Isaiah 40:1 - Tedim Bible

¹ Ka mite hehnem un, hehnem un, na Pasian un ci hi.

Tedim Bible Revision 2017

¹ Ka mite hehnem un, hehnem un, na Pasian un ci hi.

Isaiah 40:1 Referans Kwoze

2 KORIN NIHNA 1:4

Amah in kote’ haksatna khempeuhah hong huh ahih manin, kote in zong Pasian’ tung panin ka ngah uh tua huhna mah zangin haksatna a nam tuamtuam a thuakte ka huhsawn thei leuleu uh hi.

Isaiah 51:12

Topa in, “Kei, keimah pen note hong hehnem pa ka hi hi. Lopa sangin sauvei a nungta zaw tuan lo, mihing lellelte, bang hangin kihta na hi uh hiam?

Isaiah 51:3

“Tu-in Zion ka hehnem ding hi. A kisia ama munte khempeuh puahpha-in, ama gamlakte Eden huansung ka bangsak ding a, ama sehnel gamte Topa’ huan ka bangsak ding hi. Ama sungah lungdamna le kipahna, lungdamkohna le lasakna awging om ding hi.

1 THESALONIKA MASA 4:18

Tua ahih ciangin note khatlekhat hih thu tawh na kihehnem un.

Zekhariah 1:13

Tua ciangin Topa in dikna le hehnepna kam tawh vantung mite dawng a,

Zekhariah 9:9

Zion mite aw, nakpitakin lungdam un. Jerusalem mite aw, lungdamin awng un. En un, na kumpipa uh hong pai hi. Amah, gualzawhna tawh hong pai hi. Ahi zongin kiniamkhiatna tawh hong pai a, sin nai loh lano tungah hong tuang hi.

Isaiah 60:1

Jerusalem khuapi aw, tho-in sun nitaang bang in! Topa’ minthanna in nangmah hong taanzo hi.

Isaiah 12:1

Ni khat ni ciangin mite in, “Topa aw, kei tungah na heh hangin na hehna damta a, kei hong hehnem na hih manin nang tungah lungdamna kong ko ding hi.

Isaiah 52:9

A kisia Jerusalem munte aw, la sa-in kiko khawm un. Bang hang hiam cih leh Topa in ama mite hehnemta a, Jerusalem honkhia khinta hi.

Isaiah 41:27

Topa ahi keimah in Zion tungah hih thu ka pulak masa a, Jerusalem tungah lungdamna thu ka gen hi.

Isaiah 50:10

Topa kihta a, a nasempa’ thu a mangte khempeuh khuamial sungah na pai hangun Topa muang unla, Pasian suanin nei un.

Isaiah 3:10

Amaute tungah thu hoih ding hi, ci-in thuman mite kiangah hih thu gen un. Bang hang hiam cih leh amaute in amau’ gamtat hoih thaman ngah ding uh hi.

Late 85:8

Topa Pasian’ thugen ding hong zasak dih un. Bang hang hiam cih leh ama lamah lungsim takpi tawh a kihei ama mi siangtho, ama mite’ tungah kilemna thu a gen ding hi.

Nehemiah 8:10

Tua ciangin amah in amaute kiangah, “Tu-in ciah un. Anlim tuilim ne-in thadim unla, a nei zo lote zong va kholh un; bang hang hiam cih leh i Topa a dingin tuni pen biakna ni siangtho ni ahi hi; dah kei un, bang hang hiam cih leh Topa’ hong piak lungdamna in note hong thahatsak ding hi,” a ci hi.

Isaiah 61:2

Topa in a mite honkhia-in, a galte a guallelhsak ding hun a tunna thu a gen ding, a thum mi khempeuh a hehnem ding,

Ezekiel 16:42

Tua ciangin ka hehna dam ding a, daitakin ka om ding hi. Na tungah ka heh nawn kei ding a, zong kong aam nawn kei ding hi.

Late 85:3

Na hehna khempeuh na damsak a, na sinsona na daisak hi.

Thuhilh-sia 3:4

Kah hun om a, nuih hun om hi. Dah hun om a, laam hun om hi.

Zekhariah 1:17

Tua ciangin vantungmi in ka taangkona ding hong genkik leuleu a, “Ama khuapite nakpitakin cithei kikin, Jerusalem khuapi a hehnep kikna ding, le ama khuapi-in a neihkikna ding, Vanglian Topa in gen hi, ci-in gen in,” hong ci hi.