Isaiah 47:1 - Tedim Bible

¹ Nungak a bang Babylon aw, hong paisuk inla, leivui lakah tu in. Nungak a bang Khaldea aw, tokhom om lohna leilakah hong tusuk in! Bang hang hiam cih leh nang pen a moi milmel, a ngeek dikdek, hong kici nawn lo ding hi.

Tedim Bible Revision 2017

¹ Nungak a bang Babylon aw, hong pai suk inla, leivui lakah tu in. Nungak a bang Khaldea aw, tokhom om lohna leilak ah hong tu suk in! Bang hang hiam cih leh nang pen a moi milmel, a ngeek dikdek, hong kici nawn lo ding hi.

Isaiah 47:1 Referans Kwoze

Jeremiah 51:33

Vanglian Topa, Israel-te’ Pasian in ka hong genin-ah, Babylon mite tawlkhat khit ciangin anlak bangin kila ding a, sual tunga ancil bangin a kicilgawp ding hi.

Late 137:8

Misusia Babylon aw, kote’ tungah nong bawl bangin nang tungah hong thukpa in lungdamna ngah ta hen!

Zekhariah 2:7

Babylon-ah a om mite aw, Zion-ah tai un,” ci hi.

Jeremiah 50:42

A thal uh le a teipi uh tawi uh a, gilo mahmahin hehpihna lungsim nei lo uh hi. A husa uh tuipi ging bang a, sakol tungah tuang uh hi. Babylon mite aw, note a hong simgawp dingin hong kithawi uh hi.

Jeremiah 46:11

Egypt nungakte aw, Gilead gamah pai unla, damna zatui va la un. Zatui tampi na zat khit uh hangin damna na ngah tuan kei uh hi.

Isaiah 3:26

Khuapi kongpi tau-in thum ding hi. Khuapi, gamkhing suak ding a, a guaktanga om nupi leilakah a tucip tawh kibang ding hi.

Jeremiah 48:18

Dibon khua-a teng mite aw, na minthanna uh mun sang panin hong kumsuk unla, leivui lakah hong tu un! Bang hang hiam cih leh Moab hong sim dingte hong paita a, na kulhte uh hong suksiatsak zo uh hi.

Isaiah 37:22

amah tawh kisai-in Topa’ thugen hih bang ahi hi: ‘Sennakherib aw, Jerusalem mite in nang hong simmawhin hong zahko uh hi. Jerusalem mite in na nungah a lu hong peisan lel uh hi.

Late 18:27

Bang hang hiam cih leh mi niamte na honkhia a, ahih hangin mi kiphasakte na niamsak hi.

Mangmuhna 18:7

Amah kisialin a kiphatsakna zah tawh a kizui-in dahna le lungkhamna thuaksak un. Amah in, ‘Kei kumpinu ka hi a, meigong numei lah ka hi kei a, dahna ka thuak ngei kei ding hi,’ ci ahih manin,

Ezekiel 28:17

Na melhoihna na kisaktheihpih kha a, na minthanna in nang hong haitatsak hi. Leilak ka hong denna a, kumpi dangte hilhkholhna-in nang ka hong koih hi.

Ezekiel 26:16

Tuipi a zang minamte’ kumpite, a kumpi tokhom tung uh panin kumkhia ding uh a, a kumpi puante uh le a puan hoih silhte uh suahkhia-in, leilakah tu-in, lau-in a ling ding uh hi. Nangma thuakna hong muh manun lau mahmah ding uh a, a ci-lin uh pha thei lo ding hi.

Kah la 4:5

An lim pen a ne ngeite kongzing lakah puksi uh a, nuamsa-in a khangkhia mite in ninbuakna lak thai-in an a zong uh hi.

Kah la 2:21

Khangno le khanghamte kongzing tengah si uh hi. Galte in nungak le tangvalte namsau tawh a thatlum uh hi. Amaute hehpih loin na heh ni-in na thatlumsak hi.

Kah la 2:10

Jerusalem puteekte pau loin leilakah tu uh a, dahna lim lahna-in puanhampi silhin a lu zang uh leivui a buak uh hi. Jerusalem nungaknote a kun ngelhngalh uh hi.

Jeremiah 13:18

Topa in kei kiangah, “Kumpipa le a nu kiangah, ‘Na kumpi tokhomte tung panun hong tuaksuk un. Bang hang hiam cih leh na kumpi lukhute uh na lu tung uh panin kia khinzo hi,’ va ci in.

Isaiah 52:2

A kimancip Jerusalem mite aw, leivui panin kisingkhia unla dingto un. A kiman Zion mite aw, na ngawng panun hong kihenna khaute sutkhia un.

Isaiah 26:5

Bang hang hiam cih leh amah in a kiphasak mite niamkhiat suk hi. Amau’ tenna khuapi muanhuai suksiatsak a, a kulhpite denkhap sakin leivui a suah hi.

Isaiah 23:12

Amah in, “Sidon khuapi aw, na lungdamna teng bei khinta hi. Na mite in nenniamna thuak uh a, Saipras tuikulh-ah a va tai uh hangin, tua lai nangawnah lungnopna hun nei lo ding uh hi,” ci hi.

Late 89:44

Nangmah in ama khut panin a kumpi ciangkhut na lakhia a, a kumpi tokhom leilak na denna hi.

JOB (Job) 2:13

Tua ciangin leilakah sun sagih le zan sagih sung amah tawh tukhawm uh a, ama thuakna a nasiat mahmah lamtak mu uh ahih manin kuamah in kam khat beek a paupih ngam kei uh hi.

JOB (Job) 2:8

Tua ciangin Job in beel kitam themkhat la-in tua tawh kikhuatin vut lakah a tu hi.

Haggai 2:22

Kumpipa’ gam khempeuh lumletin a vangliatna uh a beisak ding ka hi hi. Leengte le leeng hawlte ka lawnthal ding a, sakol leengte le a tung tuangte puk ding uh a, amaute khatlekhat kithatlum ding uh hi.

Jonah 3:6

Nineveh khua kumpipa in tua thu a zak ciangin a kumpi tokhom tung pan dingkhia-in a kumpi puan suahkhia a, puanhampi silhin vut lakah a tu hi.

Isaiah 13:1

Amoz’ tapa Isaiah in Babylon siatna ding tawh kisai a thumuhnate:

Jeremiah 50:1

Khaldea mite’ gam sungah a om Babylon khuapi tawh kisai-in Topa in hih bangin kei tungah a hong gen hi:

Isaiah 13:13

Tua ahih ciangin ka sinso ni-in Vanglian Topa ka hehna hangin vantung lausakin ka lingsak ding a, ama omna panin leitung kisingkhia ding hi.

Isaiah 14:1

Topa in Jakob hehpihin Israel teelkik ding a, amaute pen a gam uhah koihkik ding hi. Khual mite in amaute pawlin Jakob innkuan bel ding uh hi.

Isaiah 21:1

Babylon gam tawh kisai thu hih bangin gen hi: Leitaw lam panin pingpei hong kipat mah bangin, a lauhuai gam panin siatna hong pai hi.

Jeremiah 51:1

Topa in a cihin-ah: “En un, Babylon khuapi le Khaldea mite a susia dingin keimah in huih ka nungsak ding hi.

Jeremiah 51:51

Note in, ‘Kote in maizumna ka thuak uh a, simmawhna kam ka za khin uh hi. Minsiatna in ka maitang uh hong tuam khin hi. Bang hang hiam cih leh Topa’ biakinn siangtho gamdang mite in a hong laksak uh hi,’ na ci uh hi.