Isaiah 40:3 - Tedim Bible

³ Awging khat in, “Gamlakah Topa’ lampi sial unla, sehnel gam sungah i Pasian a’ ding lam lianpi khat a tangin bawl un.

Tedim Bible Revision 2017

³ Awging khat in, “Gamlak ah Topa’ lampi sial unla, sehnel gam sungah i Pasian ading lam lianpi khat a tangin bawl un.

Isaiah 40:3 Referans Kwoze

Malakhi 3:1

Hih bangin na thugenna uh tawh kisai-in Vanglian Topa in hong dawng a, “Ka pai nading lampi a bawlkhol dingin ka kamtai pa ka sawl ding hi. Tua ciangin na ngakngak uh Topa a biakinn sungah thakhat thu-in hong pai ding hi. Na muhnop uh kamtai pa hong pai-in ka thuciamna hong taangko ding hi,” ci hi.

Johan 1:23

Johan in, “Kamsang Isaiah in a na gen mah bangin, ‘Topa’ tot ding lampi na tangsak un,’ ci-in gam sungah a kikopa ka hi hi,” ci-in a dawng hi.

Isaiah 57:14

“Zik un, zik un, lampi bawl un; ka mite’ lampi a dongkhak thei ding na khempeuh lakhia un,” kici ding hi.

Isaiah 43:19

Tu-in a thak na khat ka bawl a, tu-in hong piangkhia hi. Note in thei lo na hi uh hiam? Gamlakah lam lianpi khat ka bawl ding a, sehnel gam sungah gunte ka luangsak ding hi.

Isaiah 35:8

Tua lai-ah lam lianpi khat om ding a, Lampi Siangtho kici ding hi. A siang lo mite in tua tung tawn ngei lo ding a, mihaite in tua lam a zui mite khialsak nawn lo ding hi.

Isaiah 49:11

“Keimah in ka mite a dingin mual liante kantanin lampi ka ziksak ding a, ka lam lianpite-ah phung ka ciang ding hi.

Late 68:4

Pasian’ tungah la sa unla, ama min phatna la sa un. Meiite tungah a tuang pa la sak un. Ama min pen Topa ahi hi; ama mai-ah lungdamin diang un!

Isaiah 40:4

Kuam khempeuh kivuk dim ding a, mual liante le mual neute kitotam ding hi. A tamkim lo munte kitamkim sak ding a, suanghum omna munte kizalhtam ding hi.