Isaiah 34:7 - Tedim Bible

⁷ Gamsial talte amaute tawh tukkhawm ding a, bawngtalno gehsate le bawngtal hatte tukkhawm ding hi. Amau’ gam pen sisan tawh kidiah ding a, amau’ leitang pen sathau in nipsak ding hi.

Tedim Bible Revision 2017

⁷ Gamsial talte amaute tawh tukkhawm dinga, bawngtalno geh sate le bawngtal hatte tukkhawm ding hi. Amauʼ gam pen sisan tawh kidiah dinga, amauʼ leitang pen sathau in nipsak ding hi.

Isaiah 34:7 Referans Kwoze

Late 68:30

Pumpeeng lak a teng Egypt mite- tua ganhingte, bawngtal hon, bawngnote taigawp in. Siah a lunggulhte tuancil inla, gal a uuk mite thehthang gawp in.

Gamlak-vakna 23:22

Pasian in Egypt panin amaute paikhiatpih a, amaute in gamsial tha bang hatna nei uh hi.

Jeremiah 50:27

A galkap hangte khempeuh uh thahsak un. Amaute in gimna thuak ding uh a, a thuak ni ding uh hong tungzo ta!”

Jeremiah 50:11

“Babylon mite aw, note in keima gamh Israel mite na luhgawp uh hi. Lungdamin kipakin, lopa kham bawngno bangin omin sakol bangin na ham uh hangin,

Jeremiah 46:21

A galkap cialte nangawn amaute’ lakah bawngno hat lote a bang lel uh hi. Pang loin, do tentan lo uh a, nungkikin a taikeek uh hi. Bang hang hiam cih leh amau’ kisiat ding ni, amau’ gimthuak ding ni, hong tungzo hi.

Late 92:10

Ahih hangin nangmah in zangsial bangin kei na hong hatsak a, kei thupha hong pia-in nong lungdamsak hi.

Thu-hilhkikna 33:17

A tacil, bawngtal bangin thahat a, a kite, gamsial kite tawh kibang hi. Amah in tuate tawh mite nawt ding a, leimong dongah amaute khempeuh phul ding hi. Efraim mi tul sawmte tua bang hi a, Manasseh minam tul tampite zong tua bangmah ahi hi,” a ci hi.

Gamlak-vakna 24:8

Pasian in Egypt gam panin amaute paikhiatpih a, gamsial bangin amaute thahat uh hi. Amaute in a gal uh ahi minam dangte sugawp ding uh a, amau’ guhte suzan gawp ding uh a, a thaltang uh tawh amaute kaplet ding uh hi.

Late 22:21

Humpinelkai kam panin keimah hong hon inla, gamsialte’ ki panin a cimawh keimah hong hon in.

Isaiah 63:6

Ka sinsona tawh minam dangte cilin, ka hehna hangin amaute zukham ka bangsak a, amaute’ sisan leilakah ka thehthang hi.

Jeremiah 25:34

“No makaite aw, tau unla, kap un; vut lakah kikhuk un, no uliante aw. Bang hang hiam cih leh hong kithahlup ni ding le na kikhenthang ni ding uh hong tungzo hi; tuutal teelte bangin hong kithatlum ding hi.

Ezekiel 32:6

Na sisan tawh leitung khempeuh ka kawtsak ding a, mualteng guamteng na sisan tawh kidim ding hi.

Ezekiel 39:17

Topa Pasian in kei kiangah, “Mihing ahi Ezekiel aw, amaute a dingin ka bawlsak biakpiakna sa a ne dingin mun khempeuh panin vasa khempeuh le ganhing khempeuh hong pai nadingun sam in. Israel mualtung gamah pawi lianpi khat om ding a, a duh zahzahun sa ne-in si dawn ding uh hi.

Ezekiel 39:18

Tuutalte, tuunote, keelte le bawngtal thaute a kigawh bangin a kigo ahi galkapte’ sate ne-in, leitung gam ukte’ site a dawn ding uh ahi uh hi.