val zek khit ciangin na linglawng ding uh hi. Bang hang hiam cih leh leenggah kum hong sia ding a, singgah lawhna hun hong tung lo ding hi.

Jeremiah 18:11

Tua ahih manin tu-in, Judah mite le Jerusalem khuamite’ kiangah Topa in a cihin-ah, ‘En un, note’ siatna ding ka geel a, note’ langkhatah ngimna khat ka nei hi. Na vekpi-un na siatna uh pan kilehkik unla, na omdan uh le na nasepnate uh bawlpha un,’ va ci in.

Jeremiah 21:4

“Zedekiah kiangah hih bangin na genkik un, ‘Topa, Israel mite’ Pasian in a genin-ah: En un, khuakulhpi pualamah a hong umcih Babylon kumpipa le Khaldea mite na dona uh ahi, na khutsung uha na kep na galhiamte uh bangmahin a kimang lo ka suaksak ding a, amaute khempeuh hih khuapi laizangah kong paipih ding hi.

Jeremiah 28:8

Nang le kei’ ma-in a om, tanglai-a kamsangte in gam tampi le gam liante’ tungah gal ahi zongin, kial ahi zongin, pulnatna ahi zongin hong tung ding hi, ci-in a genkholzo uh hi.

Jeremiah 45:4

“Topa in nang tungah hih bang a gen dingin hong sawl hi: En in, keimah in ka lamsate ka phelkik a, ka phuhsate ka botkhia kik hi. Keimah in leitung buppi tua bangin ka hih ding hi.

Hosea 2:12

Ka pasal it dangte in thamanin hong piak hi, ci-in a gen a leengguite le a theikungte ka susia ding a, gamsate in tuate suksiatsakin gamlakpi a suak ding hi.

Late 89:41

A pai khempeuh in ama nate sutgawp uh a, amah pen a vengte’ nuihsat a suak hi.

Thuhilh-sia 3:3

Gawh hun om a, khoi hun om hi. Phel hun om a, lam hun om hi.

Kah la 2:6

Amah in biakna Biakinnpi a zan gawpsak hi. Amah in biakna ni siangtho nite le Sabbath nite a beisak hi. Kumpite le siampite in a nasia ama hehna a thuakkhawm uh hi.

Hosea 2:14

Tua ahih ciangin sehnel gamah amah ka paipihkik ding a, itna kam tawh hopihin ka zolkik ding hi.