Isaiah 48:1 - Tedim Bible

¹ Israel min tawh a kilo, Judah sung panin a piangkhia, Topa’ min tawh thu ciam napi-in, thuman thutak tawh Israel Pasian a pulak lo Jakob innkuan aw, hih thu ngai un.

Tedim Bible Revision 2017

¹ Israel min tawh a kilo, Judah sung panin a piang khia, Topa’ min tawh thu ciam napi-in, thuman thutak tawh Israel Pasian a pulak lo Jakob innkuan aw, hih thu ngai un.

Isaiah 48:1 Referans Kwoze

Jeremiah 4:2

‘Topa a nuntak bangin,’ ci-in, thuman tak, kiptak, thutang takin thu na ciam nak-uhleh gam khempeuh in thupha ka piak ding hong ngen ding uh a, kei’ sungah amaute a lungdam ding uh hi,” a ci hi.

Late 68:26

“Israel’ suanlekhakte aw, mipi kikhopna sungah Topa Pasian phat un!” ci uh hi.

Jeremiah 5:2

“Topa a nuntak bangin,” ci-in a kiciam uh hangin a zuaupi uh ahi hi.

Isaiah 65:16

Leitungah thupha a kipiak ding a ngen pa in thuman Pasian min tawh thupha a kipiak ding ngen ding a, leitungah thuciamna a lapa in thuman Pasian min tawh a ciam ding hi. Bang hang hiam cih leh a beisa huna haksatnate khempeuh kimangngilh khinta a, tuate beimang khinta hi.

Thu-hilhkikna 6:13

Topa na Pasian uh na zahtak ding uh hi. Ama na bek na sem ding uh a, ama min tawh na kiciam ding uh hi.

Piancilna 32:28

Tua ciangin amah in, “Na min Jakob, kici nawn loin Israel, kici ding hi. Bang hang hiam cih leh Pasian le mite tawh na kilai khinzo a, na zo hi,” a ci hi.

Mangmuhna 3:9

Jew mi hi lo napi-in Jew mi hi ung, ci-in zuau a gen Satan’ pawlte, note’ mai-ah hong paisakin na khephung uhah ka boksak ding a, note ka hong itna thu amaute ka theisak ding hi.

Mangmuhna 2:9

Na lungkhamnate uh le na zawnnate uh ka thei hi. A taktakin note a hau na hi uh hi. Jew mi hi lo napi-in Jew mi ka hi uh hi, ci-in note a hong gensiatnate uh ka thei hi. Tua bang mite pen Satan’ pawlte ahi uh hi.

1 TIMOTI MASA 4:2

Tua bang zuau thuhilhnate pen zuau genin mi a khem, sik emsa tawh tatgawp bangin a lungsim un a hoih le a hoih lo a khenthei nawn lote’ kam panin hong gingkhia ding hi.

ROM (Romans) 9:8

Tua ahih manin leitung ngeina tawh a suak tate pen Pasian’ ta hi lo a, Pasian’ thuciamna tawh kizui-a a suakte bek suanlekhak taktakin a kisim pan hizaw hi.

ROM (Romans) 9:6

Ahi zongin Pasian’ thuciamnate a mawkna a suak hi sam lo hi. Bang hang hiam cih leh Israel mi khempeuh Pasian’ teel mi hi khin lo hi.

ROM (Romans) 2:17

Tu-in Jew mi ka hi uh, a ci note in thukham suan belin nei-in Pasian na theihna uh na kisialhpih uh hi.

Johan 4:24

Pasian pen Kha ahi hi; amah a biate in tua Kha’ lamlahna le thuman taktak tawh a bia ding uh hi,” a ci hi.

Johan 1:47

Jesuh in ama kiangah Nethanel hong pai a muh ciangin, “En un, hih mipa, Israel mi taktak hi a, a lungsimah zuauthu om het lo hi,” a ci hi.

Mattiu 23:13

“Mihoih a kineihkhem, no Thukham hilh siate le Farisi mite in gimna na thuak ding uh hi. Note in vantung ki-ukna sungah mite a lut theih loh nadingin kong na khakcip uh hi. Note lah na lutnuam kei uh a, a lutnuamte lah na lutsak kei uh hi.

Malakhi 3:5

Vanglian Topa in hih bangin ci hi: “Note tungah thukhen dingin ka hong pai ding hi; ai tawite, numei tawh a mawhte, a man lopi a teci pangte, numeite’ thaman piakna-ah khemna a zangte; meigong, tagah, le gamdang mite a zawhthawh bawlte, le kei hong zahtak lo mi khempeuhte’ langkhatah thakhatin teci pangin thu ka khen ding hi.

Zefaniah 1:5

Innkhum zangah kahto-in, ni, kha, le aksi a bia mi khempeuh ka susia ding a, keimah hong bia-in, keima tungah thuman ding gen napi-in, Milkom pasian’ min tawh a kiciam teiteite zong, ka susia ding hi.

Isaiah 62:8

Topa in limtakin thuciamna bawl khinzo a, a vangliatna tawh tungsak ding hi. “Na galte’ an dingin na ante ka piakik nawn kei ding a, nangma sepsa leenggahzu gamdang mite in dawn nawn lo ding hi.

Isaiah 58:2

Amaute pen, thumanin a gamta, amau’ Pasian’ biakna ngeina kipte a nusia lo minam bang keekin nisimin amaute in kei hong zong uh a, keima lampi a thei nuam uh hi. Amaute in keima kiang panin thukhenna man hong ngen uh a, Pasian’ kiang hong nai nuam uh hi.

Isaiah 45:23

Kei mahmah ka kiciam khin a, a kikhelkik ngei nawn lo ding thukip hih bang ahi hi: ‘Keima mai-ah mi khempeuh hong khukdin ding a, keima tungah thuman ding hong kiciam ding hi,’ cihna, kei’ kamsung panin thumanna tawh pusuakkhia khinzo hi.

Isaiah 44:5

“Khat in, ‘Kei pen Topa ka hi hi,’ ci-in, adang khat in Jakob min tawh ama min lo ding a, adang khat leuleu in, ‘Topa-a’, ci-in ama khut tungah gelhin, Israel min tawh amahmah kinophuah ding hi,” ci hi.

Isaiah 26:13

Topa, kote’ Pasian aw, nang ahi lo to dangte in ko tungah hong uk hangin, nangmah bek mah kote’ Topa na hi hi.

Paunak 5:16

Pasal dang tawh va vakzau-in kongzing lakah va mawhkha ding hi.

Late 66:3

Pasian’ tungah thu gen unla, “Nangma bawlnate bangzahta-in dipkuathuai! Na vang lian mahmah ahih manin na mai-ah na galte in nang hong mai-et uh hi.

Late 63:11

Ahi zongin Pasian’ hangin kumpipa lungdam ding a, Pasian tawh thuciamna a nei khempeuhte zong minthang ding uh hi. Bang hang hiam cih leh zuauthu a gen kam khempeuh kihubing ding hi.

2 KUMPI NIHNATE 17:34

Tuni dongin amaute in a nidanga ngeina bangin gamta uh hi. Amaute in Topa bia lo uh hi. Israel min a phuah Jakob’ suante’ Topa in a thupiak thukhamte ahi a, ngeina kipte ahi a, zuih ding ngeinate ahi a, a thupiakna ahi zongin amaute in zui lo uh hi.

Thu-hilhkikna 33:28

Tua ahih ciangin Israel mite lungmuangin om ding uh hi. Jakob suante bek an le leenggahzu gamah om hi. Hi taktak hi, a vantungte in daitui hong khiatsuk hi. Israel aw, mi nuamsa na hi hi. Nang hong kihuhna lum le na gualzawhna lum le na gualzawhna namsau ahi Topa in nang banga a hotkhiat mi kua om ahi hiam?

Thu-hilhkikna 10:20

Topa note’ Pasian na zahtak ding uh a, ama na semin, amah beelin, ama min tawh na kiciam ding uh hi.

Thu-hilhkikna 5:28

“Kei kiangah nong gen uh ciangin Topa in na thu uh a za hi. Topa in kei kiangah, ‘Hih mite in nang kiangah hong gen uh thu ka za khin a, a gen khempeuh uh a manin gen uh hi.

Gamlak-vakna 24:7

A phelkhaite panin tui luang ding a, a khaici in tui tampi ngahin, a kumpipa uh, Agag sangin lianzaw ding a, ama kumpi gam kiliansak ding hi.

Siampi Laibu 19:12

Note in a man lopi-in keima min tawh na kiciam kei ding uh a, tua bangin na Pasian uh’ min na daisak kei ding uh hi; kei pen Topa ka hi hi.

Paikhiatna 23:13

Note’ tunga kong gente khempeuh thudon un; pasian dangte’ min genin nei kei unla, na kam sung panun zong tua bangte kizasak kei un.

Piancilna 35:10

Pasian in ama kiangah, “Na min Jakob ahi hi. Ahi zongin tu-a kipanin nangma min pen Jakob kici nawn lo ding a, Israel, hong kici ding hi,” a ci hi. Tua ahih ciangin ama min Israel, kici hi.

Isaiah 46:12

“Suahtakna ding haksa mahmah ding hi, a ci lungsim khauh mite aw, ka thu ngai un:

Isaiah 64:6

Kote khempeuh mawhnei mi ka hi khin uh a, ka gamtat hoih khempeuh uh zong puannin tawh kibanglai veve hi. Kote khempeuh singteh bangin ka vul uh a, ka mawhna hangun huih letkhiat nahthel keu ka bang uh hi.

Jeremiah 44:26

Ahih hangin Egypt gamah a om no Judah mite aw, Topa’ thugenna hong ngai un. En un, Topa in kong cihin-ah, Egypt gamah a om Judah mi khat beek in, ‘Topa a nuntak bangin,’ ci-in ka min zangin a kiciam nawn loh nadingun ka min lianpi tawh ka kiciam khinzo hi.

Zekhariah 5:3

Tua ciangin amah in kei kiangah, “Leitung gam khempeuhah a tung ding hamsiatnate, hih lai tungah kigelh hi. Guta khempeuh, gam sung panin kisiakmang ding hi, ci-in laizial dal lang khatah kigelh a, a man lopi-in ka min tawh thuciam mi khempeuh zong kisiakkhia mang ding hi, ci-in a lang khatah kigelh hi.

2 KUMPI NIHNATE 5:20

Pasian’ mipa Elisha’ nasem Gehazi in, “Ama hong puak nate sang loin ka topa in Syria mi hih Naaman ciahsak mawk hi. Topa a nungta ahih mah bangin, amah nungdelhin ama tung panin na khat peuhpeuh ka ngah ding hi,” a ci hi.

Late 68:27

Amaute’ lakah a mi tawmpen Benjamin-te a mapi-in om a, amau’ zomah Judah kumpite le a mite, Naftali kumpite le a mite ahi uh hi.

Isaiah 51:1

Topa in, “Hotkhiat ding a ut, Topa a zongte aw, ngai un. Note hong ki-eu khiatna suangpi, note hong kitawhkhiatna khuk en un.

Isaiah 51:2

Na pa uh Abraham le note’ pianna Sarah ngaihsun dih un. Bang hang hiam cih leh khat bek ahih laitakin amah ka samkhia a, amah thupha pia-in tampi ka phasak hi.

Micah 2:7

Israel mite aw, “Topa a lung tom ta a, hihte khempeuh, ama hong bawl mah ahi hiam?” na cih ding uh kilawm lo hi. Ka thugenna kammalte, a thuman mite a dingin a hoih hi lo ahi hiam?