Isaiah 42:4 - Tedim Bible

⁴ Amah in leitungah thutang thu a phuh khit matengin lungsi lo, lungkia lo ding hi. Tuipi gei-a om gamte in ama thu ngak uh hi.

Tedim Bible Revision 2017

⁴ Amah in leitungah thutang thu a phuh khit matengin lungsi lo, lungkia lo ding hi. Tuipi gei-a om gamte in ama thu ngak uh hi.

Isaiah 42:4 Referans Kwoze

Isaiah 55:5

Tu-in note in na theih ngei loh uh minam dangte na sam ding uh a, amah in note hong minthangsak zo ahih manin, Topa note’ Pasian, Israel-te’ Siangtho Pa’ hangin note hong thei lo minamte note kiangah hong tai ding uh hi.

Piancilna 49:10

Judah in kumpi ciangkhut len tawntung ding a, a suan a khakte in zong ukna aana nei tawntung ding hi. Minam dangte in ama tungah siah puak ding a, zahtakna tawh ama mai-ah kun ding uh hi.

Mattiu 12:21

Gentail mite in amah bek mah lametin nei ding uh hi,” ci hi.

Isaiah 9:7

Tuhun a kipanin a tawntungin David kumpi tokhom tung le ama gam sungah thutang le thuman phutin, a lian semsem ama ukna le nopsakna in mong nei lo ding hi. Vanglian Topa’ deih luatna in hih thu hong tungsak ding hi.

Late 22:27

Leitung mi khempeuh in phawkin Topa’ lamah kihei ding uh a, minam khempeuh in ama mai-ah bia ding uh hi.

Zekhariah 2:11

Tua hun ciangin Topa kiangah minam tampi hong pai ding uh a, ama mite a suak ding uh hi. Topa in note hong ompih ding a, tua ciangin note kiangah kei a hong sawl ahihna thu na thei ding uh hi.

Isaiah 66:19

amaute’ lakah lim khat ka khai ding hi. Amau’ sung panin, minamte tung, Tarshish mite tung, Put mi le Lud mite tung, Meshek mite tung, Tubal mi le Javan mite tung, ka min hoihna a za ngei lo, ka minthanna a mu ngei lo tuipi gei-a om gam mite tungah a suakta lai mite ka sawl ding hi. Amaute in minamte lakah ka minthanna genthang ding uh hi.

Isaiah 60:9

Hih teembawte pen tuipi gei le tuikulh-ah a om teembawte hi a, Tarshish teembaw lianpite in hong makaih hi. Topa in nangmah a minthang mahmahin hong bawlkhin ahih manin gamlapi panin tua teembawte in nangma mite hong puak uh a, a ngun a khamte uh tawh hong puakkhawm uh hi. Topa, na Pasian, Israel-te’ Siangtho Pa a pahtawina-in a hong puak uh ahi hi.

Isaiah 42:12

Topa’ minthanna gensak unla, tuipi gei-a gamte-ah amah phatna gensak un.

1 KORIN MASA 9:21

Tua mah bangin Jew mite’ Thukham in a huam loh Gentail mite lakah na ka sep ciangin amaute ka ngahzawh nadingin Gentail mite bangmahin ka gamta hi. Hih bangin ka gen ciangin Pasian’ thukham a zui lo, cihna hi loin Khrih’ thukham zui-in a gamta ka hi hi.

ROM (Romans) 16:26

Ahi zongin mi khempeuh in Pasian umin a zuihtheih nadingin tu-in kamsangte’ laigelhnate le a nungta tawntung Pasian’ thupiakna tawh tua thu ki-imcip pen a hong kipholak ta ahi hi.

Isaiah 49:1

Tuipi gei-a om gamte aw, ka thu ngai un. Gamlapi-a om mihingte aw, ka thu ngai un. Ka suah ma-in Topa in kei hong teel a, ka nu sungah ka om lai-in amah in keima min hong pulak khin hi.

Isaiah 41:5

Tuipi gei-a om gamte in mu khinin a lau uh hi. Leimong dongin mite lau-in ling uh a, amaute in hong nai-in hong pai uh hi.

Isaiah 40:28

Thei nai lo a, za nai lo na hi hiam? Topa pen tawntung Pasian hi a, leitung mong khempeuh dong a Piangsak pa ahi hi. Amah gim lo a, zong tawl lo hi. Ama thu theihtelna kigen zo lo hi.

Isaiah 42:10

Topa’ tungah la thak sa unla, leimong panin amah phatna sa un! Tuipi le a sunga omte, tuipi gei-a om gamte le a tunga teng mite aw, la sa un.

Isaiah 42:21

Topa pen a honkhia nuam mahmah Pasian hi a, ama thuhilhnate limtakin a kizuih ding a deih hi.

Isaiah 51:4

“Ka mite aw, ka thugen hong ngai un. Minamte tungah thu ka hilh a, keima thukham in amaute tungah khuavak tun ding hi.

Isaiah 51:5

Manlangin hong pai-in amaute ka honkhia ding hi. Ka gualzawh ding hun hong naita hi. Keimah in minamte ka uk ding hi. Tuipi gei-a gamte in kei hong muang uh a, amaute in keima hotkhiat ding hong ngak uh hi.

Isaiah 40:22

Leitung a a teng mite kauphe tawh kibang lel hi. Leitung kimkot tungah a tupa, vantungte puan bangin zalin, a sungah a om theih nadingin puanbuk bangin a zal pa,

Daniel 9:24

“Na mite le khuapi siangtho, a mawhna le a gamtat khialhnate a beina ding hun kum sawmsagih mun sagih sung a kisehzo hi. Tua ciangin mawhna kimaisak ding a, a tawntung thutang thu a hong tung ding hi. Genkholhna le maangmuhna thu a mantakin hong tangtung ding a, a Siangtho Pen Mun biakinnpi kisiansuah ding hi.

Marka 3:3

Jesuh in khutzaw mipa kiangah, “Hih a mai lamah hong ding in,” a ci hi.