Isaiah 47:3 - Tedim Bible

³ Na seelsim teng kilang ding a, na zumhuaina teng kimu ding hi. Keimah in kong thukkik ding a, kuamah ka zah kei ding hi.

Tedim Bible Revision 2017

³ Na seelsim teng kilang dinga, na zumhuaina teng kimu ding hi. Keimah in kong thukkik dinga, kuamah ka zah kei ding hi.

Isaiah 47:3 Referans Kwoze

Nahum 3:5

Tua ahih manin Vanglian Topa in hih bangin ci hi: “Nineveh khuapi aw, gim kong pia ding hi. Na nik kong hawkkhiatsak ding a, minamte in na guak omna hong mu ding uh a, na zumhuaina teng hong mu ding uh hi.

Mangmuhna 16:19

Khuapi phelthum kisuah a, gam sunga om khuapi dang khempeuh kisia hi. Pasian in Babylon khuapi mangngilh lo a, ama hehna ahi leenggahzu a hai sung panin Babylon khuapi a dawnsak hi.

ROM (Romans) 12:19

Lawmte aw, na hehna uh kuama tungah thukkik kei unla, Pasian’ thukkik dingin koih lel un. Bang hang hiam cih leh Lai Siangtho sungah, “Keimah in amaute tungah ka thuk ding a, midangte a gimsak bangun ka gimsak ding hi, Topa in ci hi,” ci-in kigelh hi.

Ezekiel 16:37

na lawm luite khempeuh - na it hitaleh na muhdahte hitaleh a vekpi-in ka kaikhawm ding hi. Na kimkotah amaute omsakin, tua ciangin na puanteng kong hawkkhiatsak ding a, na guaktangin na omna ka ensak ding hi.

Jeremiah 51:56

Babylon khua a susia ding mi khat hong pai khinzo hi. A galkapte uh kiman khin a, a thalte uh a tum a tel suak khin hi. Bang hang hiam cih leh Topa, a thukkik thei Pasian hi a, a thukkik taktak ding hi.

Jeremiah 51:11

Thaltangte hiam un. Lumte la un. “Topa in Babylon khua susia nuam ahih manin Media kumpite a hanthawn hi. Bang hang hiam cih leh hih pen a biakinnpi hangin Topa’ thukkikna ahi hi.

Jeremiah 51:4

Khaldea gam kongzing lakah liamgawp ding uh a, a si ding uh hi.

Jeremiah 13:26

Kei mahmah in na nik kong hawksak ding a, kong maizumsak ding hi.

Jeremiah 13:22

Bang hangin hih thute kei tungah hong tung ahi hiam, ci-in na ngaihsut leh na mawhna a liatluatna hang ahi hi. Tua thu hangin na nik hong kihawkgawp a, a hong kibuan gawp ahi hi.

Thu-hilhkikna 32:35

Phulakna le thukkikna kei a’ hi a, a hun ciangin amaute puk ding uh hi. Bang hang hiam cih leh amau’ gim ngah hun ding hong naita a, amau’ siat nading hong tung pah hi.

Mangmuhna 18:20

Vantung aw, ama siatna hangin lungdam in. Mi siangthote, sawltakte, le kamsangte aw, note tungah hong gamtatna hangin Pasian in ama tungah thukhenna pia khinta ahih manin lungdam ta un,” a ci uh hi.

Piancilna 3:7

A nek khit phetun amau tegel in khua phawk uh a, a guaktangin a omlam uh kithei uh hi. Amaute in theitehte khui tuahin puansilh dingin a bawl uh hi.

Isaiah 20:4

Assiria kumpipa in, Egypt gam mite’ maizumna ahi, a moi a hamin, tangguak kheguakin, tawbo dawksa-in, Egypt mite galin manin, Ethiopia mite salin manin paikhiatpih ding hi.

Isaiah 35:4

Lungsim patau-in, a lauthawng mite kiangah, “Thakhauh un, lau kei un! En un, na galte uh tungah phu hong laksak dingin Pasian hong pai ding a, amah in note hong honkhia ding hi,” ci un.

Isaiah 3:17

Topa in Jerusalem numeite’ lutang meima sakin Topa in amau’ lutang kolhsak ding hi.