Isaiah 48:2 - Tedim Bible

² Note tua bang hinapi-in, khuapi siangtho sungah a teng mite ihi a, Israel Pasian i muang hi. Ama min pen Vanglian Topa ahi hi, ci-in kisaktheihna-in na neizaw lai uh hi.

Tedim Bible Revision 2017

² Note tua bang hi napi-in, khuapi siangtho sungah a teeng mite ihi a, Israel Pasian i muang hi. Ama min pen Vanglian Topa ahi hi, ci-in kisaktheihna-in na nei zaw lai uh hi.

Isaiah 48:2 Referans Kwoze

Micah 3:11

Khuapi ukte in sumgolh ngahtheihna ding ngaihsutna bek tawh thu khen a, siampite in sum ngahtheihna ding ngaihsutna bek tawh thu gen a, kamsangte in zong sum ngahtheihna ding ngaihsutna bek mah tawh mailam thu genkhol uh hi. Tua bang hinapi-in amaute in Topa, muanin nei uh a, “Topa in eite hong ompih a, eite tungah siatna hong tung lo ding hi,” a ci uh hi.

ROM (Romans) 2:17

Tu-in Jew mi ka hi uh, a ci note in thukham suan belin nei-in Pasian na theihna uh na kisialhpih uh hi.

Isaiah 52:1

Zion aw, khanglo in; khanglo inla na tha khauhsak in. Khuapi siangtho Jerusalem aw, na puan hoihte silh in. Bang hang hiam cih leh dawibia mite le a nin mite nang sungah hong pai nawn lo ding hi.

Isaiah 10:20

Tua ni a kipan Israel a omlaite, Jakob innkuan a suakta laite in amau a sugawp pa suang nawn loin, Topa ahi, Israel Siangtho Pa pen thuman tawh suanin nei ding uh hi.

Mattiu 27:53

Hankhuk panin amaute paikhia uh a, sihna panin Jesuh a thawhkik khit ciangin, amaute zong khuapi siangtho sungah hong lut uh a, mi tampi in a mu uh hi.

Jeremiah 21:2

“Kote a dingin Topa’ kiangah thu hong dotsak in. Babylon kumpipa Nebukhadnezzar in a sim dingin hong umcih hi. Topa in a na lamdangte khat kei’ tungah hong zang leh amah kilehkiksak thei kha ding hi,” ci-in a dongsak hi.

Mangmuhna 22:19

hih laibu sungah a kigelh thute a hemkhia na om uhleh Pasian in zong hih laibu sungah a kigelh nuntakna singgah le Khuapi Siangtho sungah na ngah ding uh hamphatnate note kiang panin hong hepkhiatsak ding hi.

Mangmuhna 21:2

Mothak khat a pasal tawh a kituah dingin a kizem bangin vantung Pasian kiang panin Khuapi Siangtho ahi Jerusalem khua thak a hong paisuk ka mu hi.

Mangmuhna 11:2

Ahi zongin biakinn pualam tualte teh kei in. Minam dangte’ khut sungah kipia khin a, amaute in kha sawmli le nih sung Khuapi Siangtho tuancilgawp ding uh ahih manin tua a tualte teh loin nusia lel in.

Mattiu 4:5

Tua ciangin Dawimangpa in gamlak panin Jerusalem khua-ah Jesuh paipih a, biakinn khumzang a sangpen munah a kahtohpih khit ciangin,

Daniel 9:24

“Na mite le khuapi siangtho, a mawhna le a gamtat khialhnate a beina ding hun kum sawmsagih mun sagih sung a kisehzo hi. Tua ciangin mawhna kimaisak ding a, a tawntung thutang thu a hong tung ding hi. Genkholhna le maangmuhna thu a mantakin hong tangtung ding a, a Siangtho Pen Mun biakinnpi kisiansuah ding hi.

Jeremiah 10:16

Jakob’ Pasian tua bang hi lo a, amah pen na khempeuh a piangsak pa ahi hi. Ama mi dingin Israel mite teel a, ama min, Vanglian Topa ahi hi.

Isaiah 51:13

Vantungte zalin, lei bulpite a koih, note a hong bawl Topa hong mangngilh khinta na hi uh hiam? Note susia dingin a kithawi, no a hong nengniamte’ hehna, bang hangin kihta-in lau tawntung na hi uh hiam? Amaute’ hehna in note hong susiazo het lo ding hi.

Isaiah 47:4

Israel-te’ Siangtho Pa in eite hong suaktasak a, ama min pen Vanglian Topa ahi hi.

Late 87:3

Pasian’ khuapi aw, na minthanna teng hong kigengen hi.

Late 48:1

Topa lian a, i Pasian’ khuapi sungah nakpitakin phat ding ahi hi.

Nehemiah 11:18

Khuapi siangtho sungah Levi mi a om khempeuh mi zanih sawmgiat le li a pha uh hi.

Nehemiah 11:1

Tua ciangin Jerusalem-ah mi makaite teng uh hi. Tua lo midang teng, amau’ lak pan mi sawm-ah-khat, khuapi siangtho Jerusalem-ah a teng ding aisanna tawh kiteel uh a, a omlai mi sawmah kuate ahihleh khuapi dangte-ah om uh hi.

Thukhente 17:13

Tua ciangin Mikah in, “Topa in kei hong daupaisak ding hi, ci-in tu-in ka thei hi; bang hang hiam cih leh siampi-in Levi mite khat ka neita hi,” a ci hi.

Jeremiah 44:26

Ahih hangin Egypt gamah a om no Judah mite aw, Topa’ thugenna hong ngai un. En un, Topa in kong cihin-ah, Egypt gamah a om Judah mi khat beek in, ‘Topa a nuntak bangin,’ ci-in ka min zangin a kiciam nawn loh nadingun ka min lianpi tawh ka kiciam khinzo hi.

Isaiah 51:15

“Bang hang hiam cih leh kei pen tuipi tokgawpin tuihualte a hawksak Topa, note’ Pasian ka hi hi. Keima min pen Vanglian Topa ahi hi.