Isaiah 44:3 - Tedim Bible

³ “Bang hang hiam cih leh a dangtak leitang tungah tui ka sung ding a, lei keu tungah luitui ka luangsak ding hi. Na suanlekhakte tungah ka kha ka sung ding a, na tu na tate tungah ka thupha ka pia ding hi.

Tedim Bible Revision 2017

³ “Bang hang hiam cih leh a dangtak leitang tungah tui ka sung dinga, lei keu tungah luitui ka luangsak ding hi. Na suanlekhakte tungah ka kha ka sung dinga, na tu na tate tungah ka thupha ka pia ding hi.

Isaiah 44:3 Referans Kwoze

Joel 2:28

“Tua khit ciangin mi khempeuh tungah ka kha ka sung ding a, na puteekte un mang manin na tangvalte un maang mu ding uh hi.

Sawltak 2:17

‘Pasian in hih bangin gen hi: Nitawp ni ciangin, mi khempeuh tungah ka Kha ka sung ding a, na tanute uh le na tapate un keima thu taangko ding uh hi; na tangvalte un maang mu ding uh a, na puteekte un mang man ding uh hi.

Isaiah 59:21

“Note tawh hih bangin thuciamna ka bawl hi: Keima vangliatna tawh keima thukhamte le ka thuhilhnate note tungah ka hong pia khin a, tu a kipanin a tawntungin note in tua thute zui-in na suanlekhakte uh na hilh ding uh a, a khang khangin na maimangsak kei ding uh hi,” a ci hi.

Paunak 1:23

Kong thuhilhna hong ngai un; ka ngaihsutna kong gen ding a, ka theihna kong zasak ding hi.

Mangmuhna 21:6

Tua ciangin amah in, “Tu-in man khinta! Kei pen a kipatna le a tawpna a cihna Alfa le Omega ka hi hi. A dangtak mi khempeuh tungah nuntakna tuinak panin a khongin tui ka pia ding hi.

Sawltak 2:39

Bang hang hiam cih leh Pasian in ama kamciamna pen note tung, na suan na khakte uh tung le gamlapi-a om mi khempeuh, i Topa Pasian in a sap mi khempeuh tungah a hong bawl ahi hi,” ci-in a dawng hi.

Zekhariah 12:10

“David’ suanlekhakte le Jerusalem khuamite’ tungah hehpihna lungsim le thungetna lungsim ka guan ding hi. Amaute in a sutlup uh mipa enin, ta khat neihsun a sihsuah mite bangin kap ding uh a, tacil a khuaisuahte bangin nakpitakin kapin thum ding uh hi.

Ezekiel 39:29

Israel mite tungah ka kha ka sung ding a, amaute ka nungngat nawn kei ding hi. Topa Pasian in hih thu ka gen khin hi,” hong ci hi.

Isaiah 32:15

Ahi zongin Pasian in ama kha hong puak ding hi. Leitang siate lei hoih suakkik ding a, lo-a ante hoih mahmahin tulak bang ding hi.

Sawltak 10:45

Gentail mite tungah zong Pasian in a Kha Siangtho a piakkhongna thu a muh uh ciangin Joppa khua panin Peter tawh a hong paikhawm Jew mi thu umte in lamdang a sa mahmah uh hi.

Late 107:35

Amah in sehnel gam pen bualtuite suaksak a, leitang keu pen ciktui a suaksak hi.

Isaiah 41:17

Keima mite in tui duhin, tui zongin, a dang uh a taak ciangin amau’ hong thungetna ka pia ding a, Israel-te’ Pasian keimah in amaute ka nusia kei ding hi.

Joel 3:18

Tua hun ciangin mualtung khempeuh leenggui lo hi ding a, mual neute khempeuh tungah bawnghon dim ding a, Judah gam sung khempeuhah tui tampi om ding hi. Topa’ biakinn panin luitui khat hong luangkhia ding a, Shitthim kuamsung khempeuh a kawtsak ding hi.

Sawltak 2:33

Amah in Pasian’ taklamah omna dongin liatna ngah a, ama tungah Pasian in a ciamsa Kha Siangtho zong a ngahkhin hi. Tu laitak a na muh na zak uh nate pen kote tungah a hong piak tua Kha Siangtho ahi hi.

Ezekiel 34:26

“Amaute thupha pia-in ka mual siangtho kiimah ka omsak ding hi. A kisap hunhunin thupha guahtui ka zusak ding hi.

Isaiah 61:9

Amau’ suanlekhakte pen minamte lakah kithei ding a, amau’ tuletate pen mite laizangah kithei ding hi. Amaute pen Topa in thupha a piak mite hi, ci-in a mu mi khempeuhte in thei-in sang ding uh hi.

Mangmuhna 22:17

Kha Siangtho le Mothak in Jesuh kiangah, “Hong pai in,” a ci uh hi. Hih thu a za mi khempeuh in zong Jesuh aw, “Hong pai in,” ci ta uh hen. A dangtak mi khempeuh hong pai uh hen la, a deih khempeuh in nuntakna tui a khongin hong la ta uh hen.

Isaiah 48:21

Amah in sehnel gam kantanin amaute a paipih ciangin a dang uh taak lo hi. Suangpi panin amau a dingin amah in tui a luangsak hi. Amah in suangpi khangkhamsak a, tui a phulkhia hi.

Isaiah 65:23

Amaute in a mawk nadingin na sem lo ding uh a, lungkham nadingin ta nei lo ding uh hi. Bang hang hiam cih leh amaute pen Topa’ thupha piak, suanlekhakte hi ding uh a, amau’ tate amaute tawh nungta khawm ding uh hi.

Late 63:1

Pasian aw, keima Pasian na hi hi. Nangmah kong zong a, ka lungsim khempeuh tawh nang kong deih hi. Tui om lohna gamkeu bangin ka pumpi bup in nang hong deih hi.

Isaiah 49:10

Amaute gilkial loin, dangtak lo ding uh a, huihsa le nisa in amaute sukha lo ding hi. Bang hang hiam cih leh amaute a hehpih pa in amaute lamkaih ding a, ciktui kiangah amaute paipih ding hi.

Isaiah 32:2

Amaute pen huihpi panin belhna, guahpi panin bukna bang ding uh hi. Sehnel gam sungah a luang tui bang ding uh a, nisa gam sungah a om suangpi liim bang ding uh hi.

Mattiu 12:43

“Mi khatpeuh sung panin dawi a kihawlkhiat khit ciangin a ten nading mun keuna zongin a vak kawikawi hi. Ahi zongin a ten nading mun a muh zawh loh ciangin,

JOB (Job) 5:25

Na suan na khakte tampi tak pha ding hi, ci-in na thei ding a, na sunga piangte leitung lopa zah pha ding hi, ci-in na thei ding hi.

Isaiah 48:19

Na tu le na tate sehnel zah pha ding a, na suanlekhakte sehnel vui zah pha ding hi. Keima mai-ah amaute’ min kiphiatkhia lo ding a, kisusia ngei lo ding hi, a ci hi.

Isaiah 55:1

A dangtak mi peuhmah tui phualah hong pai un. An nei lote aw, hong pai unla hong ne un! Hong pai un; a man ding bangmah piak kul loin leenggahzu le bawngnawi na duh zahzah uh hong ne un.

Ezekiel 36:27

Note sungah keima kha kong guang ding a, note tungah kong piak ka thukhamte le ka thupiakte limtakin kong zuisak ding hi.

Ezekiel 47:8

Amah in kei kiangah, “Hih tui pen nisuahna lam manawhin gam sung nawkin Jordan Kuam-ah luangsukin Si Tuipi sungah tung hi. Si Tuipi a tun ciangin hih tui in tuipi tui pen, tuisiang suaksakkik hi.

Hosea 10:12

Khai tuh bangin thuman tuhin, kei nong itna hangun a piang thuphate at un. Note’ Topa keima lamah nong kihei ding uh a hun hita ahih manin lo thak lei kalkham un. Tua hileh kei hong pai-in note tungah thupha kong pia ding hi, ka ci hi.

Micah 5:7

Tua ciangin a omlai Israel mite pen Topa in minam tampite a dingin a piak, lopate a nosak zing daitui, lopate a khangsak guahtui, a bang ding uh hi. Amaute in mihingte muanin nei loin Pasian bek a muang ding uh hi.

Isaiah 27:3

Keimah,Topa, tua lo a hong pa ka hi a, a hunhunin tui ka buak hi. Khatpeuh in a suksiat loh nadingin sun le zanin ka hong ding hi.

Joel 2:27

Tua ciangin no Israel mite lakah kei ka omna thu, keimah Topa pen note’ Pasian ka hihna thu, kei simloh kuamah dang a om lohna na thei ding uh hi. Ka mite hong kisimmawh nawn lo ding hi.

Joel 3:1

“Tua hun ciangin Judah le Jerusalem, a nidang hun lai mah uh ka bangsakkik ding hi.