Isaiah 41:2 - Tedim Bible

² A paina peuhah a gualzo, nisuahna panin a hong pai mipa kua in hanthawn ahi hiam? Amah in ama khut sungah minam dangte pia khin ahih manin amah in kumpite tuancil hi. Amah in a namsau tawh amaute leivui bangin bawl a, ama thal tawh buhkung leeng a bangsak hi.

Tedim Bible Revision 2017

² A paina peuh ah a gualzo, nisuahna panin a hong pai mipa kua in hanthawn ahi hiam? Amah in ama khut sungah minam dangte pia khin ahih manin amah in kumpite tuancil hi. Amah in a namsau tawh amaute leivui bangin bawl a, ama thal tawh buhkung leeng a bangsak hi.

Isaiah 41:2 Referans Kwoze

Isaiah 45:1

Kulhkongpi sungah a lut theih nadingin ama mai-ah kongkhakte a honsak ding, kumpite’ vangliatnate a lakkhiatsak ding, ama mai-ah minam dangte a zawhsak dingin, a taklam khutin a let, a sathau nilh pa Sairas tungah Topa in hih bangin ci hi:

2 SAMUEL NIHNA 22:43

“Leivui bangin amaute ka satvui a, kongzing buante bangin amaute tuankhamin ka sikcipsuk hi.

Isaiah 46:11

Nisuahna gam panin sasialne vasa khat samin, keima thu a semkhia dingin gamlapi panin mi khat ka sam hi. Thu ka gen khin a, ka tungsak ding hi. Ka geel khin a, ka sem ding hi.

Isaiah 41:25

Leilu lam gam panin mi khat ka hanthawn a, amah hong kuan khin hi. Nisuahna lam panin amah in ka min hong lo ding hi. Beelseek pa in buan a cil bang, sum sunga a kisugawp bangin, amah in gam ukte tuancil gawp ding hi.

Isaiah 40:24

Amaute pen a gina-in kisuan lo a, a gina-in kivawh lo a, amau’ kungte in a gina-in lei sungah zung kha lo uh a, amah in a mut ciangin amaute vul a, huihpi in ham bangin amaute a lenkhiatpih hi.

Ezra 1:2

“Persia kumpi Sairas in hih bangin ci hi: Vantung Pasian, Topa in leitung kumpi gam khempeuh keima tungah hong pia khin a, Judah gam sung Jerusalem khua-ah ama a dingin biakinn khat ka lamsak ding hong sawl hi.

Isaiah 45:13

Thu a manin a sem dingin amah khua ka phawksak a, keimah in ama lampi khempeuh ka mamsak ding hi. Amah in nasep thaman ahi a, letsong ahi zongin ngaihsun loin keima khuapi lam ding a, salin a om ka mite a khahkhia ding hi,” Vanglian Topa in ci hi.

2 KHANG TANGTHU NIHNATE 36:23

“Persia kumpipa Sairas in hih bangin ci hi: ‘Vantung Pasian, Topa in leitung kumpi gam khempeuh kei hong pia khin a, Judah gam sung Jerusalem khua-ah ama a dingin biakinn khat ka lamsak ding hong sawl hi. Note lakah ama mi ahi khempeuh, Topa a Pasian uh in ompih tahen. Biakinn lam dingin Jerusalem-ah amaute paito sak un,’ ci hi,” a ci hi.

Hebru 7:1

Abraham in a galsimna ah kumpite thatin gualzo-in a hong ciah ciangin A Lianpen Pasian’ siampi ahih banah Jerusalem khua kumpi zong ahi Melkhizedek in Abraham na dawnin thupha a pia hi.

2 KUMPI NIHNATE 13:7

Bang hang hiam cih leh Jehoahaz a dingin galkap sakol tung tuang sawmnga le leeng sawm le khe galkap tul sawm bang bek omlai hi. Bang hang hiam cih leh Syria kumpipa in amaute susia-in leivui bangin amaute a bawl hi.

Piancilna 17:1

Abram kum sawmkua le kua a phak ciangin ama tungah Topa kilang a, “Kei, Vanglian Pasian ka hi hi. Hoihtakin gamta inla, paubaang kei in.

Piancilna 11:31

Terah in ama tapa Abram le Haran’ tapa, ama tupa ahi Lot, le a tapa Abram’ zi ahi a monu Sarai samin, Kanaan gam sungah a pai dingin Khaldea gam Ur khua panin amaute a paikhia khawm uh hi. Ahi zongin amaute Haran a tun uh ciangin tua munah a teng uh hi.

Mangmuhna 7:2

Tua ciangin a nungta Pasian’ ciaptehna a tawi vantungmi khat, nisuahna lam panin hong paito ka mu hi. Leitung le tuipi suksiat theih nading vangliatna a kipia vantungmi lite kiangah amah in nakpitakin gen a,

Mangmuhna 16:12

A gukna vantungmi in Eufratis Gun lianpi tungah a hai hong bung a, nisuahna lam kumpite hong pai nading lam a bawlkholhna-in a tuite hong kangcip hi.

Isaiah 41:3

Amah in amaute nawhdelh lua kisa-in, a khe in lei nangawn sik kha lo liang a, nuamtakin a paisuak hi.

Isaiah 42:6

“Kei pen Topa ka hi a, thumanna tawh nangmah hong samin, ka khut tawh hong lenin nang ka hong kem hi. Mittawte a vaksak ding, leinuai thong sung panin thongkiate a lakhia ding, thong sung a mialna munah a tu mite a lakhia ding, mite tungah thuciamna ahi ding, minam dangte tungah khuavak ahi dingin nang ka hong koih khin hi.

Isaiah 48:15

Kei, keimah in thu genin amah ka sam a, kei in amah ka panpih a, amah a dau pai ding hi.

Kah la 1:15

Topa in ka galkap a thahat pente nuihsan lel a, amah in kei a hong sim ding, ka tangvalte a susia dingin galkap honpi a hong kuansak hi. Amah in ka nungakte leenggah gawizan bangin a hong gawizansak hi.