Isaiah 45:2 - Tedim Bible

^2-3 “Nangma min tawh nang a hong sampa pen Israel Pasian, Topa, keimah ka hihna thu na theih nadingin, nangma mai-ah kei pai-in mualte zalhmai-in, sumngo kongkhakte satzanin a sikzawlte ka sattan ding a, a mialna mun sunga om sum kikoihte, mun simthama sum kiseelte, nangma tungah kong pia ding hi.

Tedim Bible Revision 2017

^2-3 “Nangma min tawh nang a hong sam pa pen Israel Pasian, Topa, keimah ka hihna thu na theih nadingin, nangma mai ah kei pai-in mualte zalhmai-in, sumngo kongkhakte sat zanin a sikzawlte ka sattan dinga, a mialna mun sunga om sum kikoihte, mun simtham a sum kiseelte, nangma tungah kong pia ding hi.

Isaiah 45:2 Referans Kwoze

Isaiah 40:4

Kuam khempeuh kivuk dim ding a, mual liante le mual neute kitotam ding hi. A tamkim lo munte kitamkim sak ding a, suanghum omna munte kizalhtam ding hi.

Luka 3:5

Kuam thuk khempeuh kivukdim ding a, mual lian mual neu khempeuh kitotam ding hi. Lam kawite kitangsak ding a, a leihumte kinelsak ding hi.

Isaiah 42:16

“Amau’ theih loh lampi-ah mittawte ka paipih ding a, amau’ theih ngei loh sul zuihpihin ka kha ding hi. Amau’ mai-ah khuamial pen khuavak suaksakin, a phokna munte a tamin ka bawl ding hi. Hihte pen keima hih ding nate hi a, tuate sem loin ka nusia kei ding hi.

Late 107:16

Bang hang hiam cih leh amah in sumngo kongkhakte sukhamin sikzawlte tum nih a suah hi.

Jeremiah 51:30

Babylon galkapte in do nawn lo uh a, a phualpi uhah a khawl uh hi. A tha uh om nawn lo a, numei tawh a kibang uh hi. A innte uh kihalsak a, a khuakongpi a kikalhna siktawnte a kitan hi.

Sawltak 1:15

Tua khit a sawt loin thu um mi zakhat le sawmnih bang a kikhop khawm laitakun Peter hong dingin thu hong gen a,

Isaiah 14:31

“Filistia khuapi kongpite aw, nakpitakin kap un; khuapite aw, kiko un. Filistia mi khempeuh aw, lau-in ling un! Bang hang hiam cih leh leilu lam panin galkap honte’ hong paina leivui khu hong kitung a, tua galkapte a meidawi khat beek om lo hi,” hong ci hi.

Isaiah 24:12

Khuapi sungah gamkhinna bek om a, kongpite kisat khamin kisiamang khinta hi.

Isaiah 45:13

Thu a manin a sem dingin amah khua ka phawksak a, keimah in ama lampi khempeuh ka mamsak ding hi. Amah in nasep thaman ahi a, letsong ahi zongin ngaihsun loin keima khuapi lam ding a, salin a om ka mite a khahkhia ding hi,” Vanglian Topa in ci hi.

Isaiah 48:15

Kei, keimah in thu genin amah ka sam a, kei in amah ka panpih a, amah a dau pai ding hi.

Jeremiah 28:13

“Pai inla Hananiah kiangah, ‘Topa in hih bangin hong ci hi: Nangmah in sing tawh kibawl hakkol na kuaitanzo hi. Ahih hangin keimah in sik tawh kibawl hakkol khat tawh ka laih ding hi.

Jeremiah 51:58

Vanglian Topa in ka hong genin-ah: Babylon khuakulhpi sah mahmahin a muanhuai mahmah leilakah cimsuk ding a, a sang mahmah khuakongpite zong mei tawh kihaltum ding hi. Mite’ nasepna a mawkna suak a, minamte’ hanciamnate vutlevai a suak hi,” a ci hi.

Daniel 5:28

Parsin pen kikhen cihna hi a, na gam kikhen khamin Media le Persia-te a kipiazo hi, a cihna ahi hi,” a ci hi.

Nahum 3:13

Na galkapte, numei bang hi lel ding a, na galte a lut zawh loh nadingin na gam sung kihu zo lo ding hi. Na kulhkongpi zawlte mei in kangtum ding hi.

Isaiah 13:2

Mualkolh tungah lim khat lakto unla, galkapte tungah nakpitakin kiko un. Miliante’ kongpi-ah amaute va pai-in a sim nadingun amaute khut vaan un.

Daniel 8:4

Tua tuutal in a ki tawh nitumna lam, saklam, le khanglam a si kawikawi ka mu hi. Ama ut bangin kiphasakin gamta ahih manin amah a khozo ding le a thahatna pan a suaktazo ding ganhing khat beek a om kei hi.