Isaiah 47:4 - Tedim Bible

⁴ Israel-te’ Siangtho Pa in eite hong suaktasak a, ama min pen Vanglian Topa ahi hi.

Tedim Bible Revision 2017

⁴ Israel-teʼ Siangtho Pa in eite hong suaktasak a, ama min pen Vanglian Topa ahi hi.

Isaiah 47:4 Referans Kwoze

Isaiah 44:6

Topa, Israel Kumpipa le amah Tan pa, Vanglian Topa in hih bangin gen a, “Kei pen a masa pen le a nunung pen ka hi hi. Kei simloh pasian dang om lo hi.

Isaiah 49:26

Nang hong nengniam mite pen amau’ satak mah ka nesak ding a, zukham bangin amau’ si mah a kham ding uh hi. Tua ciangin kei pen Jakob’ Vanglian Pa, nang hong Tankhiapa, nang hong Hon Topa ka hihna mi khempeuh in hong thei ding uh hi,” a ci hi.

Isaiah 43:14

Israel-te’ Siangtho Pa, note a hong hon Topa in hih bangin ci hi: “Note’ hangin Babylon-ah galkapte puakin, khua kongpi sikzawl khempeuh ka kuaitan ding a, Khaldea mite’ kikona pen tauna awging ka suaksak ding hi.

Isaiah 41:14

Lungno bang ahi lel Jakob, no Israel mite aw, lau kei un! Note kong huh ding hi, Topa in ci hi. Note hong honpa pen Israel-te’ Siangtho Pa ahi hi.

Jeremiah 31:11

Bang hang hiam cih leh Topa in Jakob ka suaktasak khinzo a, a zawhzawh loh khutte’ sung pan ka honkhiazo hi.

Isaiah 54:5

Bang hang hiam cih leh nangmah hong Bawlpa pen nang a dingin na pasal bang hi ding a, ama min pen Vanglian Topa ahi hi. Israel-te’ Siangtho Pa pen nang hong honkhia pa hi a, amah pen leitung buppi’ Pasian a kici hi.

Isaiah 43:3

Bang hang hiam cih leh kei pen Topa na Pasian, Israel-te’ Siangtho Pa, nangmah hong honpa ka hi hi. Nangmah tat nadingin Egypt ka pia a, nangmah khek nadingin Ethiopia le Seba ka pia hi.

Late 19:14

Topa, ka belh suangpi le keimah hong tankhia pa aw, ka kammal le ka lungsim ngaihsutnate nangma muhna-ah a sanhuai suaksak ta in!

Amos 4:13

Bang hiam cih leh mualte bawlin huihte a piangsak pa, ama ngaihsutna mihingte tungah kilang sakin, sun nitaang kimlai zanin a bawlpa, leitung khempeuh a ukpa’ min, Topa, Vanglian Pasian ahi hi.

Isaiah 43:15

Kei pen Topa, note’ Siangtho Pa, Israel a Piangsak pa, note’ Kumpi ka hi hi,” ci hi.

Isaiah 51:15

“Bang hang hiam cih leh kei pen tuipi tokgawpin tuihualte a hawksak Topa, note’ Pasian ka hi hi. Keima min pen Vanglian Topa ahi hi.