Isaiah 49:2 - Tedim Bible

² Amah in ka thugente, namsau hiam bangsak a, ama khut tawh keimah hong hu hi. Amah in a kinawtngil thaltang bangin kei hong bawl a, a hiamsa-in zat pah dingin a thallawng sungah kei hong koih hi.

Tedim Bible Revision 2017

² Amah in ka thugente, namsau hiam bangsak a, ama khut tawh keimah hong hu hi. Amah in a kinawtngil thaltang bangin kei hong bawl a, a hiam sa-in zat pah dingin a thallawng sungah kei hong koih hi.

Isaiah 49:2 Referans Kwoze

Hebru 4:12

Pasian’ thu nungta-in a gamtang hi a, langnih a hiam namsau sangin hiamzaw lai hi. Kha le lungsim, guh le taang kituahna, guh le guhngek dongin khenkhia thei hi. Mihingte’ lungsim ngimna le a ngaihsutnate zong theithei hi.

Mangmuhna 1:16

A taklam khutah aksi sagih tawi-in, a kam sung panin langnih a hiam namsau khat hong pusuak a, a maitang sun nitaang a bang hi.

Isaiah 50:4

A lunggim mite ka thahatsak theih nadingin Topa Pasian in ka gen ding thu hong hilh khin hi. Ama hong hilhnate a ngai dingin zingsang simin lawpna hong guan hi.

Isaiah 51:16

Vantungte zalin lei bulpi ka phut a, Zion kiangah, ‘Nang pen keima mi na hi hi. Nang tungah thu kong hilh khin a, ka khut tawh nang ka hong hu hi,’ ka ci hi,” a ci hi.

Mangmuhna 2:12

“Pergamum khua pawlpi vantungmi kiangah lai gelh inla, a langnihin a hiam mahmah namsau a nei pa’ thugen in:

Jeremiah 1:18

En in, hih gambup langah a ding ding, Judah kumpite, uliante, siampite le hih gammi khempeuh langah a pang dingin tuni-in nang, khuapi muanhuai khat bang ahi zongin, sikkhuampi khat bangin ahi zongin, sumngo kulhpi khat bangin ahi zongin ka hong bawl hi.

Isaiah 11:4

Thumanna tawh mizawngte’ thu khenin, lungsim nem mite’ thu ahi bangin khensak ding hi. Ama kam panin a thupiakna tawh leitung mite gim kipia ding a, a muk panin a thugenna tawh migilote si ding uh hi.

Hosea 6:5

Tua ahih manin note a hong thuhilh ding le note a hong taii dingin ka kamsangte kong sawl hi. No ka mite’ gamtat ding ka deih zia kitel sinsen hi.

Late 91:1

Sangpenpa’ liahna sung, Vanglianpa’ liim sungah a om mi khempeuh in

Mangmuhna 19:15

Minam dangte a zawhgawp nading namsau hiam khat a kam sung panin a pusuak hi. Amah in sik ciangkhut tawh minam dangte ukin, a Vanglian Pasian’ heh mahmahna tawh leenggah cilna-ah leengtui a sukkhia ding hi.

Luka 23:46

Tua ciangin nakpitakin Jesuh kiko a, “Pa aw, nangma khut sungah keimah kong ki-ap hi,” a cih khit ciangin a si ta hi.

Isaiah 42:1

Keimah in ka huh, ka teel, ka lungkimna ka nasempa en un. Ka kha tawh amah ka kidimsak a, amah in minam khempeuh tungah thuman tungsak ding hi.

Efesa 6:17

Siklukhu khuk bangin hotkhiatna nei unla, Kha Siangtho in a hong piak Pasian’ thu pen namsau zat bangin na zang un.

Mangmuhna 2:16

Tua ahih manin na mawhna panun kisikkik un. Na kisik kei uhleh note kiangah kei hong pai baihin, ka kam panin a pusuak namsau tawh amaute ka do ding hi.

Paikhiatna 33:22

Keima minthanna vang a pai laitakin suanghawm sungah nang kong koih ding a, kei ka paikhiat mateng ka khut tawh nang kong hum ding hi.

Isaiah 50:10

Topa kihta a, a nasempa’ thu a mangte khempeuh khuamial sungah na pai hangun Topa muang unla, Pasian suanin nei un.

Habakkuk 3:11

Na thaltang leeng a muh ciang, na teipi tee zalzal a muh ciangin, ni le kha a omna sanah a khawlcip uh hi.