Isaiah 34:3 - Tedim Bible

³ A kithat amau’ mite kilawnkhia ding a, a siluang hawmte uih semsem ding hi. Amau’ sisan in mual khempeuh sansak ding hi.

Tedim Bible Revision 2017

³ A kithat amauʼ mite kilawn khia dinga, a siluang hawmte uih semsem ding hi. Amauʼ sisan in mual khempeuh sansak ding hi.

Isaiah 34:3 Referans Kwoze

Joel 2:20

Leilu lam gam panin a hong pai mite, note kiang panin sehnel gamah ka hawlkhia ding a, a madawkte uh nisuahna tuipi sungah khia-in, a nungdalte uh nitumna tuipi sungah ka khia ding a, amaute in note tungah hong bawlna hangin a luanghawmte uh uihgawp ding hi.

Ezekiel 39:4

Nang le na galkap honte le nang hong panpih minam khempeuhte pen Israel mualtung gamah na simang ding uh a, vasa nam khempeuh le gamsate in na sa uh ne ding uh hi.

Isaiah 34:7

Gamsial talte amaute tawh tukkhawm ding a, bawngtalno gehsate le bawngtal hatte tukkhawm ding hi. Amau’ gam pen sisan tawh kidiah ding a, amau’ leitang pen sathau in nipsak ding hi.

Mangmuhna 14:20

Khuapi pualamah kicil a, a cilna panin sisan vive luangkhia-in, pi nga bang thukin, tai zanih ciang bangah tuikhang bangin a luang hi.

Amos 4:10

Egypt gamah ka hong tunsak bangin note lakah gimna kong tungsak hi. Gal sungah na tangvalteng uh ka sisak a, na sakolte uh kong paihkhiatsak hi. Na giahphual sungte uh a uih mahmahna tawh na nakngek uh kong zensak hi. Tua bang hinapi-in kei lamah nong kihei kei uh hi, Topa in ci hi.

Ezekiel 39:11

Topa in, “Hih thu hong pian’ ni ciangin Israel gam sung Si Tuipi nisuahna lamah a om Khualzin Mite’ Kuam a cihna sungteng, a kivui nadingun Gog ka pia ding hi. Gog le a galkap honpite, tua lai munah kivui ding ahih manin khualzin mite’ lampi khaktan ding a, tua mun pen, ‘Gog Galkapte’ Kuam,’ kici ding hi.

Ezekiel 38:22

Pulnatna le sisan luanna tawh amah gim ka pia ding hi. Amah le a galkap honte le amah a panpih minam tampite tungah guahpi, gialpi, meikuang le kaat kuang, ka zusak ding hi.

Ezekiel 35:6

Tua ahih ciangin kei pen a nungta Topa Pasian ka hih takpi mah bangin, nangma sih nading ka bawl ding a, na si takpi ding hi. Nangmah in mi sisak na hih manin nangma tungah sihna hong tung ding hi.

Ezekiel 14:19

Tua gamah pulpi tungsakin, ka hehna tawh mihing ganhing sisak leng,

Jeremiah 22:19

La si a kiphum bang lelin amah kivui ding a, Jerusalem kongpi pualamah kikai talin kipaai ding hi,” a ci hi.

Isaiah 10:4

Thongkiate’ lakah tonbucipin om ding le a kithat mite lakah sih ding bek a om hi. Hih thute khempeuh hangin ama hehna damzo nai lo a, ama khut kizanlai hi.

Isaiah 66:24

Amaute a ciah uh ciangin kei hong lehdo mite’ luanghawmte en ding uh hi. Bang hang hiam cih leh amau a ne thante si ngei loin, amau a kihalna mei mit ngei lo ding a, amaute pen mi khempeuh’ kih hi ding hi, a ci hi.

Jeremiah 25:33

“Tua ni-a Topa’ thahlup mite’ luanghawmte leimong khat panin mong khat dongah a kithehthang ding uh hi. Amaute kuamah in a kah kei ding uh a, kikaikhawm loin, kiphum lo ding uh ahih manin leilakah ek nusiatin a kinusia ding uh hi.

Nahum 3:3

Sakol tung tuangte’ galsimna, namsau phia zalzal! Teipi tee zalzal! Misi luanghawmte simzawh ding hi lo, kiciangin vum venvan! Tuate tung mah tawnin gal kido!

Ezekiel 32:4

Leilakah nang hong kaikhia-in, leilak kong denna ding a, vasate le ganhingte, a kham takun kong nesak ding hi.