Isaiah 49:1 - Tedim Bible

¹ Tuipi gei-a om gamte aw, ka thu ngai un. Gamlapi-a om mihingte aw, ka thu ngai un. Ka suah ma-in Topa in kei hong teel a, ka nu sungah ka om lai-in amah in keima min hong pulak khin hi.

Tedim Bible Revision 2017

¹ Tuipi gei-a om gamte aw, ka thu ngai un. Gamlapi-a om mihingte aw, ka thu ngai un. Ka suah ma-in Topa in kei hong teel a, ka nu sungah ka om lai-in amah in keima min hong pulak khin hi.

Isaiah 49:1 Referans Kwoze

Jeremiah 1:5

“Gil sungah kong bawl ma-in nang kong thei khinzo hi. Na suah ma-in nang kong teelkhia khinzo a, minam dangte tungah kamsang dingin kong koih khinzo hi,” hong ci hi.

Galati 1:15

Ahi zongin Pasian in a hong hehpihna tawh ka suahma pekin kei hong teelin ama na a sem dingin hong sam khin hi. Keimah in ama Tapa hanga lungdamna thu, Gentail mite lakah ka hilhtheih nadingin kei tungah a Tapa hong kilatsak hun laitakin kuama kiangah thu dongin ka pai kei a,

Isaiah 44:2

Nangmah a hong bawl, gil sung panin nang a hong piangsak, nang a hong huh ding Topa in hih bangin ci hi: Ka nasempa Jakob aw, ka teelsa Israel aw, lau kei in.

Isaiah 49:5

Ama kiangah Jakob kipaipih kikin, ama kiangah Israel-te a kikaihkhop theih nadingin Topa’ mai-ah kei hong kipahtawi a, Pasian pen keima thahatna suakin, ama nasem dingin ka nu sung panin keimah a hong piangsak Topa in tu-in thu hong gen hi.

Luka 1:31

Nang gai-in tapa khat na nei ding a, a min dingin Jesuh na phuak ding hi.

1 PETER MASA 1:20

Pasian in hih bang dingin leitung pianma pekin Khrih a teelsa hi a, note a hong khualna-in tuhun nunung ciangin Pasian in note kiangah amah a hong lakkhia pan ahi hi.

Luka 1:15

Topa’ muhna-ah amah milian khat hi ding hi. Amah in leenggahzu ahi a, khamtheihzu khat peuhpeuh ahi zongin ne lo ding hi. A suah phet a kipanin Kha Siangtho tawh kidim ding hi.

Hebru 12:25

Tua ahih manin note tungah thu a hong gen pa’ thugen na ngaih loh khak ding uh kidawm un. Hih leitungah thu a gen pa’ thu a ngai lote suakta lo ahih manin vantung panin thu a hong gen pa’ thugen ngai kei lehang i suakta kei zaw kan lai ding hi.

Johan 10:36

Tua ahih manin kei pen Pa Pasian in hong teelin leitungah a hong sawl ka hih manin, ‘Pasian’ Tapa ka hi hi,’ ka cih ciangin bang hangin Pasian simmawhbawl hong cithei na hi uh hiam?

Zefaniah 2:11

Topa in amaute lausakgawp ding a, leitung pasian-te, neubawl gawp ding hi. Tua ciangin minam khempeuh in amau’ gam ciat panun amah bia ding uh hi.

Isaiah 60:9

Hih teembawte pen tuipi gei le tuikulh-ah a om teembawte hi a, Tarshish teembaw lianpite in hong makaih hi. Topa in nangmah a minthang mahmahin hong bawlkhin ahih manin gamlapi panin tua teembawte in nangma mite hong puak uh a, a ngun a khamte uh tawh hong puakkhawm uh hi. Topa, na Pasian, Israel-te’ Siangtho Pa a pahtawina-in a hong puak uh ahi hi.

Isaiah 57:19

Nopsakna, nopsakna, a gamla le a nai mi khempeuh tungah om tahen. Keimah in amaute ka damsak ding hi, Topa in ci hi.

Isaiah 55:3

Ka mite aw, ka thu ngai unla, kei kiangah hong pai un. Na nuntak theih nadingun a thu hong za un. David ka it mah bangin keima itna kip, tawntung thuciamna note tawh ka bawl ding hi.

Isaiah 46:3

“Na suah a kipan kong tawi, gil sung pana kong puak, Jakob innkuan, Israel innkuan a suakta laite khempeuh aw, keima thu hong ngai un.

Isaiah 44:24

Gil sung panin nangmah a hong piangsak, nangmah hong Honpa, Topa in hih bangin ci hi: “Keimah in na khempeuh bawlin, keimah guak in vantungte zalin, kuama seppih lohin leitung ka zal hi.

Efesa 2:17

Tua hi a, Khrih in Pasian tawh a kigamla no Gentail mite tung le Pasian tawh a kinai Jew mite tungah kilem nading Lungdamna Thuhoih a hong hilh hi.

Isaiah 51:5

Manlangin hong pai-in amaute ka honkhia ding hi. Ka gualzawh ding hun hong naita hi. Keimah in minamte ka uk ding hi. Tuipi gei-a gamte in kei hong muang uh a, amaute in keima hotkhiat ding hong ngak uh hi.

Isaiah 45:22

“Leitung mi khempeuhte aw, kei lamah hong kihei unla hotkhiatna ngah un! Bang hang hiam cih leh kei pen Pasian ka hi a, kuamah dang om lo hi.

Isaiah 42:12

Topa’ minthanna gensak unla, tuipi gei-a gamte-ah amah phatna gensak un.

Isaiah 41:1

Tuipi gei-a om gamte aw, gamdai takin ka thu ngai un. Na mite uh a tha uh dimsak unla, amaute a nai-ah hong paisak un. Amaute in thugen theih nading hun ngah ding uh hi. Thukhen zumah kei tawh kisi nu’ng.

Isaiah 9:6

Bang hang hiam cih leh eite a dingin naungek khat hong suak a, eite’ tungah tapa khat hong kipia hi. Amah pen eite hong ukpa hi ding a, ama min pen “Lamdang Thulak pa, Vanglian Pasian, Tawntung Pa, Nopsakna Kumpi,” kici ding hi.

Isaiah 66:19

amaute’ lakah lim khat ka khai ding hi. Amau’ sung panin, minamte tung, Tarshish mite tung, Put mi le Lud mite tung, Meshek mite tung, Tubal mi le Javan mite tung, ka min hoihna a za ngei lo, ka minthanna a mu ngei lo tuipi gei-a om gam mite tungah a suakta lai mite ka sawl ding hi. Amaute in minamte lakah ka minthanna genthang ding uh hi.

Isaiah 7:14

Tua ahih ciangin Topa mahmah in note tungah lim khat hong pia ding hi. En un, nungak khat gai-in tapa khat nei ding a, ama min Immanuel kici ding hi.

Late 22:10

Ka suah tung a kipan nangma tungah kong tung a, ka nu in hong paii lai a kipan keima Pasian na hi hi.

Isaiah 11:11

Tua ni ciangin Topa in Assiria gam, Egypt gam, Pathros gam, Ethiopia gam, Elam gam, Shinar gam, Hamath gam, le tuipi gei-a gamte panin ama mi a omlaite a ngahkik nadingin a vangliatna zang kik ding hi.

Isaiah 24:15

Nisuahna lama om mite in Topa phat ding uh hi. Tuipi dunga teng mite in Topa, Israel-te’ Pasian phat ding uh hi.

Isaiah 33:13

Gamlapi-a a om mite aw, ka sepna thu za un. A nai-a a om mite aw, ka vangliatna thei un.

Isaiah 49:12

Ka mite a gamlapi panin hong pai ding uh a, leilu lam gam le nitumna lam gamte panin amaute hong pai-in, pawlkhatte, leitaw lam Siene gam panin hong ciah ding uh hi,” a ci hi.

Isaiah 52:13

Topa in, “En un; ka nasempa a dau pai-in, amah a lianin kikoihin kilaamto ding a, sang mahmah ding hi.