Isaiah 41:1 - Tedim Bible

¹ Tuipi gei-a om gamte aw, gamdai takin ka thu ngai un. Na mite uh a tha uh dimsak unla, amaute a nai-ah hong paisak un. Amaute in thugen theih nading hun ngah ding uh hi. Thukhen zumah kei tawh kisi nu’ng.

Tedim Bible Revision 2017

¹ Tuipi gei-a om gamte aw, gamdai takin ka thu ngai un. Na mite uh a tha uh dimsak unla, amaute a nai ah hong paisak un. Amaute in thugen theih nading hun ngah ding uh hi. Thukhen zumah kei tawh kisi nuʼng.

Isaiah 41:1 Referans Kwoze

Isaiah 1:18

Topa in hih bangin ci hi: “Tu-in hong pai unla, thu kikumkhawm ni. Na mawhnate uh puansan a bat hangin vuk bangin hong ngo ding hi. Na mawhnate uh si bangin a san hangin tuumul bangin hong kang ding hi.

Habakkuk 2:20

Topa, a biakinn siangtho sungah om hi; leitung mi khempeuh ama mai-ah dai dide-in om ta uh hen.

Zekhariah 2:13

Mi khempeuh aw, Topa’ mai-ah gamdai-in om un. Bang hang hiam cih leh a siangtho ama omna mun panin amah hong paikhia ta hi.

Late 46:10

“Om hithiat unla, Pasian ka hihna thei un. Minamte lakah keimah hong kisangsak a, leitung khempeuhah ka min hong kithangsak hi,” a ci hi.

Isaiah 34:1

Minam khempeuhte aw, thu za dingin hong pai un. Mihingte aw, hong ngai un! Leitang le a tungah a om khempeuhte aw, ngai un. Leitung buppi le a tung panin a hong pai mi khempeuh in ngai un.

Isaiah 11:11

Tua ni ciangin Topa in Assiria gam, Egypt gam, Pathros gam, Ethiopia gam, Elam gam, Shinar gam, Hamath gam, le tuipi gei-a gamte panin ama mi a omlaite a ngahkik nadingin a vangliatna zang kik ding hi.

JOB (Job) 38:3

Kipasalsakin dingto inla, kong thudot dingte hong dawng in.

Isaiah 50:8

Ka thumanna a langsak Pasian a nai-ah hong om hi. Keima langkhatah kua hong pangzo ding ahi hiam? Thukhen zumah kikhia nu’ng. Thukhen zumah kua in hong khia nuam ahi hiam? Kei hong langpang dingin hong kuan tahen.

Isaiah 49:1

Tuipi gei-a om gamte aw, ka thu ngai un. Gamlapi-a om mihingte aw, ka thu ngai un. Ka suah ma-in Topa in kei hong teel a, ka nu sungah ka om lai-in amah in keima min hong pulak khin hi.

Isaiah 48:16

Kei kiangah hong nai unla, hih thu hong za un. A kipat cil a kipanin a simthamin thu ka gen ngei kei a, tua thu a pian a kipanin kei ka om hi. (Tu-in Topa Pasian in kei tungah a vangliatna hong pia a, kei hong sawl hi.)

Isaiah 40:31

Ahih hangin Topa a muang mite a tha uh dimkik ding a, muvanlai bangin kha tawh leengto-in, amaute tai napi-un tawl lo ding uh a, amaute lam pai napi-un gim lo ding uh hi.

Isaiah 41:5

Tuipi gei-a om gamte in mu khinin a lau uh hi. Leimong dongin mite lau-in ling uh a, amaute in hong nai-in hong pai uh hi.

Isaiah 43:9

Minamte khempeuh kikaikhawmsak unla, mihingte kikhawmsak un. Amaute’ lak panin kua in hih thu hong genkhia thei-in, a beisa huna nate kua in laktel thei ahi hiam? Amau’ dikna a langsak dingin a tecite uh hong paipihsak unla, amaute a thu zasakin, man mah hi, cisak un.

Isaiah 43:26

“Thuman na hihna hong laktel inla, thu kikum khawm ni. Na dikna a kilat nadingin na thu hong sungkhia in.