Isaiah 47:8 - Tedim Bible

⁸ Tua ahih ciangin tu-in, a nuam bek a ut, lungmuang takin a tu hithiat, na lungsimah, “Keimah hi’ng, kei simloh midang om kei; meigongin om ngei kei ning, ta-khuai cih zong sin kei ning,” a ci khuapi aw, hih thu za in:

Tedim Bible Revision 2017

⁸ Tua ahih ciangin tu-in, a nuam bek a ut, lungmuang takin a tu hithiat, na lungsimah, “Keimah hiʼng, kei sim loh midang om kei; meigongin omngei kei ning, ta-khuai cih zong sin kei ning,” a ci khuapi aw, hih thu za in:

Isaiah 47:8 Referans Kwoze

Zefaniah 2:15

A vangliatna a kisaktheihpih, lungmuang takin a om khuapi, tu-a bangin piang ding hi. Leitungah amau’ khuapi a lian penin ngaihsun uh hi. Tua hinapi-in gamlak suakin, gamsate’ omna suak ta hi. A mu mi khempeuh in lamdang sa-in kigaih ding uh hi.

Isaiah 32:9

Nuamtakin a om hithiat numeite aw, tho unla, ka aw za un. Nomau’ tumtakin a lungkim tanute aw, ka thugenna na ngai un.

Jeremiah 50:11

“Babylon mite aw, note in keima gamh Israel mite na luhgawp uh hi. Lungdamin kipakin, lopa kham bawngno bangin omin sakol bangin na ham uh hangin,

Isaiah 47:10

Na gitlohna-ah nang na lungmuang a, “Kuamah in kei hong mu kei hi,” na ci hi. Na pilna le na theihnate in lam hong pialsak a, na lungsim sungah, “Keimah hi’ng, kei simloh midang om kei,” na ci hi.

2 THESALONIKA NIHNA 2:4

Tua A Gilopa in mite’ biak pasian a kici khempeuh le na khempeuh nialgawp ding hi. Tuate khempeuh sangin a lianzaw-in a kingaihsut banah, Pasian ka hi hi, ci-in Pasian’ biakinn sung mahmahah pai-in va tu ding hi.

Nahum 1:10

Amaute, linglom bangin om uh a, zulesa tawh kidiahin a om laitakun ham bangin kihaltum ding hi.

Daniel 11:36

“Syria kumpipa a ut bangbangin a gamta ding hi. Amah in, pasian-te sangin ka lianzaw a, a Lianpen Pasian sangin zong ka thupizaw lai hi, ci-in a kisathei ding hi. Pasian in amah gim a piak mateng tua bangin a om ding hi.

Daniel 5:30

Tua zan mahmahin Babylon kumpipa Belshazzar kithat a,

Daniel 5:23

Vantung Topa’ langah na pang hi. A biakinnpi hai le kuangte la-in sabuai tungah nangmah tawh, na miliante tawh a zineute le na zite uh tawh zunekna-in na zang uh hi. Theihna a nei lo, a mu thei lo, khua a za thei lo ngun, kham, sumngo, sik, sing, le suang tawh a kibawl pasian-te’ min na phat uh hi. Na nuntakna le na hihna khempeuh a hong uk Pasian na zahtak kei hi.

Daniel 4:30

Babylon khua bangzah takin lian ahi hiam? Kumpi khuapi ding le, ka vangliatna ka thahatna a kilat nadingin ka lam ahi hi, a ci hi.

Daniel 4:22

Kumpipa aw, nang pen tua singkung na hi hi. Nang na lian a, na thahat hi. Nakpi takin khangin lian mahmah na hih manin vantung dong na banto a, leitung khempeuhah na vangliatna kizel hi.

Jeremiah 51:53

Babylon khua vantungah kahto thei a, a sangpi-ah kiptakin galdalna a bawl thei ahi zongin, Topa in kong cihin-ah, kei’ kiang panin amah a suankhia ding mi a hong pai teitei ding hi.

Isaiah 45:18

Vantungte a piangsak pa (amah Pasian!) Leitung piangsakin a bawl pa (a kipsak pa; a awngthawl dingin bawl loin, ten nadingin leitung a piangsak pa!) Topa in hih bangin ci hi: “Kei pen Topa ka hi a, kuamah dang om lo hi.

Thukhente 18:27

Dan mite in Mikah’ bawlsate le a siampipa paipihin, gamdai-in a om, bangmah a ummawh lo mite’ omna Laish tung uh a, namsau tawh amaute vatin mei tawh a khuapi a hal uh hi.

Thukhente 18:7

Tua ciangin mi ngate paikhia-in Laish tung uh a, tua lai-a om mite, Sidon mite’ om bang danin daitakin omin bangmah a upmawh lohna, leitungah bangmah kisam loin a hauhna, le amaute Sidon-te’ kiang panin gamla omin kuamah tawh kizopna a neih lohna, lungmuang taka a tenna uh a mu uh hi.

Isaiah 14:14

Meiite’ tung pekah ka kahto ding a, Sang Pen pa bangin ka kibawl ding hi,’ na ci hi.

Isaiah 32:11

Nuamtakin a om hithiat numeite aw, ling un. Nomau tumtakin a lungkimte aw, linglawng un. Na puan uh hawkkhia-in na tangguakun om unla na kawng uhah puanhampi teng un.

Isaiah 45:5

“Kei pen Topa ka hi hi. Kuamah dang om lo a, keimah simloh Pasian dang om lo hi. Nisuahna lam pan hitaleh, nitumna lam pan hitaleh, kei simloh adang a om lohna thu mite in a theih nadingin, nong theih loh hangin a kisam thahatna nang ka hong guan hi. Kei pen Topa ka hi a, adang kuamah om lo hi.

Jeremiah 49:31

Babylon kumpipa aw, tho in. Nuamtak, ngaihmuang takin a om gam va sim in. Tua khuapite in kongpi lah nei lo a, a kalhna sik tawn zong bangmah nei lo uh a, a tuaci ommawk uh ahi hi.

Ezekiel 28:2

“Mihing ahi Ezekiel aw, Taia khuapi a ukpa kiangah Topa Pasian ahi keimah in ka gennop thu, ama tungah hih bangin gen in: “Kisaktheihna lungsim lianpi nangmah in na nei a, kei, pasian khat ka hi hi, na ci hi. Nang pen pasian bangin pil na kisak hangin mihing na hi lel bek hi.

Ezekiel 30:9

“Tua bangin Egypt gam a siat ni hun hong tun ciangin bangmah khuaphawk loin a om Ethiopia mite kiangah kamtaite ka sawl ding a, amaute lau mahmah ding uh hi. Tua hun ding tu-in hong tungta hi.

Daniel 4:4

“Keimah Nebukhadnezzar lungnuam takin kumpi inn-ah ka teng a, nuamsa mahmahin ka om hi.

Ezekiel 16:49

Na sanggamnu’ mawhna pen: Amah le a tanute in nek ding tampi nei-in nuamsa mahmahin, daitakin om uh ahih manin amaute kiphasak uh a, a zawng a cimawhte don lo uh hi.

Daniel 4:27

Tua ahih ciangin kumpipa aw, kong thuhilhna hong mang in. Mawhna bawl nawn kei inla, diktakin gamta in. Mizawngte hehpih leteh, tua in a sia-a na gamtatnasate hong puahsak ding a, na nuamsa toto ding hi, a ci hi.

Nahum 3:4

Nineveh khuapi in a paktatna hangin gim thuak hi. Ngaihbaang mel pua-in bum siamna nei a, minamte zolin a khem hi.

Habakkuk 1:7

Amaute lauhuai-in, kihtakhuai mahmah uh a, a gen khempeuh uh nial theih hi lo hi.