Isaiah 5:16 - Tedim Bible

¹⁶ Ahih hangin thutang sepna tawh Vanglian Topa in a liatna hong kilangsak a, a Siangtho Pasian in a mite a thukhenna tawh ama sianthona hong kilangsak hi.

Tedim Bible Revision 2017

¹⁶ Ahih hangin thutang sepna tawh Vanglian Topa in a liatna hong kilangsak a, a Siangtho Pasian in a mite a thukhenna tawh ama sianthona hong kilangsak hi.

Isaiah 5:16 Referans Kwoze

Late 46:10

“Om hithiat unla, Pasian ka hihna thei un. Minamte lakah keimah hong kisangsak a, leitung khempeuhah ka min hong kithangsak hi,” a ci hi.

Isaiah 12:4

Ni khat ni ciangin mite in, “Topa’ tungah lungdam ko unla, ama hong huh ding ngen un. Minam khempeuh lakah ama septe kitheisak unla, ama min kiliansak hi, ci-in gen un.

1 KHANG TANGTHU MASATE 29:11

Topa aw, liatna, vangliatna, minthanna, gualzawhna, le min liatnate nangma a’ ahi hi; bang hang hiam cih leh vantung le leitungah a om khempeuh zong nangma a’ ahi hi. Topa aw, kumpi gam nangma a’ hi a, tuate khempeuh tungah nang a lutangin hong kisangsak hi.

1 PETER MASA 2:15

Bang hang hiam cih leh thu thei loin a mot paupau mihaite, na gamtat hoihna un a daihsak ding, Pasian’ deihna ahi hi.

Ezekiel 36:23

Note in minam dangte’ lakah na daisaksa uh a lian ka min siangtho pen tu-in minam dangte’ lakah a sianthona ka langsak ding hi. Keimah in minam dangte’ lakah ka sianthona ka lah nadingin note kong zang ding hi. Tua ciangin Topa ka hihna thu amaute in hong thei ding uh hi. Topa Pasian ahi keimah in hih thu ka gen khin hi.

Isaiah 29:23

Bang hang hiam cih leh keima khut tawh ka bawlsa amau’ tate a muh uh ciangin amaute in keima min hong phat ding uh hi. Amaute in Jakob’ Siangtho Pa, a siangtho ahihna phawk ding uh a, Israel Pasian zahtakin kihta ding uh hi.

Mangmuhna 3:7

“Filadelfia khua pawlpi vantungmi kiangah lai gelh inla, David’ tawhtang kemin, ama honsa kong kuamah in a khak zawh loh, ama khaksa kong kuamah in a hon zawh loh, a thuman a siangthopa’ thugen in:

Isaiah 33:5

A sangna munah teng ahih manin Topa kipahtawi hi. Amah in thutang le thuman tawh Jerusalem dimsak ding hi.

Isaiah 8:13

Ahih hangin Vanglian Topa pen a siangtho-in na ngaihsun ding uh hi. Amah pen note’ zahtak pa le note’ kihtak pa na hisak ding uh hi.

Ezekiel 38:23

Hih bangin hihna tawh a lian a siangtho ka hihna thu, keimah in minam khempeuh tungah ka langsak ding a, tua ciangin Topa ka hihna thu amaute in hong thei ding uh hi,” hong ci hi.

Isaiah 57:15

Bang hang hiam cih leh a sang, a lian, a nungta tawntung Pa, ama min Siangtho ahipa in hih bangin ci hi: “Kei pen a sangna mun le a siangtho munah ka om a, a kiniamkhiat mite’ lungsim le a kisik mite’ lungsim a thakhauhsakkik dingin kisikna le kiniamkhiatna lungsim a neite tawh zong kei ka omkhawm hi.

Isaiah 2:17

Mite’ kiliatsakna kiniamkhiat ding a, mite’ kiphatsakna a niamin kikoihsuk ding hi. Tua ni ciangin Topa bek a lianin kikoih ding hi.

Mangmuhna 4:8

Tua ganhing lite in kha guk ciat nei-in, tua a khate’ sunglam le a pualamah mittang a dimtakin om a, a sun a zan tawlnga loin la sa uh a, “A beisa, tuhun, le a tawntungin a om Vanglian Topa Pasian, siangtho hi, siangtho hi, siangtho hi,” a ci uh hi.

Isaiah 61:8

Bang hang hiam cih leh keimah Topa in thutang deihin, mi’ nate suhna le khialhna ka mudah hi. Amaute tungah amau’ thaman thuman takin ka pia ding a, tawntung thuciamna amaute tawh ka bawl ding hi.

Isaiah 28:17

Keimah in thutang pen khaukhai bangin ka bawl ding a, thuman pen khaukhai sikbawk bangin ka bawl ding hi. Gial in na zuau buk uh dengkhia ding a, tui in na bukna mun uh susia ding hi,” ci hi.

Isaiah 6:3

Amaute khatlekhat kisamin: “Vanglian Topa, siangtho, siangtho, siangtho; leitung khempeuh ama minthanna tawh kidim,” ci-in awng uh hi.

Late 21:13

Topa aw, na hatna hangin nang hong kipahtawi ta hen! Nangma vangliatna la sa-in ka hong phat ding uh hi.

Isaiah 30:18

Tua ahih ciangin note hong hehpih nuamin Topa in hong ngak a, note tungah hehpihna hong lah ding amah kipakta hi. Bang hang hiam cih leh Topa pen a thutang Pasian hi a, amah a muangte khempeuh thupha ngah ahi hi.

Isaiah 2:11

Mite’ kiliatsakna pen kiniam koih ding a, mihingte’ kiphatsakna pen kiniamkhiat ding hi. Tua ni ciangin Topa bek a lianin kikoih ding hi.

Late 9:16

Topa in thu hong khenin migilote amau’ nasepna mahah awksakna tawh amah hong kilang hi.

Siampi Laibu 10:3

Tua ciangin Moses in Aaron’ kiangah, “Topa in, ‘Ka kiang nai-a a omte kiangah keimah a siangtho-in ka kilak ding a, mi khempeuh’ mai-ah keimah hong kiminthangsak ding hi,’ ci hi,” ci-in a gen hi. Aaron pau loin a om hi.

1 PETER MASA 1:16

Lai Siangtho sungah zong, “Keimah siangtho ka hih manin note zong na siangtho un,” na kici hi.

ROM (Romans) 2:5

Lungsim khauhin na kisik nop lohna hangun Pasian’ hehna le a manin a thukhenna a hong kilat Ni ding ciangin na gimthuak ding uh a nasia semsem dingin a bawl na hi uh hi.

Ezekiel 28:22

Topa Pasian ahi keimah in ka gen thu, amaute kiangah hih bangin gen in: “Sidon khuapi aw, kei pen nangma lang ka hi a, nangma tungah ka hong bawlna hangin mite in kei hong phat ding uh hi. Nangma sungah a teng mite gimpiakna tawh ka sianthona ka lah ciangin Topa ka hihna thu amaute in hong thei ding uh hi.

1 PETER MASA 3:15

Na lungsim sung uhah Khrih zahtakbawl unla, amah Topa-in nei un. Note’ lametna thu a hong dong a omkhak leh hoihtakin a genthei dingin kiging tawntung unla, ahi zongin lungnemna le zahtakna lim tawh gen un.

Isaiah 33:10

Topa in minam dangte kiangah, “Tu-in ka gamtang ding a, ka vangliatna ka lak ding hi. Tu-in kei hong kipahtawi ta ding hi.

Ezekiel 20:41

Na kithehthangna uh gam tuamtuam panin note hong paikhiatpihin mun khatah note kong kaihkhop khit ciangin a namtui na biakpiaknate uh kong sang ding hi. Note in kei nong biak manun minam dangte in a siangtho ka hihna hong thei ding uh hi.

Ezekiel 38:16

khuapi huih in gam sung a nawkgawp bangin keima mi Israel-te na sim ding hi. A hun a tun ciangin, nangmah zangin na ka sepna tawh minamte lakah ka sianthona ka lahtheih nadingin keima gam a sim dingin kong sawl ding hi.

Daniel 4:37

Tu-in keimah Nebukhadnezzar in Vantung Kumpipa phatin, zahtakin a min ka thangsak hi. Ama bawlna khempeuh a man hi. Amah a tawntungin thuman a, a kiphasakin a gamtate a neusak hi,” a ci hi.

Gamlak-vakna 20:13

Hihte pen, Israel mite in Topa a phunsanna, amaute lakah amahmah a siangtho-a a kilahna mun, Meribah tui phuala thupiang ahi hi.

Isaiah 2:9

Tua ahih ciangin mite kiniamkhiat sukin, mite a niamin kikoih suk hi. Amaute’ mawhna maisak kei in.

Ezekiel 28:25

Topa Pasian in kei kiangah, “Minam tuamtuamte lakah ka thehthangna panin Israel mite ka kaikhawm kik ding a, kei pen a siangthopa ka hihna thu minam khempeuh in hong thei ding uh hi. Tua ciangin ka nasempa Jakob ka piak leitang ahi amaute’ gam sungah Israel mite a teng ding uh hi.