Isaiah 4:6 - Tedim Bible

⁶ Tua minthanna vang pen sun ciangin nisa a liah ding le huihpi guahpi panin bukna le belhna zong hi ding hi.

Tedim Bible Revision 2017

⁶ Tua minthanna vang pen sun ciangin nisa a liah ding le huihpi guahpi panin bukna le belhna zong hi ding hi.

Isaiah 4:6 Referans Kwoze

Isaiah 25:4

Bang hang hiam cih leh nang pen mizawngte a dingin munmuanhuai, a cimawh mite a dingin a lungkhamna uhah munmuanhuai, huihpi panin bukna le nisa panin niliim na hi hi. Bang hang hiam cih leh thukhual lo mite’ hihna pen huihpi in kulh a nawkgawp tawh kibang a,

Late 27:5

Bang hang hiam cih leh haksat hun ciangin amah in a buk sungah kei hong seel ding hi. A puanbuk khuhna nuai-ah kei hong seel ding a, a sangna suang tungah kei hong koih ding hi.

Isaiah 32:2

Amaute pen huihpi panin belhna, guahpi panin bukna bang ding uh hi. Sehnel gam sungah a luang tui bang ding uh a, nisa gam sungah a om suangpi liim bang ding uh hi.

Isaiah 8:14

Amah pen, a lamdang mahmahin a siangtho’ luatna hangin mite’ puktheihna ding suangtum tawh kibang hi. Judah le Israel kumpi gammite le Jerusalem khua-a a teng mite a awkna ding thangzak tawh kibang ding hi.

Paunak 18:10

Topa’ min pen tausang muanhuai tawh kibang a, thuman mite in belin lungmuangin om thei uh hi.

Mangmuhna 7:16

Amaute gilkial cih om nawn lo ding a, a dang uh zong taak nawn lo ding hi. Nisa zong thuakkha nawn lo ding uh a, a sa in zong kangkha nawn lo ding hi.

Hebru 11:7

Noah in zong a upna hang mah tawh mailam a thupiang ding a muh theih lohpi mahin Pasian’ thugenna na mang a, teembaw khat bawlin a innkuanpihte tawh na suakta hi. Hih bangin a gamtatna tawh leitung midangte a mawh ahihna kilangsak a, a upna hangin mihoih hihna thu Pasian kiang panin a ngah hi.

Hebru 6:18

Tua hi a, a kikheel thei lo thu nih kithuap ahih manin Pasian in zuau gen thei lo ding hi. Tua hi a, amah a beel eite in eite mai-ah hong kikoih lametna thu kiptakin i letcip nadingin i tha hong nuamsak hi.

Late 91:1

Sangpenpa’ liahna sung, Vanglianpa’ liim sungah a om mi khempeuh in

Ezekiel 11:16

Tua ahih ciangin na salpihte kiangah hih bangin keima thugente va gensawn in: A gamlapi gamah a teng dingin puakhia-in, gam dangah a thehthang pa pen keimah ka hi hi. Ahi zongin amaute’ omna gam dangah tawlkhat sung bek kei a hong bia dingin ka omsak hi.

Late 55:8

Gensiatna huihpi le huih husiate panin bukna ka zong pak ding hi,” ka ci hi.

Isaiah 14:32

Filistia mite in a hong sawl kamtaite mi khatpeuh in bangci dawn ding ahi hiam? “Topa in Zion kipsak khin a, gimna a thuak ama mite in tua sungah bukna mu uh hi,” ci-in a dawng ding uh hi.

Isaiah 32:1

En un, ni khat ni ciangin thuman takin kumpi khat in hong uk ding a, uliante in thutang tawh hong uk ding uh hi.

Isaiah 30:30

Topa in heh mahmahna le a kangtum thei meikuang sung panin vanging, huihpi, le gialpi tawh, ama liatna minthanna aw kizasakin, ama khut a vik sukna kimusak ding hi.