Isaiah 48:8 - Tedim Bible

⁸ Note pen muantheih ding na hihlohna uh, na suah tung uh a kipan mi lehdo thei na hihna uh ka hong thei hi. Tua ahih manin hih thute na za ngei kei uh a, zong na thei ngei kei uh hi.

Tedim Bible Revision 2017

⁸ Note pen muan theih ding na hih lohna uh, na suah tung uh a kipan mi lehdo thei na hihna uh ka hong thei hi. Tua ahih manin hih thute na za ngei kei uh a, zong na thei ngei kei uh hi.

Isaiah 48:8 Referans Kwoze

Late 58:3

Migilote a khan tawnun khial uh hi. A suah tung mahun lam khial pah uh a, zuauthu gen uh hi.

Malakhi 2:11

Judah mite citak loin, Pasian tungah a thuciamna uh palsat uh a, Israel mite’ lak le Jerusalem khua sungah siatna tampi gamta uh hi. Topa in a it mahmah biakinn ninsak uh hi. Topa ahi lo, pasian dang a bia numeite, zi-in la-in a tenpih uh hi.

Hosea 5:7

Topa’ tungah amaute citak lo uh a, midangte tawh zawlta nei uh hi. Tu-in amaute le a neihsa khempeuh uh kisusia ding hi.

Jeremiah 6:10

Keimah in ka dawng kik a, “Amaute in a zak theih dingun kua kiangah va gen ding ka hi hiam? En in, a bil uh bing a, khua za thei lo uh hi. Topa’ thu simmawh uh a, lungdamna-in la lo uh hi.

Efesa 2:3

A taktakin eite khempeuh zong amaute mah i bang ngei a, i pianpih lungsim zui-in nungta-in, i pumpi le i lungsim deihna bangin i gamta hi. Tua ahih manin eite khempeuh zong Pasian’ hehna hangin gim a thuak dingte ihi hi.

Jeremiah 5:11

Israel minamte le Judah minamte, Topa in ka cihin-ah, kei’ tungah hong thuman nawn het lo uh hi.

Jeremiah 3:20

Ahih hangin a thuman lo zi in a pasal a nusiat bangin Israel mite aw, Topa in kong cihin-ah, no zong kei tungah nong thuman kei uh hi,’ ci-in va taangko in,” hong ci hi.

Isaiah 50:5

Topa Pasian in thu theihtelna hong guan hi. Amah ka lehdo kei a, zong ka nungngat kei hi.

Isaiah 48:4

Note pen paupeengin na ngawng uh sik thagui bang hi a, na thatang uh sumngo bangin a sakna thei khin ka hih manin,

Isaiah 46:8

“Thu a palsat mite aw, hih thu phawkin ngaihsun unla, lungngai pha un.

Isaiah 26:11

Topa aw, amaute gim na piak ding lamtak na galte in thei lo uh hi. Amaute maizumna thuaksak inla, amaute a dingin na geelsa gimnate amaute thuaksak in. Na mite na itna thu na galte tungah kilangsak in.

Isaiah 21:2

A kihtakhuai maangmuhna khat kei tungah hong kigen hi. A sutzo mipa in sut a, a susiazo mipa in susia hi. Elam galkapte aw, kuanto un. Media galkapte aw, umcih un. Babylon’ piansak khuisatnate khempeuh Pasian in beisak ta hi.

Late 51:5

A khialsa mahin kei ka suak a, ka nu in a gil sungah hong paii tung a kipan a mawh sa ka hi hi.

Late 40:6

Gan gawh biakna le khawhsa tawh biakna na deih kei a, khua ka zak theih nading bil na hong guan hi. Meihal biakna le mawhmaina ding biakna zong na kulsak kei hi.

Hosea 6:7

Ahi zongin ka ciamna gam a tun uh ciangin amaute in Adam khua-ah ka thuciamna palsat uh a, kei tungah hong thuman lo uh hi.

Jeremiah 5:21

“Ngai un, ngaihsutna a nei lo mihaite aw, mit nei napi-in a mu lote, bil nei napi-in a za lo mite aw,

Isaiah 33:1

Hong kisusia nai lo, mi a susiapa aw, tu-in gimna a ngah ding na hita hi. Kuamah in hong khem nai loh, mi khem pa aw, tu-in gimna a ngah ding na hita hi. Na suksiat nawn loh ciangin nang hong kisusia ding a, na khem nawn loh ciangin nang hong kikhem ding hi.

Isaiah 42:25

Tua ahih ciangin amah in ama hehna so leh galkidonate eite tungah hong tungsak hi. Israel mi khempeuh lakah ama hehna mei bangin hong kuang a, ahih hangin eite in bangmah i thei kei hi. Tua bang i thuakna hangin eite in bangmah i phawk thei tuan kei hi.

Isaiah 47:11

Ahih hangin nangmah in na beisak theih loh lungkhamna na tungah hong tung ding a, nangmah in maisakna na ngah theih loh gimna nang tungah hong tung ding hi. A thu na theih hetloh siatna na tungah hong tungvat ding hi.

Isaiah 48:7

Hihte pen tuhunin a piangsak ka hi a, a beisa hunah hih bang piang nai lo hi. A piang khinsa thu hileh, ka theihsa uh thu hi, na ci kha ding uh hi.

Isaiah 57:4

Note in kua mawlpih gawpgawp na hi uh hiam? Kua’ tungah na kam uh ka beba-in na leii uh phen na hi uh hiam? Tawsaw kung lak singkung hing khempeuh nuai-ah pasian biakna-in nulepa mawhna a bawl, kuamsung, suanghawm sungah na tate uh a that note pen khialhna tate, zuauna’ tuletate hi lo na hi uh hiam?

Hosea 7:9

A kipawlpih minam dangte in a thahatnateng uh teeptum a, ahi zongin a kiteeptumlam phawkkha lo uh hi. A lu tung uha om a sam uh a kanlam nangawn phawkkha lo uh hi.

Thu-hilhkikna 31:16

Tua ciangin Topa in Moses kiangah, “En in, na pu na pate kiang a zuan ding na hita hi. Nang na om nawn loh ciangin hih mite pen na paina uh mite lakah a gam sung pasian-te uh tawh paktat ding uh a, amaute in kei hong nusia-in amaute tawh ka bawl ka thuciamna uh siasak ding uh hi.

Thu-hilhkikna 31:18

Amaute, pasian dangte lamah kihei uh ahih manin amau’ gamtatnasa siatnate khempeuh hangin tua hun ciangin ka mai ka seel taktak ding hi.