Isaiah 42:3 - Tedim Bible

³ Amah in a zawngkhal mite dop bawl ding a, a cimawh mite tungah migi ding hi. Amah in thumanna tawh mi khempeuh tungah thutang thu semkhia ding hi.

Tedim Bible Revision 2017

³ Amah in a zawngkhal mite dop bawl dinga, a cimawh mite tungah migi ding hi. Amah in thumanna tawh mi khempeuh tungah thutang thu sem khia ding hi.

Isaiah 42:3 Referans Kwoze

Ezekiel 34:16

Keimah in a mangte zongin, a lampialte kaikhawmin, a liamte a liamma tuamsakin, a cinate damsakin, a cidam a thahatte zong a kibangin ka en ding hi. Bang hang hiam cih leh kei pen a manin a gamta tuucingpa ka hi hi.

Mattiu 11:28

“Na semin vangik pua-in a gim mite khempeuh aw, ka kiangah hong pai ta un. Note tungah lungsim tawldamna ka hong pia ding hi.

Jeremiah 31:25

Bang hang hiam cih leh a gim mite ka tawldamsak ding a, gilkialin a thazawm mite khempeuh an ka vak kham ding hi,” a ci hi.

Isaiah 40:11

Amah in tuucingpa bangin ama tuuhonte an vak ding a, ama tuuhonte kaikhawmin a ang sungah pua ding a, no ngeklai a neite dam takin a paipih ding hi.

Late 147:3

Amah in lungsim kitamte damsak a, amau’ meimate a tuamsak hi.

Johan 5:30

“Keima thu guak tawh ka hihtheih bangmah om lo hi. Pasian’ hong genna bang bekin thu ka khen hi. Keima ut bangin sem loin kei hong sawl pa’ deih bangin sem ka hih manin ka thukhenna thuman hi.

Mangmuhna 19:11

Tua ciangin vantung a kihong ka mu a, sakol kang khat a om hi. A tungah a tuang pa pen a Citak a Thuman pa kici hi. Amah in thumanin thu khenin gal a do hi.

Isaiah 50:10

Topa kihta a, a nasempa’ thu a mangte khempeuh khuamial sungah na pai hangun Topa muang unla, Pasian suanin nei un.

Johan 20:27

Thomas kiangah, “Na khutme tawh hong lawng inla ka khutte en in. Na khut zan inla ka pangpi zong lawng in. Umlah nawn kei inla, um taktak in,” a ci hi.

Micah 7:9

Topa tungah khialkhin ka hih manin ama hehna tawlkhat ka thuak ding hi. Ahi zongin a tawpna-ah kei hong huh ding a, a man lopi-in a hong kibawlna teng hong bawlphat sakin, amah in hong honkhia ding hi.

Isaiah 66:2

Hih nate khempeuh keima bawlsa ahih manin hih nate khempeuh keima-a’ ahi hi, Topa in ci hi. Ahih hangin kiniamkhiatin, lungsim a kitamzan mipa, keima thu-ah lau-in a ling kelkel pa, keima deih mipa ahi hi.

Isaiah 50:4

A lunggim mite ka thahatsak theih nadingin Topa Pasian in ka gen ding thu hong hilh khin hi. Ama hong hilhnate a ngai dingin zingsang simin lawpna hong guan hi.

Mattiu 12:20

Amah in a zawngkhal mite dopbawl ding a, a cimawh mite tungah migi ding hi. Thuman thutang a gualzawhsak mateng khawl ngei lo ding hi.

Late 54:5

Amah in ka galte siatna tawh thuk ding hi. Na thumanna tawh kizui-in amaute sumai in.

Late 94:15

Bang hang hiam cih leh thutang pen thuman mite tungah hong tungkik ding a, lungsim thutang khempeuh in amah zui ding uh hi.

Isaiah 9:7

Tuhun a kipanin a tawntungin David kumpi tokhom tung le ama gam sungah thutang le thuman phutin, a lian semsem ama ukna le nopsakna in mong nei lo ding hi. Vanglian Topa’ deih luatna in hih thu hong tungsak ding hi.

Isaiah 42:2

Amah kiko loin, a aw zong sangsak lo ding a, kongzing lakah zong thu gen zakzak lo ding hi.

Isaiah 2:4

Amah in minamte khatlekhat kikalah thu khenin, mi tampite’ thu khensak ding hi. Amaute in a namsaute uh lokhawhna tu, a teipite uh singhiang heuhna temkawi-in a seek ding uh hi. Minam khat le minam khat kido nawn lo ding uh a, galdo dingin kithawi nawn lo ding uh hi.

Isaiah 63:1

Edom gam, Bozrah khua panin puan ausan silhin a hong pai, a puansilhna-ah minthanna mel nei-in, ama thahatna tawh a hong pai pa kua ahi hiam? A honkhiazo dingin hatna a nei, gualzawhna thu a zasak dingin a hong pai pa pen Topa ahi keimah ka hi hi.