Isaiah 39:8 - Tedim Bible

⁸ Tua ciangin Hezekiah in Isaiah kiangah, “Nong gensa Topa’ thu a hoih ahi hi,” a ci hi. Bang hang hiam cih leh amah in, “Kei’ nuntak hun sungin nopna le lungmuanna om buang ding hi,” ci-in a ngaihsun hi.

Tedim Bible Revision 2017

⁸ Tua ciangin Hezekiah in Isaiah kiangah, “Nong gen sa Topa’ thu a hoih ahi hi,” a ci hi. Bang hang hiam cih leh amah in, “Keiʼ nuntak hun sungin nopna le lungmuanna om buang ding hi,” ci-in a ngaihsun hi.

Isaiah 39:8 Referans Kwoze

2 KHANG TANGTHU NIHNATE 32:26

Ahi zongin a nung ciangin Hezekiah a lungsim kiphatsakna thu-ah amah le Jerusalem-a teng mite tawh kiniamkhiat uh ahih manin amaute’ tungah Topa’ hehna hong tung lo hi.

2 KHANG TANGTHU NIHNATE 34:28

Na pate kiang kong zuansak ding a, hih mun le a tunga tengte tungah ka tunsak ding siatna khempeuh na mit in mu lo ding hi,’ ci hi,” a ci hi. Tua ciangin amaute in kumpipa kiangah a thu puakkik uh hi.

1 PETER MASA 5:6

Pasian in ama hoihsak hun ciangin note hong laptoh theih nadingin a thahat Pasian’ khutnuai-ah kiniamkhiatin na om un.

Zekhariah 8:19

amah in, “Kha lina, kha ngana, kha sagihna, le kha sawmna sunga antannate pen, Judah gammite a dingin lungdamin kipakin pawi bawlna hun suak ta ding hi. Tua ahih manin thuman le kilemna deih pha un,” hong ci hi.

Zekhariah 8:16

Hih bangin note gamta un: Note khatlekhat tungah thuman thutak kam kipau un. Thukhenna zumah, kilemna a piangsak ding thutang zang un.

Kah la 3:39

I mawhna hangin gim i thuak ciangin bang hangin phunphun ding ihi hiam?

Kah la 3:22

A bei thei lo Topa’ hong itna le a hehpihna a kizom paisuak hi a,

Late 39:9

Hih bangin a hong bawl nangmah na hih manin pau loin ka om a, ka kam ka ka kei hi.

JOB (Job) 1:21

Tua ciangin amah in, “Ka nu sung panin guaktangin ka suak a, guaktang mahin ka ciahkik ding hi. Topa in hong pia a, Topa mah in hong lakik hi. Topa’ min kiphat ta hen,” a ci hi.

2 SAMUEL NIHNA 15:26

Ahih hangin amah in, ‘Na tungah lungkimna ka nei kei hi,’ hong cih leh, en in, hih lai-ah kei ka om hi; amah in hoih a sak bangin kei tungah hong bawl hen,” a ci hi.

1 SAMUEL MASA 3:18

Tua ahih ciangin Samuel in ama kiangah a vekpi-in genin bangmah im lo hi. Tua ciangin Eli in, “Amah pen Topa ahi hi. Amah in hoih a sak bangin hih ta hen,” a ci hi.

Siampi Laibu 10:3

Tua ciangin Moses in Aaron’ kiangah, “Topa in, ‘Ka kiang nai-a a omte kiangah keimah a siangtho-in ka kilak ding a, mi khempeuh’ mai-ah keimah hong kiminthangsak ding hi,’ ci hi,” ci-in a gen hi. Aaron pau loin a om hi.