Isaiah 48:16 - Tedim Bible

¹⁶ Kei kiangah hong nai unla, hih thu hong za un. A kipat cil a kipanin a simthamin thu ka gen ngei kei a, tua thu a pian a kipanin kei ka om hi. (Tu-in Topa Pasian in kei tungah a vangliatna hong pia a, kei hong sawl hi.)

Tedim Bible Revision 2017

¹⁶ Kei kiangah hong nai unla, hih thu hong za un. A kipat cil a kipanin a simthamin thu ka gen ngei kei a, tua thu a pian a kipanin kei ka om hi. (Tu-in Topa Pasian in kei tungah a vangliatna hong pia a, kei hong sawl hi.)

Isaiah 48:16 Referans Kwoze

Johan 18:20

Jesuh in, “Mi khempeuh’ theihin thu ka gen tawntung hi. Jew mihonpi a kikhopna innte le Biakinn sungah thu ka hilh a, thu ka sim genna om ngei lo hi.

Johan 3:34

Pasian in a sawl mipa tungah ama Kha a kicingin pia ahih manin a sawl mipa in Pasian’ thugente mah a gen ahi hi.

Isaiah 45:19

Keimah in mun simtham, khuamialna gam sungah thu ka gen kei hi. Jakob suanlekhakte tungah, ‘A awngthawl mun sungah kei hong zong un,’ ka ci kei hi. Keimah Topa in thuman ka gen a, a man nate ka pulak hi.

Luka 4:18

“Gimna a thuak mite tungah Lungdamna Thu a hilh dingin Topa in kei hong sehkhin ahih manin keima sungah Topa’ kha hong om hi. Salin a kimante tungah suahtakna thu a gen ding, mittawte in khua a muhkik theih nading, a kinengniamte a suaktasak ding le

Isaiah 41:1

Tuipi gei-a om gamte aw, gamdai takin ka thu ngai un. Na mite uh a tha uh dimsak unla, amaute a nai-ah hong paisak un. Amaute in thugen theih nading hun ngah ding uh hi. Thukhen zumah kei tawh kisi nu’ng.

Isaiah 34:1

Minam khempeuhte aw, thu za dingin hong pai un. Mihingte aw, hong ngai un! Leitang le a tungah a om khempeuhte aw, ngai un. Leitung buppi le a tung panin a hong pai mi khempeuh in ngai un.

Isaiah 43:13

“Kei pen Pasian ka hi a, a kipat cil a kipanin zong kei pen Amah ka hi hi. Keima khutsung panin a lakhiazo kuamah om lo hi. Keima sepnate, a kua in hong khaktanzo ding ahi hiam?” a ci hi.

Isaiah 57:3

No, aisan numeite’ tapate, numei tawh a mawh mite le numei pangtatte’ tuletate aw, hih lai-ah hong pai un.