Isaiah 4:5 - Tedim Bible

⁵ Tua ciangin Zion Mual tung, tua lai-a kikhawm mi khempeuh tungah, sunin meii sungah, zanin meikuang khu tawh Topa hong kilang ding a, Topa’ minthanna vang in khuapi hu ding hi.

Tedim Bible Revision 2017

⁵ Tua ciangin Zion Mual tung, tua lai-a kikhawm mi khempeuh tungah, sunin meii sungah, zanin meikuang khu tawh Topa hong kilang dinga, Topa’ minthanna vang in khuapi hu ding hi.

Isaiah 4:5 Referans Kwoze

Nehemiah 9:12

Sunin meii khuam khat tawh amaute lam na lak a, amau’ lampaina khua a vaksak dingin zanin mei khuam khat tawh lam na lak hi.

Late 78:14

Sun hunin amah in amaute meiipi khat tawh kha a, zan tawntung, meikuang taang khat tawh amaute a kha hi.

Isaiah 60:1

Jerusalem khuapi aw, tho-in sun nitaang bang in! Topa’ minthanna in nangmah hong taanzo hi.

Isaiah 46:13

Suahtakna ding hun ka hong tungsak ta a, gamla nawn lo hi. Ka hong hotkhiat ding hun zekai nawn lo ding hi. Keima minthanna ahi Israel a dingin Jerusalem ka honkhia ding hi,” a ci hi.

Isaiah 33:20

Pawite i bawlna khuapi Zion en un! Daitakin a kitenna mun, a khetphimte kidokkhia ngei loin a khaute a tat ngei lo, a kikhin thei het lo puanbuk a bang, Jerusalem khuapi, na mu ding uh hi.

Late 85:9

I gam sungah minthanna a om theih nadingin amah a zahtakte a dingin ama hong hotkhiatna hong om takpi hi.

Mattiu 28:20

Tua ciangin note tungah ka hong gen thute khempeuh a zuih nadingun na hilh un. Hun bei dongin note a hong ompih tawntung ding ka hihna thu phawk ta un,” a ci hi.

Paikhiatna 14:24

Zingsang ciangin Topa in mei le meii khuam sung panin Egypt mihonpite en sukin, Egypt mihonpite phialgawp a,

Isaiah 37:35

Bang hang hiam cih leh keimah le ka nasempa David ka khualna-in hih khuapi a suahtak nadingin ka hu ding hi,” a ci hi.

Isaiah 32:18

Ka mihingte pen kilem takin a tenna, lungmuang takin a omna, daitakin a tawlngakna munah om ding uh hi.

Late 111:1

Topa phat un. Lungsim thutangte a omna, mihon kikhopna sungah ka lungsim khempeuh tawh Topa’ tungah lungdamna ka ko ding hi.

Paikhiatna 26:7

“Biakbuk a tung khuh nadingin keelmul tawh puante zong na bawl ding a, puan sawm le khat na bawl ding hi.

Paikhiatna 26:1

“Tua tham loin a kopin a kikhuk khau hoih tawh a kigan dalna puan sawm le a dum, a dupsan, le a ausan khau a kigan puan tawh biakbuk na bawl ding hi. Hoihtakin a kibawl kherub-te tawh tuate na bawl ding hi.

Mattiu 18:20

Bang hang hiam cih leh keima minin mi nih le thum bek nangawn a kikhopna peuhpeuhah kei ka om hi,” a ci hi.

Paikhiatna 24:16

Topa’ minthanna vang pen Sinai Mual tungah kinga a, meii in ni guk sung tua mual a tuam hi. A ni sagih ni-in amah in meii lak panin Moses a sam hi.

Late 105:39

Amaute a liah dingin amah in meiipi kaisak a, zanin khua muh nadingin mei a omsak hi.

Isaiah 60:2

Minam dangte khuamial in tuamcip ding a, ahi zongin nangma tungah Topa’ khuavak hong taang ding hi. Ama minthanna in nang hong ompih ding hi.