Isaiah 42:5 - Tedim Bible

⁵ Vantungte piangsakin a zal, leitung phahin, a tung panin a hong paikhia nate a piangsak, leitungah a om mite tungah husanna pia-in, leitungah a paite khempeuh husanna a guan Topa Pasian in hih bangin ci hi:

Tedim Bible Revision 2017

⁵ Vantungte piangsakin a zal, leitung phahin, a tung panin a hong paikhia nate a piangsak, leitungah a om mite tungah husanna pia-in, leitungah a paite khempeuh husanna a guan Topa Pasian in hih bangin ci hi:

Isaiah 42:5 Referans Kwoze

Isaiah 40:22

Leitung a a teng mite kauphe tawh kibang lel hi. Leitung kimkot tungah a tupa, vantungte puan bangin zalin, a sungah a om theih nadingin puanbuk bangin a zal pa,

Isaiah 45:12

Keimah in leitung ka bawl a, tua tungah mi ka piangsak hi. Keima khut in vantungte zal a, keimah in vantung na honpite khempeuh thu ka pia hi.

Zekhariah 12:1

Vanpi zalin leitung piangsak a, mihingte tungah nuntakna a pia Topa in Israel mite tawh kisai-in thu gen a,

Jeremiah 10:12

Pasian in ama vangliatna tawh leitung bawl a, ama pilna tawh leitung piangsakin, ama siamna tawh vantung a zal hi.

Isaiah 48:13

Ka khut in leitung bulpi koih a, ka khut taklam in vantungte zal hi. Amaute ka sap ciangin amaute omkhawm pah uh hi.

Isaiah 44:24

Gil sung panin nangmah a hong piangsak, nangmah hong Honpa, Topa in hih bangin ci hi: “Keimah in na khempeuh bawlin, keimah guak in vantungte zalin, kuama seppih lohin leitung ka zal hi.

Jeremiah 32:17

‘Topa Pasian! Nangma vangpi le na khut tawh vantung le leitung na bawl khinzo hi. Nang a dingin a haksalua khat beek om lo hi.

Isaiah 45:18

Vantungte a piangsak pa (amah Pasian!) Leitung piangsakin a bawl pa (a kipsak pa; a awngthawl dingin bawl loin, ten nadingin leitung a piangsak pa!) Topa in hih bangin ci hi: “Kei pen Topa ka hi a, kuamah dang om lo hi.

Late 33:6

Topa’ kampauna tawh vantung piang a, a kam pana husanna tawh vantung nate a piang hi.

JOB (Job) 33:4

Bang hang hiam cih leh Pasian’ kha in kei hong sawl a, Vanglianpa in kei tungah nuntakna hu hong pia hi.

Sawltak 17:25

Amah pen mi khempeuh tungah nuntakna le na khempeuh a piapa ahih manin mihingte in ama a dingin na khat peuhpeuh a sepsak ding a kisam ahi kei hi.

JOB (Job) 12:10

A piansaksate’ nuntakna Pasian mah in a uk ahi hi. Mihing khempeuhte’ nuntakna ama khut sungah om hi.

Isaiah 40:12

Kua in ama khutkuak sungah tuite tehin, ama khap tawh vantung teh a, leitung leivui khempeuh lawh khat sungah guangin, pongkhaina tawh mual liante khai a, tawitehna tawh mual neute teh ahi hiam?

Late 136:6

Tuite tungah leitung a zal pa tungah, bang hang hiam cih leh ama itna kip tawntung hi.

Amos 9:6

Topa in vantungah a inndeite bawl a, van kuumpi tawh leitung a khuhsuk hi. Amah in tuipi panin tuite samkhia a, leitung khempeuhah tua tuite a sung hi. Hih bangin a bawlpa’ min pen Topa ahi hi.

Piancilna 2:7

Topa Pasian in leilak pana leivui tawh mihing bawl a, a nak sungah nuntakna hu sang suk hi. Tua mi pen leitung nuntakna a nei mihing hong suak pah hi.

Hebru 1:2

Ahi zongin tuhun nunung ciangin leitung vantung na khempeuh a bawlin a zat, a tawpna-ah na khempeuh a luah dingin a seh a Tapa zangin eite tungah thu hong gen hi.

Isaiah 40:28

Thei nai lo a, za nai lo na hi hiam? Topa pen tawntung Pasian hi a, leitung mong khempeuh dong a Piangsak pa ahi hi. Amah gim lo a, zong tawl lo hi. Ama thu theihtelna kigen zo lo hi.

JOB (Job) 34:14

Pasian in ama ngaihsutna kheel hen la, nuntakna hu a dokkik hileh

JOB (Job) 27:3

ka sungah nuntakna a omlaiteng, Pasian’ hu, ka nakah ka diik laiteng,

Daniel 5:23

Vantung Topa’ langah na pang hi. A biakinnpi hai le kuangte la-in sabuai tungah nangmah tawh, na miliante tawh a zineute le na zite uh tawh zunekna-in na zang uh hi. Theihna a nei lo, a mu thei lo, khua a za thei lo ngun, kham, sumngo, sik, sing, le suang tawh a kibawl pasian-te’ min na phat uh hi. Na nuntakna le na hihna khempeuh a hong uk Pasian na zahtak kei hi.

Sawltak 17:24

Tua Pasian pen leitung buppi le a tunga om khempeuh a piangsak Pasian hi a, van le lei a uk Topa ahih manin mihingte’ lamsa biakinn sungah teng lo hi.

Piancilna 1:1

A kipat cil-in Pasian in vantung le leitung a piangsak hi.

Isaiah 37:16

“Vanglian Topa, Israel-te’ Pasian, Kherub-te tunga a tupa aw, nangmah bek, leitung kumpi gam khempeuhte’ Pasian na hi hi. Nangmah in vantung le leitung na bawl khin hi.

Isaiah 40:26

A sangna lam ento unla mu un. Kua in hihte piangsak ahi hiam? Amau’ honpite khat khatin piangsakin, a lian ama thahatna tawh amaute khempeuh a minun a sampa ahi hi. Vangliatna-ah thahat ahih manin khat beek pelem lo hi.

Isaiah 57:16

Ka mite tungah nuntakna ka pia hi. Amaute ka mawhsak paisuak kei ding a, amaute tungah ka heh tawntung kei ding hi.

Jeremiah 27:5

‘Keimah in a lian mahmah ka vangliatna tawh ka khut zanin, leitung le leitung a om mite le ganhingte ka bawl a, piak tuak ka sakte tungah ka pia hi.

Jeremiah 38:16

Tua ciangin kumpipa Zedekiah in kei kiangah, “Eite nuntakna a hong pia Topa a nuntak bangin kong sisak kei ding a, nang a hong thatnuam hih mite’ khut sungah zong kong pia kei ding hi,” ci-in kiciamna a hong piasim hi.

Ezekiel 18:4

Mi khempeuh keima a’ hi a, pate ahi a, tate ahi zongin keima-a’ ahi hi. A mawh mipa bek si ding hi.

Late 96:5

Bang hang hiam cih leh minam dangte’ pasian khempeuh milim hi lel a, ahih hangin Topa ahihleh vantungte a bawlpa ahi hi.